ଶିକ୍ଷିତ ଯୁବକଙ୍କ ନିଆରା ନିଶା, ପାଠପଢ଼ା ସହ କରୁଛନ୍ତି ସମାଜସେବା

କନକ ବ୍ୟୁରୋ: ଶିକ୍ଷିତ ଯୁବକଙ୍କ ନିଆରା ଅନ୍ଦାଜ । ପାଠ ପଢା ସହ ସମାଜ ସେବାରେ ରୂଚି, ମିଳୁଛି ପୁରସ୍କାର ଓ ପ୍ରଶଂସା । ପେବୃଆରୀ ମାସରେ ପାନିପଥଠାରେ ଆନ୍ତର୍ଜାତୀୟ ସେମିନାରରେ ଯୋଗ ଦେବାପାଇଁ ମନୋନୀତ ହୋଇ କଲେଜପାଇଁ ଗୌରବ ଆଣିଲେ ଯାଜପୁର ଜିଲ୍ଲା ଧର୍ମଶାଳା ବ୍ଲକ ନେଉଳପୁର ଗାଁର କିଶୋର ସାହୁଙ୍କ ପୁଅ ସୁନୀଲ ।

ଧର୍ମଶାଳା ବ୍ଲକ ଅନ୍ତର୍ଗତ ନେଉଳପୁର ଗାଁର ସୁନୀଲ ସାହୁ । ପିଲାଦିନୁ ସମାଜସେବାରେ ଆଗ୍ରହୀ । ପାଠପଢ଼ାରୁ  ଫୁରସତ ମିଳିଲେ, ଲୋକଙ୍କ ଭଲମନ୍ଦ ବୁଝନ୍ତି। ସଡ଼କ ସୁରକ୍ଷା, ବୃକ୍ଷରୋପଣ, ଏଚ୍‌ଆଇଭି, ଯୌତୁକ ନିରୋଧ, ଡାଇରିଆ, ଡେଙ୍ଗୁ ,ନିଶା ନିବାରଣ, ମ୍ୟାଲେରିଆ ସଂପର୍କରେ ସଚେତନତା ଭିଡିଓ କରି ସାମାଜିକ ଗଣମାଧ୍ୟମରେ ପୋଷ୍ଟ କରନ୍ତି । ଏଥିପାଇଁ ତାଙ୍କୁ ଶ୍ରେଷ୍ଠ ଭଲ୍ୟୁଣ୍ଟିୟର ଭାବରେ ମିଳିଛି ସ୍ୱୀକୃତି । ଜିଲ୍ଲା ରେଡକ୍ରସ, ରାଜୀବ ଗାନ୍ଧୀ ଯୁବ ସମାଜସେବୀ ସମ୍ମାନର ଅଧିକାରୀ ସୁନୀଲ । ଅକ୍ଟୋବରରେ ହରିଆଣା ପାନିପତଠାରେ ହେବାକୁ ଥିବା ଅନ୍ତର୍ଜାତୀୟ ସମ୍ମିଳନୀରେ ଯୋଗଦେବାକୁ ଓଡିଶାରୁ ମନୋନୀତ ହୋଇଛନ୍ତି ।

ବିଇଡି ପଢ଼ୁଥିବା ପୁଅର ଏହି କାମ ପାଇଁ ପ୍ରେରଣା ଦିଅନ୍ତି ବାପା କିଶୋର ସାହୁ । ପାଠପଢ଼ା ସହ ସମାଜସେବାରେ ବ୍ରତୀ ପୁଅକୁ ନେଇ ସେ ଗର୍ବ କରନ୍ତି । ନିମ୍ନ ମଧ୍ୟବିତ ପରିବାରର ପୁଅ ସୁନୀଲ ଅନ୍ୟ ଶିକ୍ଷିତ ଯୁବବର୍ଗଙ୍କ ପାଇଁ ପ୍ରେରଣାଦାୟୀ ।