ପୁଣି ଆନ୍ଧ୍ରର ମନମାନି । କୋଟିଆ ଲୋକଙ୍କୁ ମାଗଣା ରାସନ ଦେବାକୁ ବାଣ୍ଟିଲା ଡିଜିଟାଲ ରାସନକାର୍ଡ

କନକ ବ୍ୟୁରୋ:  ପୁଣି ଆନ୍ଧ୍ରର ମନମାନି । କୋଟିଆରେ ପୁଣି ପଡୋଶୀ ପ୍ରଶାସନର ଅନୁପ୍ରବେଶ। ଅନୁପ୍ରବେଶ କରି ଗାଁ ଲୋକଙ୍କୁ ରାସନକାର୍ଡ ବାଣ୍ଟିଲା ଆନ୍ଧ୍ର । କୋଟିଆ ଅଞ୍ଚଳରୁ ଏଭଳି ଦୃଶ୍ୟ ସାମ୍ନାକୁ ଆସିଛି । ପୂର୍ବରୁ ଗାଁ ଗାଁ ବୁଲି ସର୍ଭେ କରିଥିଲେ ଆନ୍ଧ୍ର ଅଧିକାରୀ । ଏବେ ଡିଜିଟାଲ ରାସନକାର୍ଡ ବାଣ୍ଟିଛି ।

ପ୍ରଥମ ପର୍ଯ୍ୟାୟରେ କୋଟିଆର ଗଞ୍ଜେଇପଦର ଓ ତଳ ଗଞ୍ଜେଇପଦର ଗ୍ରାମବାସୀଙ୍କୁ ଏକାଠି କରି ପୂର୍ବରୁ ବଣ୍ଟନ କରିଥିବା ରାସନକାର୍ଡ ସଂଗ୍ରହ କରି ବଦଳରେ ସେମାନଙ୍କୁ ଡିଜିଟାଲ ସ୍ମାର୍ଟ ରାସନକାର୍ଡ ବଣ୍ଟନ କରିଛି। ଏହି ଦୁଇଟି ଗାଁରେ ୧୦୦ରୁ ଅଧିକ ହିତାଧିକାରୀଙ୍କୁ ନୂତନ କାର୍ଡ ବଣ୍ଟନ କରିଥିବା ଜଣାପଡ଼ିଛି । ଏନେଇ ତଦନ୍ତ କରୁଛି ଜିଲ୍ଲା ପ୍ରଶାସନ ।