ଧନଖଡ଼ଙ୍କ ଇସ୍ତଫା : ବଢୁଛି ରାଜନୈତିକି ଚର୍ଚ୍ଚା

କନକବ୍ୟୁରୋ : ଉପରାଷ୍ଟ୍ରପତି ପଦରୁ ଜଗଦୀପ ଧନଖଡ଼ଙ୍କ ହଠାତ୍ ଇସ୍ତଫାକୁ ନେଇ ରାଜନୈତିକ ଭୂକମ୍ପ ସୃଷ୍ଟି ହୋଇଛି। ସଂସଦର ମୌସୁମୀ ଅଧିବେଶନର ପ୍ରଥମ ଦିନରେ ରାଜ୍ୟସଭାରେ ନିୟମିତ କାର୍ଯ୍ୟ ଦିବସ ପରେ ୭୪ ବର୍ଷୀୟ ଧନଖଡ଼ ସୋମବାର ଆଶ୍ଚର୍ଯ୍ୟଜନକ ଭାବେ ଇସ୍ତଫା ଦେଇଥିଲେ । 

ବିରୋଧୀ ଦଳ ସଦସ୍ୟମାନେ ଏଥିରେ ଆଶ୍ଚର୍ଯ୍ୟ ପ୍ରକଟ କରିବା ସହ ବିଜେପିକୁ ସ୍ପଷ୍ଟୀକରଣ ମାଗିଛନ୍ତି। ଇସ୍ତଫା ପଛର କାରଣ ନେଇ ନାନା କଳ୍ପନାଜଳ୍ପନା ଚାଲିଥିବା ବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଙ୍ଗଳବାର ଏକ ସଂକ୍ଷିପ୍ତ ବିଦାୟ ବାର୍ତ୍ତା ଦେଇଛନ୍ତି। ଶ୍ରୀ ଧନଖଡ଼ଙ୍କୁ ଭାରତର ଉପରାଷ୍ଟ୍ରପତି ସମେତ ବିଭିନ୍ନ ପଦପଦବିରେ ଦେଶସେବା କରିବାର ଅନେକ ସୁଯୋଗ ମିଳିଛି। ତାଙ୍କ ଉତ୍ତମ ସ୍ୱାସ୍ଥ୍ୟ କାମନା କରୁଛି ବୋଲି ପ୍ରଧାନମନ୍ତ୍ରୀ ଟ୍ୱିଟ୍ କରିଛନ୍ତି 

ପ୍ରଧାନମନ୍ତ୍ରୀ କହିଲେ, ଭାରତର ସେବା କରିବା ପାଇଁ ଧନଖଡ଼ଙ୍କୁ ଅନେକ ସୁଯୋଗ ମିଳିଛି

ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଉଦ୍ଦେଶ୍ୟରେ ଲେଖିଥିବା ଚିଠିରେ ଉପରାଷ୍ଟ୍ରପତି କହିଛନ୍ତି ଯେ ଡାକ୍ତରୀ ପରାମର୍ଶ ଅନୁଯାୟୀ ସ୍ୱାସ୍ଥ୍ୟସେବାକୁ ପ୍ରାଥମିକତା ଦେବା ପାଇଁ ସେ ତୁରନ୍ତ ଇସ୍ତଫା ଦେଉଛନ୍ତି। ଧନଖଡ଼ ରାଷ୍ଟ୍ରପତିଙ୍କୁ ଲେଖିଛନ୍ତି, ସ୍ୱାସ୍ଥ୍ୟସେବାକୁ ପ୍ରାଥମିକତା ଦେବା ଏବଂ ଡାକ୍ତରୀ ପରାମର୍ଶ ପାଳନ କରିବା ପାଇଁ ମୁଁ ସମ୍ବିଧାନର ଧାରା ୬୭(ଏ) ଅନୁଯାୟୀ ଉପରାଷ୍ଟ୍ରପତି ପଦରୁ ଇସ୍ତଫା ଦେଉଛି। ରାଷ୍ଟ୍ରପତି ଦ୍ରୌପଦୀ ମୁର୍ମୁ ଧନଖଡ଼ଙ୍କ ଇସ୍ତଫାକୁ ଗ୍ରହଣ କରି ଏହାକୁ ସରକାରୀ ବିଜ୍ଞପ୍ତି ପାଇଁ ଗୃହ ମନ୍ତ୍ରଣାଳୟକୁ ପଠାଇଥିଲେ ।

ରାଷ୍ଟ୍ରପତିଙ୍କ ଅନୁମୋଦନ ପରେ ଗୃହ ମନ୍ତ୍ରଣାଳୟ ଆନୁଷ୍ଠାନିକ ଭାବେ ଧନଖଡ଼ଙ୍କ ଇସ୍ତଫା ନେଇ ବିଜ୍ଞପ୍ତି ପ୍ରକାଶ କରିଥିଲା। ଧନଖଡ଼ ଅଗଷ୍ଟ ୨୦୨୨ରେ ଭାରତର ୧୪ତମ ଉପରାଷ୍ଟ୍ରପତି ଭାବରେ ଦାୟିତ୍ୱ ଗ୍ରହଣ କରିଥିଲେ ଏବଂ ସେ ଅଗଷ୍ଟ ୨୦୨୭ ପର୍ଯ୍ୟନ୍ତ ପାଞ୍ଚବର୍ଷ ପାଇଁ କାର୍ଯ୍ୟକାଳ ସମ୍ଭାଳିବେ ବୋଲି ଆଶା କରାଯାଉଥିଲା। ରାଜ୍ୟସଭା ଉପାଧ୍ୟକ୍ଷ ହରିବଂଶ ମଙ୍ଗଳବାର ସକାଳ ଅଧିବେଶନରେ ଜଗଦୀପ ଧନଖଡ଼ଙ୍କ ଅନୁପସ୍ଥିତିରେ ଅଧ୍ୟକ୍ଷତା କରିଥିଲେ। ଏହି ସମୟରେ ଧନଖଡ଼ ରାଜ୍ୟସଭାରେ ଅନୁପସ୍ଥିତ ଥିବାରୁ ବିଦାୟୀ ଭାଷଣ ବି ଦେଇ ପାରି ନ ଥିଲେ ।

ଇସ୍ତଫାକୁ ନେଇ ତେଜିଲା ବିବାଦ
ଜଗଦୀପ ଧନଖଡ଼ଙ୍କ ହଠାତ୍ ଇସ୍ତଫା ବିରୋଧୀଙ୍କୁ ଚକିତ କରିବା ସହ ତୀବ୍ର ରାଜନୈତିକ ଚର୍ଚ୍ଚା ଆରମ୍ଭ ହୋଇଥିବା ବେଳେ ତାଙ୍କ ଇସ୍ତଫା ପଛର କାରଣକୁ ନେଇ ଅନେକେ ପ୍ରଶ୍ନ ଉଠାଇଛନ୍ତି। ଇସ୍ତଫା ଦେବାର କିଛି ଘଣ୍ଟା ପୂର୍ବରୁ ଧନଖଡ଼ ବରିଷ୍ଠ ନେତାମାନଙ୍କ ସହ କଥାବାର୍ତ୍ତା କରୁଥିବା ଦେଖିବାକୁ ମିଳିଥିଲା। ଯେଉଁଥିରେ କୌଣସି ସ୍ୱାସ୍ଥ୍ୟଗତ ସମସ୍ୟା କିମ୍ବା ଇସ୍ତଫା ଦେବାର ଯୋଜନା ଦେଖାଯାଉ ନ ଥିଲା ।

ଉପରାଷ୍ଟ୍ରପତିଙ୍କ ଇସ୍ତଫା ପଛର କାରଣ ତାଙ୍କ ସ୍ୱାସ୍ଥ୍ୟଗତ ସମସ୍ୟାଠାରୁ ଅଧିକ ଗଭୀର ବୋଲି କଂଗ୍ରେସ ମଙ୍ଗଳବାର ତୀବ୍ର ପ୍ରତିକ୍ରିୟା ପ୍ରକାଶ କରି କହିଛି। ଇସ୍ତଫା ପଛରେ ଅନ୍ୟ କିଛି କାରଣ ରହିଛି ବୋଲି କଂଗ୍ରେସର ଯୋଗାଯୋଗ ପ୍ରଭାରୀ ଜୟରାମ ରମେଶ କହିଛନ୍ତି । କଂଗ୍ରେସ ମଧ୍ୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଧନଖଡ଼ଙ୍କୁ ତାଙ୍କ ମନ ବଦଳାଇବାକୁ ରାଜି କରାଇବାକୁ ଅନୁରୋଧ କରିଛି  । 

ନୂଆଦିଲ୍ଲୀର ଆମ୍ବେଦକର ଅନ୍ତର୍ଜାତୀୟ କେନ୍ଦ୍ରରେ ଇନ୍ଦିରା ଗାନ୍ଧୀ ଜାତୀୟ ମୁକ୍ତ ବିଶ୍ୱବିଦ୍ୟାଳୟ ଏବଂ ଅଖିଳ ଭାରତୀୟ ଅନୁବ୍ରତ ନ୍ୟାସ ଦ୍ୱାରା ‘ବିଶ୍ୱର ସମସ୍ୟା ଏବଂ ଭାରତୀୟତା’ ବିଷୟ ଉପରେ ଦଶମ ଅନୁବ୍ରତ ନ୍ୟାସ ନିଧି ବକ୍ତୃତା ଆୟୋଜିତ ହୋଇଥିଲା  । କାର୍ଯ୍ୟକ୍ରମରେ ଉଦବୋଧନ ଦେଇ ରାଷ୍ଟ୍ରୀୟ ସ୍ବୟଂସେବକ ସଂଘ (RSS) ସରସଂଘଚାଳକ ମୋହନ ଭାଗବତ କହିଥିଲେ ଯେ ସମସ୍ୟା ଉପରେ ଅଧିକ ଆଲୋଚନା କରିବା ଉଚିତ ନୁହେଁ। ସମସ୍ୟା ଉପରେ ଆଲୋଚନା କରିବା ଦ୍ୱାରା ମୁଣ୍ଡ କ୍ଳାନ୍ତ ହୋଇଯାଏ, ବରଂ ସମାଧାନ ଉପରେ ଆଲୋଚନା ହେବା ଉଚିତ।

ମୋହନ ଭାଗବତ କହିଥିଲେ ଯେ ବିଶ୍ୱ ସମସ୍ୟାରେ ଘେରି ରହିଛି। ଯଦି ଆପଣ ପୁସ୍ତକଗୁଡ଼ିକ ଦେଖନ୍ତି, ତେବେ ଆପଣ ଚୀନ, ଜାପାନ ପାଇବେ, କିନ୍ତୁ ଭାରତ ପାଇବେ ନାହିଁ। ଯଦି ଆମେ ବିଶ୍ୱର ସମସ୍ୟା ବିଷୟରେ ବିଚାର କରିବା, ତେବେ ଏହି ତାଲିକା ୨୦୦୦ ବର୍ଷ ପୁରୁଣା। ମନେହୁଏ ଯେ ପ୍ରଥମ ସମସ୍ୟା ହେଉଛି ଦୁଃଖ। ମଣିଷ ଦୁଃଖୀ, ଏହାକୁ ଦୂର କରିବା ପାଇଁ ମଧ୍ୟ ସମାଧାନ ଅଛି। ସମସ୍ତ ଖୁସି ଅତୀତ ପାଇଁ।

ସଂଘ ମୁଖ୍ୟ କହିଥିଲେ ଯେ ୧୦୦ ବର୍ଷ ପୂର୍ବେ ବକ୍ତାଙ୍କୁ ଉଚ୍ଚ ସୱରରେ କହିବାକୁ ପଡୁଥିଲା । ପୂର୍ବରୁ ଭାଷଣ ଦେବା ପାଇଁ କଠିନ ପରିଶ୍ରମ କରିବାକୁ ପଡୁଥିଲା, କିନ୍ତୁ ଆଜି ସ୍ବର ଲୋକଙ୍କ ପାଖରେ ସହଜରେ ପହଞ୍ଚିଥାଏ। ପୂର୍ବରୁ ପଦଯାତ୍ରା ହେଉଥିଲା, କିନ୍ତୁ ଏବେ ଯାନବାହନ ମାଧ୍ୟମରେ ସୁବିଧା ବୃଦ୍ଧି ପାଇଛି ।

ସେ କହିଥିଲେ ଯେ ଯେତେବେଳେ ବିଜ୍ଞାନ ଆସିଥିଲା, ସୁବିଧା ଆସିଥିଲା, ପ୍ରୟାସ କରାଯାଇଥିଲା, କିନ୍ତୁ ଏବେ ବି ଦୁଃଖ ଅଛି। ରାସ୍ତାରେ ଚାଲିବା ସମୟରେ ପ୍ରତ୍ୟେକ ବ୍ୟକ୍ତି ଦୁଃଖୀ ଥିବାର ଦେଖିହେବ। ମୋର ଜନ୍ମ ୧୯୫୦ ମସିହାରେ ହୋଇଥିଲା, ସେବେଠାରୁ ଏପରି କୌଣସି ବର୍ଷ ହୋଇନାହିଁ ଯେତେବେଳେ ବିଶ୍ୱର କୌଣସି ସ୍ଥାନରେ ଯୁଦ୍ଧ ହୋଇନାହିଁ ।

ଏଥିସହ ସେ ପ୍ରୋଟକଲ ମଧ୍ୟ ଭାଙ୍ଗିଛନ୍ତି ଇସ୍ତଫା ଦେବା ପରେ ହଠାତ୍‌ ରାଷ୍ଟ୍ରପତି ଭବନରେ ପହଞ୍ଚିଥିଲେ। ସେ ଏ ବିଷୟରେ ପୂର୍ବରୁ କାହାକୁ ଜଣାଇ ନ ଥିଲେ । ଧନକଡ ହଠାତ୍‌ ରାଷ୍ଟ୍ରପତି ଭବନରେ ପହଞ୍ଚିବା ପରେ ହଇଚଇ ସୃଷ୍ଟି ହୋଇଛି । ସେ ସଂସଦର ମୌସୁମୀ ଅଧିବେଶନ ଆରମ୍ଭରେ ଇସ୍ତଫା ଘୋଷଣା କରିଥିଲେ । ଧନକଡ ସୋମବାର ଇସ୍ତଫା ଘୋଷଣା କରିଥିଲେ । ତାଙ୍କ ଇସ୍ତଫାକୁ ନେଇ ରାଜନୈତିକ ମହଲରେ ଅନେକ ଚର୍ଚ୍ଚା ହେଉଛି  ।

କଂଗ୍ରେସ ନେତା ପି. ଚିଦାମ୍ବରମ କହିଛନ୍ତି ଯେ, ଧନକଡ ଏବଂ ସରକାରଙ୍କ ମଧ୍ୟରେ ସମ୍ପର୍କ ଖରାପ ହୋଇଯାଇଛି । ରାଷ୍ଟ୍ରପତିଙ୍କୁ ଭେଟିବା ପାଇଁ ପୂର୍ବରୁ ଏକ ନିଯୁକ୍ତି ନେବାକୁ ପଡ଼ିବ । ବୈଠକ ପୂର୍ବରୁ ସରକାରୀ ସୂଚନା ଦେବାକୁ ପଡ଼ିବ, କିନ୍ତୁ ଧନକଡ ତାହା କଲେ ନାହିଁ। ସେ ରାତି ପ୍ରାୟ ୯ ଟାରେ ରାଷ୍ଟ୍ରପତି ଭବନରେ ପହଞ୍ଚିଲେ। ଧନକଡଙ୍କୁ ଦେଖି ରାଷ୍ଟ୍ରପତି ଭବନର କର୍ମଚାରୀମାନେ ମଧ୍ୟ ଆଶ୍ଚର୍ଯ୍ୟ ହୋଇଗଲେ । 

ପ୍ରୋଟୋକଲ୍‌ ଭାଙ୍ଗି ଧନକର ହଠାତ୍‌ ରାଷ୍ଟ୍ରପତି ଭବନରେ ପହଞ୍ଚିଗଲେ  ।  ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ସହ ସାକ୍ଷାତ ସମୟରେ ସେ ସମ୍ବିଧାନ ଅନୁଯାୟୀ, ତାଙ୍କର ଇସ୍ତଫାପତ୍ର ଦାଖଲ କରିଥିଲେ । ଏହା ପରେ ରାତି ପ୍ରାୟ ୯.୨୫ ସମୟରେ ଜନସାଧାରଣଙ୍କୁ ସୂଚନା ଦିଆଯାଇଥିଲା ଯେ, ଉପରାଷ୍ଟ୍ରପତି ଇସ୍ତଫା ଦେଇଛନ୍ତି । ଏହି ପ୍ରୋଟକଲ ଭାଙ୍ଗିବା ନିୟମ ବିରୋଧରେ ଯିବା ଯାହା ସମସ୍ତଙ୍କୁ ଚକିତ କରିଛି । ଏହା ମଧ୍ୟ ରାଜନୈତିକ ଆଲୋଚନାକୁ ମଧ୍ୟ ବଢାଇଛି । ଯାହା କୌଣସି ଭାବେ ସୁରକ୍ଷା ନୁହେଁ  ।

ସମାଜବାଦୀ ପାର୍ଟି ସାଂସଦ ଅବଧେଶ ପ୍ରସାଦ କହିଛନ୍ତି ଯେ ଉପରାଷ୍ଟ୍ରପତିଙ୍କ ଇସ୍ତଫାରେ ସେ ଆଶ୍ଚର୍ଯ୍ୟ ହୋଇଛନ୍ତି । ହଠାତ୍ ରାତିରେ ଆମେ ଜାଣିବାକୁ ପାଇଲୁ ଯେ ସ୍ୱାସ୍ଥ୍ୟଗତ କାରଣରୁ ଉପରାଷ୍ଟ୍ରପତି ଇସ୍ତଫା ଦେଇଛନ୍ତି । ଗତକାଲି ସେ ଗୃହରେ ଥିଲେ । ମୁଁ ବହୁତ ଆଶ୍ଚର୍ଯ୍ୟ। ମୁଁ ତାଙ୍କ ଉତ୍ତମ ସ୍ୱାସ୍ଥ୍ୟ ପାଇଁ ପ୍ରାର୍ଥନା କରୁଛି । 

ଧନକଡ଼ ସମ୍ବିଧାନର ଜଣେ ବୀର ରକ୍ଷକ ଥିଲେ ବୋଲି ପ୍ରସାଦ କହିଛନ୍ତି । ଭାରତୀୟ କମ୍ୟୁନିଷ୍ଟ ପାର୍ଟି (ସିପିଆଇ) ସାଂସଦ ପି ସନ୍ତୋଷ କୁମାର କହିଛନ୍ତି ଯେ ଧନଖଡ଼ଙ୍କ ଏହି ଅଦ୍ଭୂତପୂର୍ବ ପଦକ୍ଷେପ ପଛର କାରଣ କେବଳ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ଗୃହମନ୍ତ୍ରୀ ଅମିତ ଶାହ ହିଁ ବୁଝାଇ ପାରିବେ। ଗୋଟିଏ କଥା ନିଶ୍ଚିତ ଯେ ସ୍ୱାସ୍ଥ୍ୟଗତ କାରଣରୁ ସେ ଇସ୍ତଫା ଦେଇନାହାନ୍ତି । ଗୃହ ଚଳାଇବାପାଇଁ ସେ ଖୁବ୍ ଉତ୍ସାହିତ ଥିଲେ ।  ଆହୁରି ଅନେକ କାରଣ ଥାଇପାରେ ବୋଲି କୁମାର କହିଛନ୍ତି ।