ଭଞ୍ଜନଗରରେ ମୁଣ୍ଡ ନେଉଛି ଝାଡ଼ାବାନ୍ତି; ୪ ମୃତ, ଏବେବି ୨୦ ଜଣ ଆକ୍ରାନ୍ତ, ଦୂଷିତ ପାଣି ଦେଉଛି ଦୁଃଖ

କନକ ବ୍ୟୁରୋ: ଗଞ୍ଜାମ ଗୁଣ୍ଡୁରିବାଡ଼ି ଗାଁରେ ବ୍ୟାପୁଛି ଝାଡ଼ାବାନ୍ତି। ୪ ଜଣଙ୍କର ମୃତ୍ୟୁ ହୋଇଥିବା ବେଳେ ଏବେବି ୨୦ ଜଣ ଆକ୍ରାନ୍ତ ହୋଇଛନ୍ତି। ଗତ ୨୦ଦିନ ହେଲା ଗାଁରେ ଝାଡ଼ାବାନ୍ତି ବ୍ୟାପୁଛି। ଦୂଷିତ ପାଣି ପିଇ ଝାଡ଼ାବାନ୍ତି ବ୍ୟାପୁଥିବା ଅଭିଯୋଗ ହୋଇଛି। 

ଗାଁରେ ବସୁଧା ଯୋଜନାରେ ପାଣି ପାଇପ ମାଧ୍ୟମରେ ପାଣି ଯୋଗାଯାଉଥିବା ବେଳେ ବିଭିନ୍ନ ସ୍ଥାନରେ ପାଇପ ଫାଟି ପାଇପ ଭିତରକୁ ମଇଳା ପାଣି ପଶୁଛି । ଗାଁ ଲୋକେ ସେହି ମଇଳା ପାଣି ପିଇ ଝାଡ଼ାବାନ୍ତିର ସିକାର ହୋଇଥିବା ଜଣାପଡିଥିଲା । ପ୍ରଶାସନ ଗୁରୁତର ସହ ବିଚାର ନକରିବାରୁ ଗାଁର ଅହୁରି ୨ ଜଣଙ୍କ ଜୀବନ ଚାଲିଗଲା ଏବେ ମୃତ୍ୟୁ ସଂଖ୍ୟା ୪ରେ ପହଞ୍ଚିବା ପରେ ପ୍ରଶାସନ ଓ ବିଧାୟକ ଗୁଣ୍ଡୁରିବାଡ଼ି ଗାଁକୁ ଯାଇ ସ୍ଥିତି ପରଖିଲେ ।