କର୍ଣ୍ଣାଟକ କଂଗ୍ରେସର ତୁଟି ଗଲା କି କଳି ? ଗୋଟିଏ ଟେବୁଲକୁ ଆସିଲେ ଡି.କେ ଓ ସିଦ୍ଧରମୈୟା

କନକ ବ୍ୟୁରୋ : କଥା ମୁଖ୍ୟମନ୍ତ୍ରୀ ଆବାସରୁ ଯାଇ ଦିଲ୍ଲୀରେ ପହଂଚିସାରିଛି । ଚୌକିର ଲଢ଼େଇ ଏଭଳି ଅବସ୍ଥାକୁ ଆସିସାରିଛି ଯେ, ବିରୋଧୀଙ୍କୁ ସମାଲୋଚନା କରିବାର ସୁଯୋଗ ମିଳିଛି । ରାଜନୈତିକ ମହଲରେ ଚର୍ଚ୍ଚା ଯେ, କର୍ଣ୍ଣାଟକରେ ଖୁବ୍ ବଡ଼ ପରିବର୍ତ୍ତନ ହୋଇପାରେ ! ଏହାରି ଭିତରେ କର୍ଣ୍ଣାଟକ ମୁଖ୍ୟମନ୍ତ୍ରୀ ସିଦ୍ଧରମୈୟା ଉପମୁଖ୍ୟମନ୍ତ୍ରୀ ଡି.କେ ଶିବକୁମାରଙ୍କୁ ବ୍ରେକଫାଷ୍ଟ ମିଟିଂ ପାଇଁ ଡାକିଥିଲେ ।

ଅଧିକ ପଢନ୍ତୁ... ଏୟାରବସ୍ ଏ୩୨୦ ବିମାନରେ ଯାନ୍ତ୍ରିକ ତ୍ରୁଟି, ଭାରତ ସମେତ ସାରା ବିଶ୍ୱରେ ବିମାନସେବା ପ୍ରଭାବିତ

ଏହି ନିମନ୍ତ୍ରଣ ପାଇଁ ଡି.କେ ବ୍ରେକଫାଷ୍ଟ ମିଟିଂରେ ପହଂଚିଥିଲେ । ଏହାର ଫଟୋ ବି ସାମାଜିକ ଗଣମାଧ୍ୟମରେ ପହଂଚିସାରିଛି । କଂଗ୍ରେସ ହାଇକମାଣ୍ଡ ଉଭୟ ବରିଷ୍ଠ ନେତାଙ୍କୁ ନିଜ ଭିତରେ ବୁଝାମଣା କରିବାକୁ ପରାମର୍ଶ ଦେଇଥିଲେ । ଗୋଟିଏ ପଟେ ସିଦ୍ଧରମୈୟା ପଦ ଛାଡ଼ିବାକୁ ନାରାଜ ତ ଅନ୍ୟପଟେ ପଦ ଦଖଲ କରିବାକୁ ନେଇ କଂଗ୍ରେସକୁ ପୁରୁଣା ଚୁକ୍ତି ମନେପକାଇ ଦେଇଛନ୍ତି । 

ମୁଖ୍ୟମନ୍ତ୍ରୀ ଚୌକି ପାଇଁ ଉଭୟ ସିଦ୍ଧରମେୟା ଓ ଡିକେ ଶିବକୁମାରଙ୍କ ମଧ୍ୟରେ ଲାଗିଥିବା କଳି ଭିତରେ କଂଗ୍ରେସ ହାଇକମାଣ୍ଡ ଉଭୟଙ୍କୁ ଦିଲ୍ଲୀ ଡାକିଛନ୍ତି । ସେଠାରେ ମୁଖ୍ୟମନ୍ତ୍ରୀ ଓ ଉପମୁଖ୍ୟମନ୍ତ୍ରୀ ଗୋଟିଏ ଟେବୁଲରେ ବସି ଆଲୋଚନା କରିଛନ୍ତି । ହେଲେ ଡିକେ ଦିଲ୍ଲୀରେ ପହଂଚିବା ପୂର୍ବରୁ କଂଗ୍ରେସର ପୁରୁଣା ପ୍ରତିଶ୍ରତି ମନେ ପକାଇ ଦେଇଛନ୍ତି । ସେ କହିଛନ୍ତି ୨୦୨୩ ରେ ଦଳ କ୍ଷମତାକୁ ଆସିବା ପରେ କଂଗ୍ରେସ ନେତୃତ୍ୱଙ୍କ ମଧ୍ୟରେ ଏକ ଗୁପ୍ତ ଚୁକ୍ତି ହୋଇଥିଲା ।

ଏହି ଚୁକ୍ତି ମୁତାବକ ଯିଏ ମୁଖ୍ୟମନ୍ତ୍ରୀ ହେବେ ସେ ଅଢ଼େଇ ବର୍ଷ ପରେ ପଦ ଛାଡିବା ନେଇ କଥା ହୋଇଥିଲା । ଏହି ଚୁକ୍ତି କ୍ରମରେ ସିଦ୍ଧରମୈୟା ଅଢ଼େଇ ବର୍ଷ ପରେ ମୁଖ୍ୟମନ୍ତ୍ରୀ ପଦ ଛାଡ଼ିବା କଥା ଓ ଉପମୁଖ୍ୟମନ୍ତ୍ରୀ ଡି,କେ ଶିବକୁମାର ମୁଖ୍ୟମନ୍ତ୍ରୀ ହେବା କଥା ।  ସିଦ୍ଧରମୈୟାଙ୍କ କାର୍ଯ୍ୟକାଳ ନଭେମ୍ବର ୨୦ ତାରିଖରେ ଅଢ଼େଇ ବର୍ଷ ପୂର୍ଣ୍ଣ ହୋଇଛି । ଡି.କେଙ୍କ ସମର୍ଥକ କହିଛନ୍ତି କି, ଚୁକ୍ତି ମୁତାବକ ଏବେ ସିଦ୍ଧରମୈୟା ପଦ ଛାଡିବାର ସମୟ ଆସିଛି । 

ସେପଟେ ସିଦ୍ଧରମୈୟା ଏକ ଟ୍ୱିଟ୍ କରି କହିଛନ୍ତି କି, କର୍ଣ୍ଣାଟକର ଭୋଟର ଅଢ଼େଇବର୍ଷ ପାଇଁ କ୍ଷମତା ଦେଇନଥିଲେ । ସେମାନେ ଭୋଟ ଦେଇଥିବାରୁ ତାଙ୍କର ଦାୟିତ୍ୱ ମୋତେ ୫ ବର୍ଷ ନେବାକୁ ପଡ଼ିବ । ହେଲେ ଶୁକ୍ରବାର ଦିନ ସିଦ୍ଧରମୈୟା ତାଙ୍କ କଥାରୁ ଓହୁରି ଯାଇଛନ୍ତି । ଏବେ ସେ କହିଛନ୍ତି କି ହାଇକମାଣ୍ଡ ଯାହା କହିବେ ତାହା କରାଯିବ ।