୪.୫ ବିଲିୟନ ଡଲାରର ବିଦେଶୀ ପାଣ୍ଠି ଉପରେ ରୋକ ଲଗାଇଲେ ଟ୍ରମ୍ପ,  ନିଜ ଦଳର ସାଂସଦମାନେ କଲେ ପ୍ରବଳ ବିରୋଧ

କନକ ବ୍ୟୁରୋ: ଡୋନାଲ୍ଡ ଟ୍ରମ୍ପଙ୍କ ରାଷ୍ଟ୍ରପତିତ୍ୱ କାଳରେ ଅନେକ ବିବାଦୀୟ ନିଷ୍ପତ୍ତି ଦେଖିବାକୁ ମିଳୁଛି ।  ୪.୫ ବିଲିୟନ ଡଲାରର ବିଦେଶୀ ସହାୟତା ପାଣ୍ଠି ଉପରେ ରୋକ ଲଗାଇବା ସେଥିମଧ୍ୟରୁ ଅନ୍ୟତମ । ଏହି ନିଷ୍ପତ୍ତି କେବଳ ଆମେରିକାର ରାଜନୀତିରେ ନୁହେଁ, ବରଂ ବିଶ୍ୱ ସ୍ତରରେ ମଧ୍ୟ ବ୍ୟାପକ ପ୍ରତିକ୍ରିୟା ସୃଷ୍ଟି କରିଥିଲା । ଏପରିକି, ଟ୍ରମ୍ପଙ୍କ ନିଜ ରିପବ୍ଲିକାନ୍ ପାର୍ଟିର କିଛି ସାଂସଦ ମଧ୍ୟ ଏହାକୁ "ଅବୈଧ" ଏବଂ "ଅସାମ୍ବିଧାନିକ" ବୋଲି କହିଛନ୍ତି ।

ସୂଚନାମୁତାକ, ଟ୍ରମ୍ପ କଂଗ୍ରେସ ଦ୍ୱାରା ଅନୁମୋଦିତ ୪.୯ ବିଲିୟନ ଡଲାରର ବୈଦେଶିକ ସହାୟତାକୁ ଏକପାଖିଆ ଭାବରେ ବାତିଲ କରିବାକୁ ନିଷ୍ପତ୍ତି ନେଇଛନ୍ତି। ଏହି ପଦକ୍ଷେପ ଆମେରିକାର ରାଜନୀତିରେ ଦେଶର ବଜେଟ୍ ଏବଂ ଖର୍ଚ୍ଚ ଉପରେ କାହାର ନିୟନ୍ତ୍ରଣ ଅଛି ସେ ବିଷୟରେ ବିତର୍କକୁ ଆହୁରି ବିବାଦର ଖୋରାକ ଯାଗାଇଛି।  ଟ୍ରମ୍ପଙ୍କ ଏହି ନିଷ୍ପତ୍ତିକୁ ତାଙ୍କ ନିଜସ୍ୱ ରିପବ୍ଲିକାନ୍ ପାର୍ଟିର ସାଂସଦମାନେ ବିରୋଧ କରିଛନ୍ତି  । 

ଟ୍ରମ୍ପ ଗୁରୁବାର ବିଳମ୍ବିତ ରାତିରେ ବାଚସ୍ପତି ମାଇକ ଜନସନଙ୍କୁ ଏକ ଚିଠି ଲେଖି ଜଣାଇଥିଲେ ଯେ ସେ ୧୫ଟି ଅନ୍ତର୍ଜାତୀୟ କାର୍ଯ୍ୟକ୍ରମ ପାଇଁ ପାଣ୍ଠି ବନ୍ଦ କରୁଛନ୍ତି । ଏଥିରେ ବିଦେଶୀ ସହାୟତା, ଜାତିସଂଘର ଶାନ୍ତିରକ୍ଷା ଅଭିଯାନ ଏବଂ ଗଣତନ୍ତ୍ରକୁ ପ୍ରୋତ୍ସାହିତ କରୁଥିବା କାର୍ଯ୍ୟକ୍ରମ ଅନ୍ତର୍ଭୁକ୍ତ । କିନ୍ତୁ ଏଥର ଟ୍ରମ୍ପ ପକେଟ ମାନ୍ଦାବସ୍ଥା ନାମକ ଏକ ବ୍ୟବସ୍ଥା ବ୍ୟବହାର କରିଛନ୍ତି, ଯାହା କଂଗ୍ରେସକୁ ସମ୍ପୂର୍ଣ୍ଣ ଭାବରେ ବାଇପାସ୍ କରେ  ।

ରାଷ୍ଟ୍ରପତିଙ୍କ ପାଖରେ 45 ଦିନ ପାଇଁ ପାଣ୍ଠି ବନ୍ଦ କରିବାର କ୍ଷମତା ଅଛି ।  ହ୍ୱାଇଟ୍ ହାଉସ୍ ବଜେଟ୍ ନିର୍ଦ୍ଦେଶକ ରସେଲ୍ ୱାଟ୍ ଦାବି କରିଛନ୍ତି ଯେ ରାଷ୍ଟ୍ରପତି ୪୫ ଦିନ ପାଇଁ ପାଣ୍ଠି ବନ୍ଦ କରିପାରିବେ । ଏହି ସମୟ ପରେ, ଆର୍ଥିକ ବର୍ଷ ୩୦ ସେପ୍ଟେମ୍ବରରେ ଶେଷ ହେବ । ହ୍ୱାଇଟ୍ ହାଉସ୍ କହିଛି ଯେ ଏହି କୌଶଳ ଶେଷ ଥର ପାଇଁ ୧୯୭୭ ମସିହାରେ ବ୍ୟବହାର କରାଯାଇଥିଲା ।