ଶ୍ରୀମନ୍ଦିର ନୀଳଚକ୍ର ପାଖକୁ ଚଢିଗଲେ ବ୍ୟକ୍ତି ; ଉଦ୍ଧାର କଲେ ସେବାୟତ

କନକ ବ୍ୟୁରୋ:  ଶ୍ରୀମନ୍ଦିର ନୀଳଚକ୍ର ପାଖକୁ ହଠାତ୍ ଚଢିଗଲେ ଭକ୍ତ । ବୁଧବାର ସନ୍ଧ୍ୟାରେ ହଠାତ୍ ଛତ୍ରପୁରର ଅଞ୍ଚଳର ଜଣେ ଭକ୍ତ ମାନସିକ ରଖଥିବା କହି ନୀଳଚକ୍ର ଉପରକୁ ଚଢିଯାଇଥିଲେ । ଅଗ୍ନିଶମ ବାହିନୀ ଓ ପୁଲିସଙ୍କ ଉପସ୍ଥିତିରେ ଚୁନାରା ସେବାୟତ ଭକ୍ତଙ୍କୁ ଉଦ୍ଧାର କରିଥିଲେ । ବ୍ୟକ୍ତିଜଣକ ନିଜକୁ ବଳରାମ ମହାରଣା ବୋଲି ପରିଚୟ ଦେଇଥିବା ଏସପି ପିନାକ ମିଶ୍ର କହିଛନ୍ତି ।

ସମ୍ପୃକ୍ତ ବ୍ୟକ୍ତିଙ୍କୁ ଉଦ୍ଧାର କରିବାକୁ ପ୍ରଶାସନକୁ କସରତ କରିବାକୁ ପଡିଥିଲା । ତେବେ ସୁରକ୍ଷା ବଳୟ ଭେଦ କରି ସମ୍ପୃକ୍ତ ଭକ୍ତ କିଭଳି ଓ କେଉଁ କାରଣରୁ ନୀଳଚକ୍ର ଉପରକୁ ଉଠିଲେ ସେ ନେଇ ପ୍ରଶ୍ନ ଉଠିଛି ।