ପାଟଣେଶ୍ୱରୀଙ୍କଠାରୁ ଆସିଲା ପାଟ ସିନ୍ଦୂର  ; ୫ ଦିନ ଧରି ଚାଲିବ ପାଟ ଖଣ୍ତା ଯାତ୍ରା

କନକ ବ୍ୟୁରୋ: ବଲାଙ୍ଗୀର ଜିଲ୍ଲା ଜରା ସିଂହାଠାରେ ଅନୁଷ୍ଠିତ ହେଉଛି ଐତିହାସିକ ପାଟ ଖଣ୍ଡା ଯାତ୍ରା । ଏହି ଯାତ୍ରା ପାଇଁ ଘରେ ଘରେ କୁଣିଆ ଆସି ପହଞ୍ଚିଥିବାବେଳେ ଉତ୍ସବମୁଖର ହୋଇପଡ଼ିଛି ପୂରା ଗାଁ । ଦେଓଗାଁ ବ୍ଲକ ଜରାସିଂହାଠାରେ ହେଉଥିବା ବହୁ ପ୍ରତୀକ୍ଷିତ ପାଟଖଣ୍ଡା ଯାତ୍ରା ପାଇଁ ପାଟ ସିନ୍ଦୁର ରବିବାର ରାତିରେ ମନ୍ଦିରରେ ପହଞ୍ଚିଛି । ପାଟଣାଗଡ଼ ପାଟଣେଶ୍ୱରୀଙ୍କଠାରୁ ଆସିଲା ପାଟ ସିନ୍ଦୂର । ବିଳମ୍ୱିତ ରାତିରେ ବରଣ କଲେ ଗାଁ ଲୋକେ । ପାଟ ସିନ୍ଦୂର ଆସିବା ପୂର୍ବରୁ ପାଟଖଣ୍ଡା ମନ୍ଦିରରେ ମୂଳାଷ୍ଟମୀ ଦିନରୁ ଶୋଳ ପୂଜା ପାଉ ଥିବା ପାଟଖଣ୍ଡାଙ୍କ ପ୍ରତୀକ ଖଣ୍ଡାକୁ ୩୨ ଦେହୁରୀ ଏକ ପଟୁଆରରେ ମନ୍ଦିରରୁ ସୋନଗଡ଼ ନଦୀକୁ ଯାଇ ନବମୀ ତିଥିରେ ଧୋଇବା ପରମ୍ପରା ରହିଛି  । ଆଜିଠାରୁ ପାଟ ଖଣ୍ଡା ଯାତ୍ରା ଆରମ୍ଭ ହେବ ।