କନକ ବ୍ୟୁରୋ : ରାସ୍ତା ପାଇଁ ରାସ୍ତା ରୋକ । ଖୋର୍ଦ୍ଧା ଜିଲ୍ଲା ସିମୋର ବାଙ୍କୀ ରାସ୍ତାର ଦିନିଆରୀ ଛକ ଠାରେ ରାସ୍ତା ରୋକ । ଗାଁକୁ ପକ୍କା ରାସ୍ତା ନଥିବାରୁ ଦୀର୍ଘ ଦିନ ଧରି  ଅଭିଯୋଗ କରି ଆସୁଥିଲେ ସ୍ଥାନୀୟ ଗ୍ରାମବାସୀ । ହେଲେ କୌଣସି ସମାଧାନ  ନହେବାରୁ ରାସ୍ତାରୋକ କରାଯାଇଛି । ଖାଲଖମା ରାସ୍ତା ଦେଇ ଯାତାୟାତ କରିବା କଷ୍ଟକର ହେଉଥିଲା । ଗାଁକୁ ଆମ୍ବୁଲାନ୍ସ ବି ଯାଇ ହେଉନଥିଲା । ବାରମ୍ବାର ଦାବୀ ପରେ ବି ଶୁଣୁନଥିଲା ପ୍ରଶାସନ। ଯାହା ଫଳରେ ଆଜି ଗାଁର ଶତାଧିକ ମହିଳା ଏକାଠି ହୋଇ ସକାଳୁ ସକାଳୁ ଧାରଣାରେ ବସିଛନ୍ତି । ଉଭୟ ପଟୁ ଯାନବାହନ ଅଟକି ରହିଛି ।