ଡିସୋଜା ବିଦ୍ୟାଳୟର ବାର୍ଷିକ ଉତ୍ସବ ଧୂମଧାମରେ ପାଳନ

କନକ ବ୍ୟୁରୋ : ସେକ୍ଟର -୨ ସ୍ଥିତ ଡ଼ିସୋଜା ବିଦ୍ୟାଳୟର ଆଜି ବାର୍ଷିକ ଉତ୍ସବ ଧୂମଧାମରେ ପାଳନ ହୋଇଛି । ମୁଖ୍ୟ ଅତିଥି ଭାବରେ ରାଉରକେଲା ଇସ୍ପାତ କାରଖାନାର ଜେନେରାଲ ମ୍ୟାନେଜେର ଶ୍ରୀଯୁକ୍ତ ତପନ କୁମାର ଜି. କାନେକର, ଶ୍ରୀମତୀ ନଜ଼ୀମା କାନେକର ଯୋଗ ଦେଇଥିଲେ । ଏହି ଉତ୍ସବରେ ଶ୍ରୀଯୁକ୍ତ ସିଦ୍ଧlର୍ଥ ରଥ, ଅଞ୍ଜନା ମୈତ୍ରୀ, ନଳିନୀ ସୁତାର, ରାଜଲଷ୍ମୀ ସୁତାର, ଜିତେନ୍ଦ୍ର ପ୍ରସାଦ, ସୁଷମା ପ୍ରସାଦ, ସୁଶ୍ରିତା ଦାସ ଭଳି ବହୁ ମାନ୍ୟଗଣ ଅତିଥି ମାନେ ଯୋଗ ଦେଇଥିଲେ ।

ବିଦ୍ୟାଳୟର ଚେୟାରମ୍ୟାନ ଅଲେକଜେଣ୍ଡାର ଡ଼ିସୋଜା, ଡାଇରେକଟର ଆନାଵେଲ ଡ଼ିସୋଜା, ଅଧ୍ୟକ୍ଷା ଜୟୋତି ଗୁରୁ୍ୱାରା ସହ ଅଧ୍ୟକ୍ଷା ଜୟୀତା ନାୟକ ଅତିଥିମାନଙ୍କୁ ସ୍ୱାଗତ ଜଣାଇଥିଲେ ଏବଂ ବିଦ୍ୟାଳୟର ଛାତ୍ରଛାତ୍ରୀମାନେ ଅତିଥିଙ୍କୁ ସମ୍ମାନ ଜଣାଇ ସ୍ୱାଗତ ଜଣାଇଥିଲେ । ଉତ୍ସବର ଶୁଭାରମ୍ଭ ଅତିଥିମାନଙ୍କ ଦ୍ୱାରା ଦ୍ୱୀପ ପ୍ରଜ୍ଜ୍ୱଳନ କରାଯାଇ ଆଗକୁ ବଢ଼ିଥିଲା । ଦ୍ୱୀପ ପ୍ରଜ୍ଜ୍ୱଳନ ମନ୍ତ୍ର ବିଦ୍ୟାଳୟର ଶିକ୍ଷୟିତ୍ରୀ ଆଶା ରାଣୀ ସାହୁ ପ୍ରସ୍ତୁତ କରିଥିଲେ ।

ବିଦ୍ୟାଳୟର ଛାତ୍ରଛାତ୍ରୀମାନେ ପ୍ରସ୍ତୁତ କରିଥିବା ସୁନ୍ଦର ସଙ୍ଗୀତଗାନ କରି ଦର୍ଶକ ମାନଙ୍କୁ ସ୍ୱାଗତ ଜଣାଇଥିଲେ । ପ୍ରଧାନ ଶିକ୍ଷୟିତ୍ରୀ ଶ୍ରୀମତୀ ଗୁରୁ୍ୱାରା ଅଭିଭାବକ ମାନଙ୍କୁ ଧନ୍ୟବାଦ ଜଣାଇଥିଲେ ତା ସହ ବିଦ୍ୟାଳୟ ଛାତ୍ରଛାତ୍ରୀମାନେ କିପରି ପାଠପଢ଼ା ସହ କ୍ରୀଡ଼ାରେ ବି ସଫଳତା ଅର୍ଜନ କରିଛନ୍ତି ତାହା ଜଣାଇଥିଲେ । ଚେୟାରମ୍ୟାନ ଶ୍ରୀଯୁକ୍ତ ଡ଼ିସୋଜା ବିଦ୍ୟାଳୟର ଇତିହାସ ବିଷୟରେ କହିଥିଲେ ।

ମୁଖ୍ୟ ଅତିଥି ନିଜ ଉଚ୍ଚକୋଟିର ବକ୍ତବ୍ୟରେ ଛାତ୍ରଛାତ୍ରୀମାନଙ୍କୁ ପ୍ରେରଣା ଯୋଗାଇଥିଲେ । ଅତିଥିମାନଙ୍କ ଦ୍ୱାରା ବିଦ୍ୟାଳୟର ଟପ୍ପରମାନଙ୍କୁ ସ୍ମାରକ ପତ୍ର, ଟ୍ରଫି ଓ ପୁରସ୍କାର ସ୍ୱରୂପ ଅର୍ଥ ପ୍ରଦାନ କରାଯାଇଥିଲା । କାର୍ଯ୍ୟକ୍ରମର ପରିଚାଳନା ଶିକ୍ଷୟିତ୍ରୀ ତନୁଶ୍ରୀ ନିୟୋଗୀ, ଶିକ୍ଷୟିତ୍ରୀ ସର୍ବରୀ ଦାସ କରିଥିଲେ । ତା'ପରେ ବିଦ୍ୟାଳୟର ପିଲାମାନଙ୍କ ଦ୍ୱାରା ପ୍ରସ୍ତୁତ ହୋଇଥିଲା ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ । ବିଦ୍ୟାଳୟର ଶିକ୍ଷୟିତ୍ରୀମାନଙ୍କ ଦ୍ୱାରା ତାଲିମ୍ ପାଇ ଛାତ୍ରଛାତ୍ରୀ ମାନେ ପ୍ରସ୍ତୁତ କରିଥିଲେ ନୃତ୍ୟ, ସଙ୍ଗୀତ । ଭାଇବ୍ରେଣ୍ଟ ଭାଇବସ, ଗ୍ଲିଟଯ ଗ୍ଲାମ, ଗଲାଣ୍ଟ ବ୍ରିଗେଡ଼, ଫ୍ରୋଲିକ ଫ୍ୟୁଜନ, କରାଟେ କିଡ଼ସ, ଗ୍ରେସ ରିଦମ ଡିଭୋସନ ଏହିଭଳି ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଦର୍ଶକ ମାନଙ୍କ ମନୋରଞ୍ଜନ କରାଇଥିଲା । ଶେଷରେ ବିଦ୍ୟାଳୟର ଛାତ୍ରୀ ଶ୍ରୁତି ଓରାମ ଧନ୍ୟବାଦ ଜଣାଇଥିଲେ । ଶିକ୍ଷୟିତ୍ରୀ ତନୁଶ୍ରୀ ନିୟୋଗୀ ଜାତୀୟ ସଙ୍ଗୀତ ଗାନ କରିଥିଲେ ।