ମୂଳପୋଛ ହେବେ ନିଶା ମାଫିଆ : କମିଶନରେଟ ପୋଲିସର ଜିରୋ ଟଲରାନ୍ସ ନୀତି

କନକବ୍ୟୁରୋ : ମୂଳପୋଛ ହେବେ ନିଶା ମାଫିଆ । କମିଶନରେଟ ପୋଲିସର ଏବେ  ଜିରୋ ଟଲରାନ୍ସ ନୀତି । ରାଜଧାନୀରେ ବଢୁଥିବା ଅପରାଧ ରୋକିବା ଏବଂ ଅପରାଧୀଙ୍କୁ ଧରିବାକୁ ଅଣ୍ଟା ଭିଡ଼ିଛି ପୋଲିସ  ।  ଦୀର୍ଘ ଦିନ ଧରି ରାଜଧାନୀରେ ଚାଲିଥିବା ନିଶା କାରବାର ଉପରେ ଚଢ଼ାଉ କରିଛି ସ୍ବତନ୍ତ୍ର କ୍ରାଇମ୍ ୟୁନିଟ ଏବଂ ଇନଫୋସିଟି ଥାନା ପୋଲିସ   ।

ମୁଖ୍ୟତଃ ବିଭିନ୍ନ ପାନ ଦୋକାନରେ ଚଢ଼ାଉ କରାଯାଇଛି ।  ଇନଫୋସିଟି ଅଞ୍ଚଳରେ ଅନେକ ଶିକ୍ଷାନୁଷ୍ଠାନ ରହିଛି ।  ଏହି ସବୁ ଶିକ୍ଷାନୁଷ୍ଠାନ ନିକଟରେ ଥିବା ଦୋକାନ ମାନଙ୍କରେ ଗଞ୍ଜେଇ ସିଗାରେଟ ଓ ବିଭିନ୍ନ ମାଦକ ଦ୍ରବ ବିକ୍ରି ନେଇ ଅନେକ ଥର ଅଭିଯୋଗ ହୋଇ ଆସୁଛି । ଯାହାକୁ ନେଇ ଏବେ ଚଢ଼ାଉ କରିଛି ପୋଲିସ ।  ସେପଟେ ଡ୍ରଗ୍ସ କାରବାର ବେଳେ ୨ ଜଣଙ୍କୁ ମାଡ଼ି ବସିଲା ସ୍ବତନ୍ତ୍ର କ୍ରାଇମ୍‌ ୟୁନିଟ  ।

ଭୁବନେଶ୍ବରକୁ ଚାଲାଣ ବେଳେ ୫୦ ଲକ୍ଷ ଟଙ୍କା ମୂଲ୍ୟର ବ୍ରାଉନସୁଗର ଜବତ କରିଛି ପୋଲିସ  ।   ଘଟଣାରେ ସମ୍ପୃକ୍ତ ୨ ଅଭିଯୁକ୍ତଙ୍କୁ ଗିରଫ କରାଯାଇଛି  । ଅଭିଯୁକ୍ତ ୨ ଜଣ ବାଲେଶ୍ବର ଅଞ୍ଚଳର ହୋଇଥିବା ବେଳେ ଭୁବନେଶ୍ବରକୁ ବ୍ରାଉନସୁଗାର  ଚାଲାଣ କରୁଥିଲେ । ତେବେ ଏମାନଙ୍କୁ ଧରିବା ପାଇଁ ପୂର୍ବରୁ ଜାଲ ବିଛାଇଥିଲା ସ୍ବତନ୍ତ୍ର କ୍ରାଇମ୍‌ ୟୁନିଟ । ଏହାଛଡ଼ା କଟକ ଏବଂ ଭୁବନେଶ୍ବରକୁ ଆସୁଥିବା ସମସ୍ତ ବ୍ୟକ୍ତିଙ୍କ ଉପରେ ନଜର ରଖାଯାଉଛି ।