/kanak/media/agency_attachments/2024-07-23t061209958z-vpn68eiq1eknckql8r0y.jpg)
/kanak/media/media_files/2025/07/30/37-2025-07-30-19-14-21.jpg)
କନକ ବ୍ୟୁରୋ : ବାଲେଶ୍ୱର ୨୭ନମ୍ୱର ୱାର୍ଡର ଜନବସତି ଅଞ୍ଚଳରେ କଲବଲ କରୁଛି ଡମ୍ପିଂୟାର୍ଡ୍ । ନାକଫଟା ଦୁର୍ଗନ୍ଧ ସାଂଗକୁ ବିଭିନ୍ନ ରୋଗ ମଧ୍ୟ ହେଉଛି । ଏହି ସମସ୍ୟା ନେଇ ସ୍ଥାନୀୟ ଲୋକେ ବାରମ୍ୱାର ଅଭିଯୋଗ କଲେଣି, ହେଲେ ଜନବସତି ଅଞ୍ଚଳରୁ ଉଠୁ ନାହିଁ ଡମ୍ପିଂୟାର୍ଡ।
୨୭ନମ୍ବର ୱାର୍ଡର ଚୂନ ଭାଟିରେ ରହିଛି ଡମ୍ପିଂୟ।ର୍ଡ । ପ୍ରତିଦିନ ୫୦ରୁ ଅଧିକ ଟ୍ରାକ୍ଟର ଟ୍ରିପରେ ଅଳିଆ ଆସି ଗଦା ହେଉଛି । ଅଳିଆ ଆବର୍ଜ୍ଜନାର ପାହାଡ଼ ଭଳି ଗଦା ହେଲାଣି। କିନ୍ତୁ ପାଚେରୀ ନ ଥିବାରୁ ଅଳିଆ ପାହାଡ଼ ଧସି ହୋଇ ରାସ୍ତାରେ ଜମା ହେଉଛି। ଜୋର୍ ପବନ ହେଲେ ଆବର୍ଜନା ଉଡ଼ି ଏଣେତେଣେ ପଡୁଛି । ଆଉ ବର୍ଷା ହେଲେ ଦୟନୀୟ ସ୍ଥିତି । ରାସ୍ତାରେ ଚାଲିବା ମୁସ୍କିଲ୍ । ଛୋଟ ପିଲାମାନେ ମଧ୍ୟ ଏଇ ପଚପଚ ରାସ୍ତାରେ ସ୍କୁଲ୍ ଯାଉଛନ୍ତି । ଡମ୍ପିଂୟ।ର୍ଡକୁ ଲାଗିକି ଥିବା ବସ୍ତିବାସିନ୍ଦା ବେଶୀ କଲବଲ ହେଉଛନ୍ତି ।
ଦୁର୍ଗନ୍ଧ ଓ ସଂକ୍ରମଣ ଯୋଗୁ କଲବଲ ଲୋକ। ଅବସ୍ଥା ଏମିତି ଯେ, ଅଳିଆ ଗାଡ଼ି ଯିବାକୁ ବାଟ ନାହିଁ, ଫଳରେ ରାସ୍ତାରେ ଗଦା ହେଉଛି ଅଳିଆ । ଦୁର୍ଗନ୍ଧ ଓ ଅସ୍ୱାସ୍ଥ୍ୟକର ପରିବେଶ ଯୋଗୁ ନାନା ରୋଗର ଶିକାର ହେଉଛନ୍ତି ସ୍ଥାନୀୟ ବାସିନ୍ଦା। ଡର୍ମିଂୟାର୍ଡ ଚାରିପଟେ ପାଚେରୀ କରାଯିବା ପାଇଁ ଯୋଜନା ହୋଇଥିଲେ ମଧ୍ୟ ଏପର୍ଯ୍ୟନ୍ତ କାର୍ଯ୍ୟକାରୀ ହୋଇପାରିଲା ନାହିଁ । ଦୁର୍ଗନ୍ଧ ଓ ଆବର୍ଜନା ପାଣି ଯୋଗୁ ମହାପାତ୍ର ସାହି, ଗୋପାଳ ଗାଁ, ମାନିଖମ୍ୱ, ତଳସାହି ଲୋକେ ମଧ୍ୟ କଲବଲ ହେଉଛନ୍ତି । ଏନେଇ ବାରମ୍ୱାର ଗୁହାରି କଲେ ମଧ୍ୟ କେହି ଶୁଣୁନାହାଁନ୍ତି ।