ଯାତ୍ରୀଙ୍କ ଜୀବନ ସହ ଖେଳ ; ମଝି ନଈରେ ମଦୁଆଙ୍କ ଉତ୍ପାତ

କନକ ବ୍ୟୁରୋ : ଯାତ୍ରୀଙ୍କ ଜୀବନ ସହ ଖେଳ, ଭରା ନଦୀରେ ଯାତ୍ରୀବାହୀ ଡଙ୍ଗାରେ ଉତ୍ପାତ ମଚେଇଲେ ମଦ୍ୟପ ଯୁବକ । ଅଳ୍ପକେ ବର୍ତ୍ତିଲେ ଲୋକେ । କେନ୍ଦ୍ରାପଡା ଜିଲ୍ଲା ମହାକାଳପଡ଼ା ବ୍ଲକ ତେରଗାଁ ଲୁଣା ନଦୀ ଭିତରେ ଏଭଳି ଘଟଣା ଘଟିଛି । ନଦୀ ମଝିରେ ଡଙ୍ଗା ଥିବାବେଳେ କେତେକ ମଦ୍ୟପ ଡଙ୍ଗାରେ ଉତ୍ପାତ ହେଉଥିଲେ । ଯାତ୍ରୀ ମାନେ ହୋ ହାଲ୍ଲା କରୁଥିବା ଭିଡିଓରେ ଦେଖିବାକୁ ମିଳୁଛି । ଏପରିକି ଘାଟ ଚାଳକ ୨ ଜଣ ମଧ୍ୟ ସେମାନଙ୍କ ସହିତ ମଦ୍ୟପାନ କରି ଜଣେ ବେପରୁଆ ଭାବେ ଡଙ୍ଗା ଚଳାଉଥିବା ଅଭିଯୋଗ ହୋଇଛି । 

ସମ୍ପ୍ରତି ନଦୀରେ ବନ୍ୟା ଜଳ ପ୍ରବାହିତ ହେଉଥିବା ବେଳେ ସ୍ରୋତ ମଧ୍ୟ ପ୍ରଖର ରହିଛି। ଚାଳକ ଦ୍ବୟ ଯଦି ମଦ୍ୟପ ମାନଙ୍କ ସହିତ ଘାଟ ଚଳାଇବା ବେଳେ ଏପରି କାର୍ଯ୍ୟ କରିବେ ତେବେ ଧନଜୀବନ ହାନୀ ହେବାର ଯଥେଷ୍ଟ ସମ୍ଭାବନା ରହିଛି । ଏଥିସହିତ ଉକ୍ତ ଫେରିଘାଟ ଡଙ୍ଗାରେ ଥିବା ଯାତ୍ରୀମାନେ ଲାଇଫ ଜ୍ୟାକେଟ ପିନ୍ଧି ନ ଥିବା ଦେଖିବାକୁ ମିଳୁଛି । ତେବେ ଘଟଣାର ତଦନ୍ତ ନିର୍ଦ୍ଦେଶ ଦେଇଛନ୍ତି ମହାକାଳପଡା ବିଡିଓ ।