ରଥାରୂଢ଼ ହେଲେ ଯୋଗମାୟା, ଗୁଣ୍ଡିଚା ମନ୍ଦିରରୁ ବାହାରି ସତେ ଅଭିମାନ କରିଛନ୍ତି

ଯୋଗମାୟା, ମହାମାୟା ସୁଭଦ୍ରା ଆଜି ବଡ଼ ଭାଇମାନଙ୍କ ସହ ଶ୍ରୀମନ୍ଦିରକୁ ଫେରୁଛନ୍ତି । ଶୂନ୍ୟ ପହଣ୍ଡିରେ ରଥାରୂଢ଼ ହେଉଛନ୍ତି ।

ଆଉ କିଛି ବାଟରେ ଦର୍ପଦଳନ ରଥ । ମାଆଙ୍କୁ ଗୁଣ୍ଡିଚା ଛାଡ଼ିବାକୁ ଇଚ୍ଛା ହେଉନି ବୋଧେ । ବୋହି ନେଇ ଯାଉଛନ୍ତି ସେବାୟତ ।

ସେପଟେ ବଳଗଣ୍ଡି ନିକଟରେ ପୋଡ଼ପିଠା ନେଇ ଅପେକ୍ଷା କରି ବସିଛନ୍ତି ମାଉସୀ ମାଆ । ପୋଡ଼ପିଠା ଖାଇ ଶ୍ରୀମନ୍ଦିର ଯିବେ ଶ୍ରୀବିଗ୍ରହ ।

ଦେଉଳ ଯିବାକୁ ଇଚ୍ଛା ହେଉନି କି ମାଆ ? ମୁହଁଟା ଶୁଖେଇ ଦେଲ ଯେ...

ଏଥର ଅଭିମାନ ଛାଡ଼ି ରଥାରୂଢ଼ ହୁଅ ହେ ମହାମାୟା । ସେପଟେ ଶ୍ରୀମନ୍ଦିର ଆପଣଙ୍କୁ ଅପେକ୍ଷା କରିଛି । ବଡ଼ ଭାଇ ରଥରେ ବିଜେ କଲେଣି ପରା...

ସମୃଦ୍ଧି ଓ ଜ୍ଞାନର ଦେବୀ ସେ । ଜନ୍ମବେଦି ଛାଡ଼ି ଯାଉଛନ୍ତି । ପୁଣି ଫେରିବେ ଏକ ବର୍ଷ ପରେ ।