ପାକିସ୍ତାନରେ ବଢୁଛି ଆର୍ଥିକ ସଙ୍କଟ । ୬ଟି ମନ୍ତ୍ରଣାଳୟ ବନ୍ଦ,ଦେଢଲକ୍ଷ ଚାକିରୀ ଉଚ୍ଛେଦ୍ଦ

କନକବ୍ୟୁରୋ: ଆର୍ଥିକ ସଙ୍କଟରେ ପଡୋଶୀ ପାକିସ୍ତାନ। ଆଇଏମଏଫ ଠାରୁ ପାଣ୍ଠି ଆଣିବାକୁ ସରିଫ ସରକାରଙ୍କ କଠୋର ପଦକ୍ଷେପ । ୬ଟି ମନ୍ତ୍ରଣାଳୟ ବନ୍ଦ, ଦେଢଲକ୍ଷ ଚାକିରୀ ଉଚ୍ଛେଦ୍ଦ । 

ଘୋର ଆର୍ଥିକ ସଙ୍କଟ ଦେଇ ଗତି କରୁଥିବା ପଡୋଶୀ ଦେଶ ପାକିସ୍ତାନ ଆନ୍ତର୍ଜାତୀୟ ମୁଦ୍ରା ପାଣ୍ଠିରୁ ଆର୍ଥିକ ସହାୟତା ପାଇବା ପାଇଁ କେତେକ କଠୋର ପଦକ୍ଷେପ ଗ୍ରହଣ କରିଛି  ।

ଏହା ନିଜର ୬ଟି ମନ୍ତ୍ରଣାଳୟକୁ ବନ୍ଦ କରିବା ସହିତ ଦେଢ ଲକ୍ଷ ସରକାରୀ ପଦବୀ ଉଚ୍ଛେଦ୍ଦ କରିଛି । ପ୍ରଶାସନିକ ଖର୍ଚ୍ଚ କମ କରିବା ଲାଗି ପାକିସ୍ତାନ ଏପରି କଠୋର ପଦକ୍ଷେପ ଗ୍ରହଣ କରିଥିବା ଜଣାପଡିଛି । 

ଫଳରେ ପାକିସ୍ତାନକୁ ୭୦୦ କୋଟି ଡଲାର ଦେବାକୁ ଆଇଏମଏଫ ରାଜି ହୋଇଥିବା ବେଳେ ପ୍ରଥମ ପର୍ଯ୍ୟାୟରେ ୧୦୦କୋଟି ଡଲାର ଜାରି କରିଛି। ଆଇଏମଏଫ ସହ ଡିଲ୍ ସମ୍ପର୍କରେ ପାକିସ୍ତାନ ଅର୍ଥମନ୍ତ୍ରୀ ମହମ୍ମଦ ଔରଙ୍ଗଜେବ ସୂଚନା ଦେଇଛନ୍ତି ।