ସମ୍ଭାବ୍ୟ ବାତ୍ୟା ନେଇ ସଜାଗ ରାଜ୍ୟ ସରକାର ; ୧୧ଟାରେ ଜିଲ୍ଲାପାଳଙ୍କ ଜରୁରୀକାଳୀନ ବୈଠକ

କନକ ବ୍ୟୁରୋ: ସମ୍ଭାବ୍ୟ ବାତ୍ୟା ‘ଦାନା’କୁ ନେଇ ସଜାଗ ସରକାର। ଆଜି ଦିନ ୧୧ଟା ବେଳେ ଜିଲ୍ଲାପାଳଙ୍କ ବୈଠକ ଅଛି। ଜିଲ୍ଲାପାଳମାନେ ଜିଲ୍ଲା ସ୍ତରରେ ବୈଠକ କରିବେ । ବାତ୍ୟା ପାଇଁ କ’ଣ କ’ଣ ପଦକ୍ଷେପ ନିଆଯାଇପାରିବ, ସେ ସମ୍ପର୍କରେ ସନ୍ଧ୍ୟା ସୁଦ୍ଧା ସ୍ୱତନ୍ତ୍ର ରିଲିଫ କମିଶନରଙ୍କୁ ରିପୋର୍ଟ ଦେବେ । ବାତ୍ୟା ଆସିବା ନେଇ ଭାରତୀୟ ପାଣିପାଗ ବିଭାଗ ସ୍ପଷ୍ଟ କରିବା ପରେ ଆଲର୍ଟ ମୋଡ୍‌ରେ ରାଜ୍ୟ ସରକାର । ମୁକାବିଲା ପାଇଁ ତୁହାକୁ ତୁହା ବୈଠକ ବସୁଛି । ସମସ୍ତ ପ୍ରତିକୂଳ ପରିସ୍ଥିତିର ଯେମିତି ମୁକାବିଲା କରିହେବ ସେଥିପାଇଁ ପ୍ରସ୍ତୁତ ରହିବାକୁ ନିର୍ଦ୍ଦେଶ ଦେଇଛନ୍ତି ରାଜ୍ୟ ସରକାର।