ଗାଁରେ ବି ଦଶହରାର ଧୁମ । ତୋରଣ ଦେଖିବାକୁ ଜମୁଛି ଲୋକ ଗହଳି ।

କନକ ବ୍ୟୁରୋ: ସବୁଠି ମାଆ ଦୁର୍ଗାଙ୍କ ପୂଜା ନେଇ ଉତ୍ସବ ମୁଖର ପରିବେଶ । ଗାଁରୁ ନେଇ ସହର ସବୁଠି ଯାକଜମକରେ ପାଳିତ ହେଉଛି ଦଶହରା । ବିଶେଷ କରି ଗାଁଗୁଡିକରେ ମଧ୍ୟ ବେଶ ଧୁମଧାମରେ ଦଶହରା ପାଳିତ ହୋଇଛି । ଓଡ଼ାପଡ଼ା ବ୍ଲକର ୯ଟି ପଞ୍ଚାୟତର ପଞ୍ଚୁବଟି, ମୁଲିଶିଂ, ଅଙ୍କରାନ୍ତିପୁରରୁ ନେଇ ଗଦାଶିଳା, ଚାଇଁପୁର ଗ୍ରାମରେ ୪୨ଟି ମଣ୍ଡପରେ ମା’ଦୂର୍ଗାଙ୍କ ମୃଣ୍ମୟୀ ମୂର୍ତ୍ତି ଶୋଭା ପାଉଛନ୍ତି । ୩ କିଲୋମିଟର ଯାଏଁ ବଡ ବଡ ଆଲୋକ ତୋରଣ ସହିତ ରଙ୍ଗ ବେରଙ୍ଗ ଡିଜିଟାଲ ଲାଇଟରେ ଭିନ୍ନ ଏକ ପରିବେଶ ସୃଷ୍ଟି କରୁଛି ।
 

ଷଷ୍ଠୀରୁ ଦଶମୀ ଯାଏଁ ଏହି ଅଞ୍ଚଳର ଦୁର୍ଗା ପୁଜା ଦେଖିବାକୁ ଓଡ଼ାପଡ଼ା, ହିନ୍ଦୋଳ, ଢେ଼ଙ୍କାନାଳ ଓ ଅନୁଗୋଳ ଜିଲ୍ଲାରୁ ଶହଶହ ଶ୍ରଦ୍ଧାଳୁଙ୍କ ଭିଡ଼ ଲାଗିଥିଲା । ବିଗତ ୫୦ ବର୍ଷ ଶାନ୍ତି ଶୃଙ୍ଖଳର ସହ ମାଆଙ୍କ ପୂଜାର୍ଚ୍ଚନା କରାଯାଉଛି । ଗାଁରେ ପ୍ରତିବର୍ଷ ଭଳି ଚଳିତ ବର୍ଷ ବି ବେଶ ଧୁମଧାମରେ ମାଆଙ୍କ ପୂଜାଚ୍ଚର୍ନା କରାଯାଇଛି ।