କନକ ବ୍ୟୁରୋ : ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଭାରତ ଉପରେ ୨୫ ପ୍ରତିଶତ ଟାରିଫ୍ ସହ ଅଗଷ୍ଟ ୧ ତାରିଖରୁ ଜରିମାନା ଆଦାୟ କରିବାକୁ ଘୋଷଣା କରିଛନ୍ତି । ଟ୍ରମ୍ପ କହିଛନ୍ତି ଭାରତ ଆମେରିକାର ବନ୍ଧୁ ହୋଇଥିଲେ ବି ବ୍ୟବସାୟିକ କ୍ଷେତ୍ରରେ ଆମର ବଡ଼ ସହଯୋଗୀ ନୁହେଁ । ସେ ଆହୁରି କହିଛନ୍ତି ଭାରତ ଅନ୍ୟଦେଶମାନଙ୍କ ତୁଳନାରେ ସବୁଠୁ ଅଧିକ ଟାରିଫ୍ ଲଗାଉଛି । ଏହାସହ ଭାରତରେ ନନ୍ ସାନିଟାରୀ ସାମଗ୍ରୀର କିଣାବିକା ବେଶ ଜଟିଳ ଓ ଆପତ୍ତିଜନକ । ଏହି କାରଣରୁ ଭାରତ ଓ ଆମେରିକା ମଧ୍ୟରେ ବ୍ୟବସାୟ ସୀମିତ ରହିଛି । 

Advertisment

ଟ୍ରମ୍ପ୍ ଅଭିଯୋଗ କରିଛନ୍ତି କି, ଭାରତ ସୈନ୍ୟ ଉପକରଣ ବିଶେଷ କରି ଋଷ ଠାରୁ କିଣୁଛି । ଏହାସହ ଋଷ ଓ ଚୀନ ସହ ସବୁଠାରୁ ଅଧିକ ବିଜୁଳି ବ୍ୟବସାୟ କରୁଛି । ସାରା ବିଶ୍ୱ ଯେତେବେଳେ ଋଷ-ୟୁକ୍ରେନ ଯୁଦ୍ଧ ବନ୍ଦ କରିବା ନେଇ ମତ ଦେଉଛନ୍ତି ସେତେବେଳେ ଭାରତ ଋଷ ଠାରୁ ଯୁଦ୍ଧାସ୍ତ୍ର କିଣି ଋଷକୁ ଶକ୍ତିଶାଳୀ କରୁଛି । 

ଏସବୁ କାରଣରୁ ଭାରତ ଉପରେ ଅଗଷ୍ଟ ପହିଲାରୁ ୨୫ ପ୍ରତିଶତ ଟାରିଫ୍ ଆଦାୟ କରାଯିବ ସହ ଜରିମାନା ବି ଆଦାୟ କରାଯିବ ।