କନକ ବ୍ୟୁରୋ:  କୋରାପୁଟ ବୋରିଗୁମ୍ମା ମାଲଦା ଗାଁରେ ବ୍ୟାପୁଛି ଝାଡ଼ାବାନ୍ତି । ୨ ଦିନ ହେଲା ଗାଁରେ ଡାଇରିଆ ବ୍ୟାପୁଥିବା ବେଳେ ସ୍ବାସ୍ଥ୍ୟକର୍ମୀ ପହଂଚି ସ୍ଥିତି ଅନୁଧ୍ୟାନ କରୁଛନ୍ତି । ବୋରିଗୁମ୍ମା ଗୋଷ୍ଠୀ ସ୍ୱାସ୍ଥ୍ୟ ଅଧିକାରୀ ଓ ଏଏନଏମ କର୍ମୀ ପହଂଚି ଘରକୁ ଘର ବୁଲି ଲୋକଙ୍କୁ ସଚେତନ କରାଉଛନ୍ତି । ଗାଁ ଲୋକମାନେ ବ୍ୟବହାର କରୁଥିବା ଗଭୀର ନଳକୂପ ପାଣି ଓ ପାଇପ ଲାଇନ୍ ପାଣି ସଂଗ୍ରହ କରି ପରୀକ୍ଷା ପାଇଁ ନେଇଛନ୍ତି । ଖାଇବା ପୂର୍ବରୁ ହାତ ସଫା କରିବା, ବାସି ଖାଦ୍ୟ ନ ଖାଇବା, ପାଣିକୁ ଫୁଟାଇ ସେଥିରେ ହାଲୋଜେନ ଟାଵଲେଟ ପକାଇ ପିଇବା ପାଇଁ ପରାମର୍ଶ ଦେଇଛନ୍ତି । 

Advertisment

ଗାଁରେ ନାଳ ନିର୍ଦ୍ଦମା ସଫା ସୁତୁରା ରଖିବା ପାଇଁ ଲୋକଙ୍କୁ କହିଛନ୍ତି । ଡ଼ାଇରିଆ ସ୍ଥିତି ନିୟନ୍ତ୍ରଣ କରିବା ପାଇଁ ଆଗୁଆ ପଦକ୍ଷେପ ଗ୍ରହଣ କରିଛି ପ୍ରଶାସନ। ଗାଁରେ ସାତ ଦିନ ମେଡ଼ିକାଲ କ୍ୟାମ୍ପ କରି ୨୪ ଘଣ୍ଟା ସେବା ଯୋଗାଇ ଦେବାକୁ କହିଛନ୍ତି ମେଡ଼ିକାଲ ଅଫିସର। ଗତକାଲି କୋଟପାଡ଼ ବିଧାୟକ ରୁପୁ ଭତ୍ରା ଏବଂ ଜିଲ୍ଲା ପରିଷଦ ସଭ୍ୟ ପ୍ରସାଦ ବିଡିକା ସ୍ଥିତି ଅନୁଧ୍ୟାନ କରିବା ପାଇଁ ମାଲଦା ଗାଁକୁ ଯାଇ ଲୋକଙ୍କ ସହ ଆଲୋଚନା କରିଥିଲେ । ଲୋକେ ଦୂଷିତ ପାଣି ବ୍ୟବହାର ନକରିବା ପାଇଁ ପରାମର୍ଶ ଦେଇଥିଲେ ଏବଂ କିଛି ଦିନ ଟ୍ୟାଙ୍କର ସାହାଯ୍ୟରେ ପିଇବା ପାଣି ଯୋଗାଇ ଦେବେ ବୋଲି କହିଛନ୍ତି । ବୋରିଗୁମ୍ମା ବିଡ଼ିଓ ମଧ୍ୟ ଗାଁରେ ପହଁଚି ସ୍ଥିତି ଅନୁଧ୍ୟାନ କରିଛନ୍ତି ।