ଉପମୁଖ୍ୟମନ୍ତ୍ରୀଙ୍କ ଗସ୍ତରେ ଅନୁପସ୍ଥିତ ଉପଜିଲ୍ଲାପାଳ,  ବିରକ୍ତି ପ୍ରକାଶ କଲେ କେଭି ସିଂହଦେଓ

କନକ ବ୍ୟୁରୋ:ଉପ ମୁଖ୍ୟମନ୍ତ୍ରୀଙ୍କୁ ସମୟ ନ ଦେଇ ଅନୁପସ୍ଥିତ ରହିଲେ  ଟିଟିଲାଗଡ ଉପ ଜିଲ୍ଲାପାଳ। ବିରକ୍ତି ପ୍ରକାଶ କଲେ କେଭି ସିଂହଦେଓ ।  ଗତ ଦୁଇ ଦିନ ତଳେ ଉପ ମୁଖ୍ୟମନ୍ତ୍ରୀ  କନକ ବର୍ଦ୍ଧନ ସିଂହଦେଓ  ଟିଟିଲାଗଡ ଗସ୍ତରେ ଆସି ଥିଲେ । ଏହି ସମୟରେ ଟିଟିଲାଗଡ ଉପଜିଲ୍ଲାପାଳ ଅନୁପସ୍ଥିତ ରହିଥିବାରୁ ତାଙ୍କ ଉପରେ ଖପ୍ପା ହୋଇଛନ୍ତି କେଭି । ଏଥିପାଇଁ କୈଫିୟତ ମଗାଯିବ ବୋଲି କହିଛନ୍ତି ଉପମୁଖ୍ୟମନ୍ତ୍ରୀ ।

ଟିଟିଲାଗଡ ପାଇଁ ଦୀର୍ଘ ଦିନ ଧରି ଏକ ଗ୍ରୀଡ ସ୍ଥାପନ ପାଇଁ ଦାବି ହୋଇ ଆସୁଛି । ଏବେ ଗ୍ରୀଡ୍ ସ୍ଥାପନ ନେଇ ସ୍ଥାନ ଚିହ୍ନଟ ପାଇଁ ଉପ-ଜିଲ୍ଲାପାଳଙ୍କୁ ଦାୟିତ୍ବ ଦିଆଯାଇଥିଲା । ହେଲେ ଉପଜିଲ୍ଳାପାଳ ସ୍ଥାନ ଚିହ୍ନଟ କରିନାହାନ୍ତି । ଯେଉଁଥିପାଇଁ ଶକ୍ତିମନ୍ତ୍ରୀ ଦାୟିତ୍ବରେ ଥିବା ଉପ-ମୁଖ୍ୟମନ୍ତ୍ରୀ କେ.ଭିଙ୍କ କାର୍ଯ୍ୟକ୍ରମରେ ଉପଜିଲ୍ଲାପାଳ ସାମିଲ ହୋଇନଥିବା ଚର୍ଚ୍ଚା ହେଉଛି । 

 ଆହୁରି ପଢ଼ନ୍ତୁ:ଭୁବନେଶ୍ୱରରେ କମିଶନରେଟ ପୁଲିସ୍ ର ଫ୍ଲାଗମାର୍ଚ୍ଚ , ମଦ ପିଇ ଗାଡ଼ି ଚଳାଇଲେ କଡ଼ା କାର୍ଯ୍ୟାନୁଷ୍ଠାନ