୧୬ ବର୍ଷରେ ସଫଳତା ,୧୯ରେ ମୃତ୍ୟୁ .. ଖୁବ୍ କମ ବୟସରୁ ଦୁନିଆରୁ ବିଦାୟ ନେଇଥିଲେ ଦିବ୍ୟା ଭାରତୀ ,ମୃତ୍ୟୁ ପରେ ଘଟିଥିଲା ଅଜବ ଘଟଣା

କନକ ବ୍ୟୁରୋ : କ୍ୟୁଟ୍ , ଚୁଲବୁଲି ଆଉ ଏଭରଗ୍ରୀନ୍ ଅଭିନେତ୍ରୀଙ୍କ ତାଲିକାରେ ବଲିଉଡର ସୁନ୍ଦରୀ ଅଭିନେତ୍ରୀ ଦିବ୍ୟା ଭାରତୀଙ୍କ ନାଁ ଆଗ ଆସେ । ଖୁବ୍ କମ୍ ବୟସରେ ହିଁ ନିଜର ଅଭିନୟ କ୍ୟାରିୟର ଆରମ୍ଭ କରିଥିଲେ ଦିବ୍ୟା ଏବଂ ଇଣ୍ଡଷ୍ଟ୍ରିରେ ମାତ୍ର ୩ ବର୍ଷ ମଧ୍ୟରେ ଟପ୍ ଅଭିନେତ୍ରୀଙ୍କ ଲିଷ୍ଟରେ ସାମିଲ୍ ହୋଇଥିଲେ । ଯଦିଓ ତାଙ୍କୁ ନଜର ଲାଗିବାକୁ ବେଶୀ ସମୟ ଲାଗିନଥିଲା । ଦିବ୍ୟାଙ୍କର ଅଚାନକ ମୃତ୍ୟୁ ତାଙ୍କର ଲକ୍ଷ ଲକ୍ଷ ଫ୍ୟାନଙ୍କ ହୃଦୟକୁ ଦୋହଲାଇ ଦେଇଥିଲା । କିନ୍ତୁ ତାଙ୍କ ସହିତ କାମ କରୁଥିବା ଜଣେ ଅଭିନେତ୍ରୀ କହିଥିଲେ କି ଅଭିନେତ୍ରୀଙ୍କର ମୃତ୍ୟୁ ପରେ ଏକ ଫିଲ୍ମ ସମୟରେ ସେମାନଙ୍କ ସହିତ ଅନେକ ଅଜବ ଘଟଣା ଘଟିଥିଲା ।

ଦିବ୍ୟାଙ୍କର ଜନ୍ମ ୨୫ ଫେବୃଆରୀ ୧୯୭୪ରେ ହୋଇଥିଲା । ତାଙ୍କର ପିତା ଓମପ୍ରକାଶ ଭାରତୀ ଏକ ବୀମା କମ୍ପାନିରେ କାମ କରୁଥିଲେ ଏବଂ ମାଆ ଗୃହିଣୀ ଥିଲେ । ଦିବ୍ୟା ମାତ୍ର ନବମ ଶ୍ରେଣୀ ପର୍ଯ୍ୟନ୍ତ ପାଠ ପଢ଼ିଥିଲେ । ଏକ ସାକ୍ଷାତକାରରେ ତାଙ୍କର ମାଆ କହିଥିଲେ କି ତାଙ୍କର ପାଠପଢ଼ାରେ ଆଦୌ ମନ ଲାଗୁନଥିଲା । କୁହାଯାଏ କି ପାଠପଢ଼ାରୁ ବଞ୍ଚିବା ପାଇଁ ହିଁ ସେ ଫିଲ୍ମ ଦୁନିଆରେ ପାଦ ଥାପିଥିଲେ । ଯେତେବେଳେ ଦିବ୍ୟା ନିଜ କ୍ୟାରିୟରର ଶୀର୍ଷରେ ଥିଲେ, ସେହି ସମୟରେ ଏପ୍ରିଲ ୫ ତାରିଖ ୧୯୯୩ ରେ ଅଚାନକ ତାଙ୍କର ମୃତ୍ୟୁ ଖବର ଆସିଲା ଏବଂ ବଲିଉଡ୍ ଶୋକରେ ବୁଡ଼ିଗଲା । ତାଙ୍କର ଅଚାନକ ମୃତ୍ୟୁରେ ସମଗ୍ର ବଲିଉଡ୍ ସ୍ତବ୍ଧ ହୋଇଯାଇଥିଲା ।

ସେଟ୍ ଉପରେ ସୁଟିଂ ସମୟରେ କରୁଥିଲେ ମସ୍ତି :

ଦିବ୍ୟା ଏପରି ଜଣେ ମିଜାଜର ଅଭିନେତ୍ରୀ ଥିଲେ ଯିଏକି ସମସ୍ତଙ୍କ ସହିତ ମିଳିମିଶି ରହୁଥିଲେ । ଇଣ୍ଡଷ୍ଟ୍ରିର ଅନେକ ନିର୍ମାତା ତାଙ୍କ ବିଷୟରେ କଥାବାର୍ତ୍ତା କରିବା ସମୟରେ କହିଥିଲେ କି ସେ ସେଟ୍ ଉପରେ ବହୁତ ମସ୍ତି କରୁଥିଲେ । ସିନ୍ ପାଇଁ ପରିଶ୍ରମ କରିବା ଠାରୁ ଆରମ୍ଭ କରି ସିରିୟସ୍ ସିନରେ ବାରମ୍ବାର ହସିବା ପର୍ଯ୍ୟନ୍ତ ସ୍ୱର୍ଗତ ଅଭିନେତ୍ରୀ ସୁଟିଂସେଟରେ ଲୋକଙ୍କୁ ମନୋରଞ୍ଜନ କରିବାର ଗୋଟିଏ ବି ସୁଯୋଗ ହାତଛଡ଼ା କରୁନଥିଲେ । ସିଦ୍ଧାର୍ଥ କନ୍ନନଙ୍କ ସହିତ ଏକ ସାକ୍ଷାତକାରରେ କମଲ ସଦାନା କହିଥିଲେ କି ତାଙ୍କର କୋ-ଆକ୍ଟର ଏବଂ ଭଲ ବନ୍ଧୁଙ୍କର ଅଚାନକ ମୃତ୍ୟୁ ଖବର ତାଙ୍କୁ ଦୋହଲାଇ ଦେଇଥିଲା ଏବଂ ଏହାକୁ ବିଶ୍ୱାସ କରିବା ତାଙ୍କ ପାଇଁ ବହୁତ କଷ୍ଟକର ଥିଲା ।

ମୃତ୍ୟୁ ପରେ ହୋଇଥିଲା ଅଜବ ଘଟଣା:

'ରଙ୍ଗ', 'ଶତରଞ୍ଜ' ଏବଂ 'ଥୋଲି ମୁଦ୍ଧୁ' ପରି ଫିଲ୍ମଗୁଡ଼ିକ ଦିବ୍ୟାଙ୍କ ମୃତ୍ୟୁ ପରେ ରିଲିଜ୍ କରାଯାଇଥିଲା । 'ରଙ୍ଗ'ରେ ତାଙ୍କ ସହିତ ଆୟେଶା ଜୁଲ୍କା କାମ କରିଥିଲେ ଏବଂ ଦୁହିଁଙ୍କ ମଧ୍ୟରେ ବହୁତ ଭଲ ବନ୍ଧୁତା ମଧ୍ୟ ଥିଲା । ବିବିସିର ଏକ ରିପୋର୍ଟ ଅନୁସାରେ ଆୟେଶା କହିଥିଲେ, 'ଦିବ୍ୟା ସବୁବେଳେ କହୁଥିଲେ କି ଯାହା ବି ଇଚ୍ଛା ଅଛି ସବୁ ଶୀଘ୍ର ପୂରଣ କର, ଜୀବନ ବହୁତ ଛୋଟ । ସେ ସ୍ପଷ୍ଟ ଭାବରେ କିଛି କହୁନଥିଲେ କିନ୍ତୁ ହୁଏତ ମଣିଷକୁ ଭିତରୁ ଏକ 'ଇମ୍ପଲ୍ସ' ହୋଇଥାଏ । ତାଙ୍କୁ ସବୁ କାମ ଶୀଘ୍ର କରିବାର ଥିଲା । ତାଙ୍କୁ ସବୁକିଛି ଜୀବନରେ ଶୀଘ୍ର ମିଳିଯାଉଥିଲା । ସେ ନିଜେ କହୁଥିଲେ କି ତାଙ୍କୁ କିଛି ବୁଝାପଡୁନାହିଁ ।'
ସେ ଏହା ମଧ୍ୟ କହିଥିଲେ କି 'ଏମିତି ଲାଗୁଛି ଯେମିତି ଦିବ୍ୟାଙ୍କୁ ଜଣାଥିଲା କି ତାଙ୍କୁ ଆମ ଗହଣରେ ଅଧିକ ଦିନ ରହିବାର ନାହିଁ । ଦିବ୍ୟାଙ୍କ ମୃତ୍ୟୁ ପରେ ଏକ ବଡ଼ ଅଜବ କଥା ହୋଇଥିଲା । କିଛି ମାସ ପରେ ଆମେ 'ରଙ୍ଗ'ର ଟ୍ରାଏଲ୍ ଦେଖିବାକୁ ଯାଇଥିଲୁ । ଯେମିତି ହିଁ ଦିବ୍ୟା ସ୍କ୍ରିନ୍ ଉପରକୁ ଆସିଲେ ସ୍କ୍ରିନ୍ ହିଁ ଖସିଗଲା । ଆମ ପାଇଁ ତାହା ଅଜବ ଥିଲା । ଏହି ଘଟଣା ଅନେକ ପ୍ରକାରର ଅଜବ କାହାଣୀକୁ ଜନ୍ମ ଦେଇଥିଲା ।’