ରାଉରକେଲାରେ ମାତିଛନ୍ତି ନକଲି ହଲମାର୍କ ସୁନା ବେପାରୀ । ଅସଲି ସୁନା କହି ଦୋକାନୀଙ୍କୁ ମାରୁଛନ୍ତି ଚୁନା

କନକ ବ୍ୟୁରୋ : ସ୍ମାର୍ଟ ସିଟିରେ ମାତିଛନ୍ତି ନକଲି ହଲ ମାର୍କ ସୁନା ବେପାରୀ । ଅସଲି ସୁନା କହି ନକଲି ସୁନା ଦେଇ ଦୋକାନୀଙ୍କୁ ଚୂନା ମରୁଛନ୍ତି ।  ଏଭଳି ଏକ ଠକ ଗ୍ୟାଙ୍ଗର ପର୍ଦାଫାଷ ହୋଇଛି ରାଉରକେଲାରେ । ଝାରଖଣ୍ଡ ଅଂଚଳରେ ଏମାନଙ୍କ ନେଟୱାର୍କ ରହିଥିବା ବେଳେ ଘଟଣାରେ ଜଣେ ଠକକୁ ଗିରଫ ପରେ କୋର୍ଟ ଚାଲାଣ କରିଛି ପୋଲିସ ।

ରାଉରକେଲା ରେ ନକଲି ହାଲମାର୍କ ସୁନା ରାକେଟ ର ପର୍ଦାଫାଶ ।  ସ୍ମାର୍ଟ ସିଟି ରାଉରକେଲା ମାତିଛନ୍ତି ନକଲି ସୁନା ବେପାରୀ । ସୁଦୂର ଝାରଖଣ୍ଡରେ ରହିଛି ଏଇ ଠକଙ୍କ ଆଡ୍ଡା ।  ନକଲି ହଲମାର୍କ ସୁନାକୁ ବଦଳାଇ ଅସଲି ସୁନା ନେବାକୁ ପ୍ଲାନିଂ କରୁଥିବା ବେଳେ ଦୋକାନୀଙ୍କ ହାବୁଡ଼ରେ ପଡିଛି ଏହି ଠକ ।  ଠକ ଜଣକ ହେଉଛି ଝାରଖଣ୍ଡ ଅଂଚଳର ସନ୍ତୋଷ ସା । ତା ନିକଟରୁ ୬ ଗ୍ରାମ ସୁନା ଓ ୨୫୦ ଗ୍ରାମ ରୁପା ସହ ନଗଦ ୨୦ ହଜାର ଟଙ୍କା ଜବତ କରିଛି ପୋଲିସ । ଏପଟେ ସନ୍ତୋଷକୁ ଗିରଫ କରିବା ପରେ  କୋର୍ଟ ଚାଲାଣ କରିଛି ପୋଲିସ । ଏପରିକି ପୋଲିସର ଏକ ସ୍ୱତନ୍ତ୍ର ସ୍କାର୍ଡ ଝାରଖଣ୍ଡ ଯାଇ ଏହି ନେଟୱର୍କର ଚେର ଖୋଜୁଛି ।

ପ୍ଲାଣ୍ଟ ସାଇଟ ଥାନା ଷ୍ଟେସନ ରୋଡରେ ଥିବା  ଏମଏନ୍ ଜ୍ୱଲାରୀରେ ଠକ ଜଣକ ସାଙ୍ଗରେ ଆଣିଥିବା କିଛି ନକଲି ହାଲମାର୍କ ସୁନା ବଦଳାଇ ନୂଆ ସୁନା ନେବାକୁ ଯୋଜନା କରିଥିଲା । ଦୋକାନୀ ଜଣକ ସୁନା ଦେଖି ସନ୍ଦେହ କରିଥିଲେ ।  ଏନେଇ ସୁନାର ଯାଞ୍ଚ କରିବାରୁ ଏହା ଡୁପ୍ଲିକେଟ୍  ବୋଲି ଜାଣିବାକୁ ପାଇଥିଲେ ଦୋକାନୀ ଜଣଙ୍କ । ନିଜର ଉପସ୍ଥିତ ବୁଦ୍ଧି ଲଗାଇ ପୋଲିସ କୁ ଖବର ଦେଇଥିଲେ ।

ତେବେ ଝାରଖଣ୍ଡରେ ରହିଥିବା ଏହି ଠକ ନେଟୱାର୍କ ର ଚେର ଖୋଜିବାକୁ ଏକ ସ୍ୱତନ୍ତ୍ର ସ୍କ୍ୱାର୍ଡ ଗଠନ କରିଛି । ସେପଟେ ପୁରା ଅସଲି ଦେଖା ଯାଉଥିବା ହଲମାର୍କ ର ନକଲି ସୁନାର ନେଟୱାର୍କ ସୁନା ଦୋକାନୀଙ୍କ ଟେନସନ ବଢ଼ାଇ ଦେଇଛି ।