ମାଗଣା ସୁନା ଦେଉଛି ଅମ୍ବାନୀଙ୍କ କମ୍ପାନି : ୧୦ ଲକ୍ଷ ପର୍ଯ୍ୟନ୍ତ ଜିତିପାରିବେ ପୁରସ୍କାର

କନକ ବ୍ୟୁରୋ : ଦୀପାବଳି ଭଳି ପର୍ବପର୍ବାଣୀ ଅବସରରେ ସୁନା କିଣିବା ପ୍ରତି ସମସ୍ତଙ୍କ ଆଗ୍ରହ ବଢ଼ିଥାଏ । କିନ୍ତୁ ବର୍ଦ୍ଧିତ ଦରକୁ ଦେଖି ପକେଟ୍ ଖାଲି କରିବାକୁ ହାତ ଯାଏନି । ତେବେ ଏହି ସମସ୍ୟାର ସମାଧାନ ପାଇଁ JioFinance ନେଇ ଆସିଛି ଏକ ବଢ଼ିଆ ଅଫର୍ । ଏହି ଧନତେରସ ଏବଂ ଦୀପାବଳିରେ JioFinance ଡିଜିଟାଲ୍ ସୁନା କିଣିବା ପାଇଁ ଏକ ଜବରଦସ୍ତ ଅଫର୍ ଆଣିଛି । Jio Gold 24K Days ନାମରେ ଉପଲବ୍ଧ ଏହି ଅଫର୍ ବେଶ୍ ଲୋକପ୍ରିୟ । ଏବେ ଆପଣ ମାତ୍ର ୨ ହଜାର ଟଙ୍କାରେ ସୁନା କିଣିପାରିବେ ଏବଂ ସମ୍ପୂର୍ଣ୍ଣ ମାଗଣାରେ ୨% ଅତିରିକ୍ତ ସୁନା ପାଇପାରିବେ । ଏହା ସହ ୨୦,୦୦୦ କିମ୍ବା ତା'ଠାରୁ ଅଧିକ ମୂଲ୍ୟର ୧୦ ଲକ୍ଷ ଟଙ୍କା ପର୍ଯ୍ୟନ୍ତ ପୁରସ୍କାର ଜିତିବାର ସୁଯୋଗ ମଧ୍ୟ ମିଳିବ । ଏହି ଅଫର୍ ସୀମିତ ସମୟ ପାଇଁ ରହିଛି । ୟୁଜରମାନେ କେବଳ ଅକ୍ଟୋବର ୧୮ ରୁ ୨୩ ତାରିଖ ପର୍ଯ୍ୟନ୍ତ ଏହାର ଲାଭ ଉଠାଇପାରିବେ । ତେବେ JioFinance ତରଫରୁ ଦୀପାବଳି ପାଇଁ କ’ଣ ରହିଛି ସୁବର୍ଣ୍ଣ ଅଫର୍ ଆସନ୍ତୁ ଜାଣିବା । 

ଦୀପାବଳି ଭଳି ଶୁଭ ଅବସରରେ ଆପଣ ଏବେ ଘରେ ବସି ଆରାମରେ ଶୁଦ୍ଧ ୨୪ କ୍ୟାରେଟ୍ ସୁନା କିଣିପାରିବେ । ୧୮ ରୁ ୨୩ ଅକ୍ଟୋବର ମଧ୍ୟରେ JioFinance ଏବଂ MyJio ଆପ୍ ମାଧ୍ୟମରେ ୨୦୦୦ କିମ୍ବା ତା'ଠାରୁ ଅଧିକ ମୂଲ୍ୟର ସୁନା କ୍ରୟ କରୁଥିବା ଉପଭୋକ୍ତାମାନେ ଅତିରିକ୍ତ ୨% ମାଗଣା ସୁନା ପାଇପାରିବେ । ଏହି ମାଗଣା ସୁନା ୭୨ ଘଣ୍ଟା ମଧ୍ୟରେ ସ୍ୱୟଂଚାଳିତ ଭାବରେ ଉପଭୋକ୍ତାଙ୍କ ସୁନା ୱାଲେଟରେ ଜମା ହୋଇଯିବ । ଏହାର ଅର୍ଥ ହେଉଛି ଧାଡ଼ିରେ ଠିଆ ନହୋଇ କିମ୍ବା ଦୋକାନକୁ ନଯାଇ ଘରେ ବସି ମୋବାଇଲ୍ ଫୋନରେ ଆପଣ ଏହି ନିବେଶ କରିପାରିବେ ।

କମ୍ପାନି କହିଛି ଯେ ଯେଉଁ ଗ୍ରାହକମାନେ ୨୦,୦୦୦ କିମ୍ବା ତା’ଠାରୁ ଅଧିକ ମୂଲ୍ୟର ସୁନା କିଣିବେ ସେମାନେ ସ୍ୱୟଂଚାଳିତ ଭାବରେ Jio Gold Mega ପୁରସ୍କାର ଡ୍ରରେ ପ୍ରବେଶ କରିପାରିବେ । ଏହି ଡ୍ରରେ ସ୍ମାର୍ଟଫୋନ୍, ଟିଭି, ସୁନା ମୁଦ୍ରା, ମିକ୍ସର ଗ୍ରାଇଣ୍ଡର ଏବଂ ଗିଫ୍ଟ ଭାଉଚର ସମେତ ଅନେକ ଆକର୍ଷଣୀୟ ପୁରସ୍କାର ରହିଛି । ବିଜେତାମାନଙ୍କୁ ଏକ ଫେୟାର ଡ୍ର ପ୍ରକ୍ରିୟା ମାଧ୍ୟମରେ ଚୟନ କରାଯିବ ଏବଂ ସେମାନଙ୍କ ନାମ ୨୭ ଅକ୍ଟୋବରରେ ଇମେଲ୍ ଏବଂ SMS ମାଧ୍ୟମରେ ଘୋଷଣା କରାଯିବ । ଏଥିରେ ନିବେଶ କରିବା ଏବଂ ଅତିରିକ୍ତ କିଛି ଜିତିବାର ଏହା ଏକ ଭଲ ସୁଯୋଗ । ଜିଓ ଗୋଲ୍ଡ ସୁନା କ୍ରୟକୁ ୧୦୦% ଡିଜିଟାଲ୍ ସୁରକ୍ଷିତ ଏବଂ ବ୍ୟବହାରକାରୀ-ଅନୁକୂଳ କରିଥାଏ । ଆପଣ କେବଳ ୧୦ ଟଙ୍କାରୁ ଆପଣଙ୍କର ଗୋଲ୍ଡ ସେଭିଙ୍ଗ୍ ଆରମ୍ଭ କରିପାରିବେ ।