ବ୍ୟକ୍ତିଙ୍କ ଶରୀରରେ ୫ କିଡନୀ । କିନ୍ତୁ କାମ କରୁଛି ଗୋଟିଏ  ।

କନକ ବ୍ୟୁରୋ :  ଅଦ୍ଭୁତ, ଆଶ୍ଚର୍ଯ୍ୟ । କାରଣ ଜଣେ ୪୭ ବର୍ଷୀୟ ବ୍ୟକ୍ତିଙ୍କ ଶରୀରରେ ୫ ଟି କିଡନୀ । ହଁ କଥାଟି ପୂରା ସତ । ଦେବେନ୍ଦ୍ର ବାରଲେବାରଙ୍କ ଶରୀରରେ ୫ଟି କିଡନୀ କିନ୍ତୁ  କାମ କରୁଛି ଗୋଟିଏ ।  ଆଉ ୪ଟି ଅକାମୀ । ଏ କଥା ଟି ଶୁଣିଲା ମାତ୍ରକେ ନିଶ୍ଚୟ ଚକିତ ଲାଗୁଥିବ । ଭାବୁଥିବେ  ୫ଟି କିଡନୀ  କେମିତି ଜଣେ ବ୍ୟକ୍ତିଙ୍କ ଶରୀରରେ ।  ଆସନ୍ତୁ  ଜାଣିବା ।  

କେନ୍ଦ୍ରୀୟ  ରକ୍ଷା ମନ୍ତ୍ରଣାଳୟରେ କାର୍ଯ୍ୟରତ ଦେବେନ୍ଦ୍ର ବାରଲେବାରଙ୍କ ତିନିଥର କିଡନୀ ପ୍ରତିରୋପଣ ସରିଲାଣି । ଏକ ଜାତୀୟ ଗଣମାଧ୍ୟମ ଖବର ଅନୁସାରେ ବାରଲେବାର ଦୀର୍ଘ ସମୟ ଧରି କ୍ରୋନିକ କିଡନୀ ରୋଗରେ ପୀଡ଼ିତ ଥିଲେ ।  ତାଙ୍କର ଡାଇଲିସିସି  ମଧ୍ୟ ଚାଲିଥିଲା । ଏପରି ସମୟରେ ୨୦୧୦ରେ ପ୍ରଥମେ ଦେବେନ୍ଦ୍ରଙ୍କ କିଡନୀ ପ୍ରତିରୋପଣ କରିଥିଲେ ଡାକ୍ତର ।  ଦେବେନ୍ଦ୍ରଙ୍କ ମାଆ ତାଙ୍କୁ ପ୍ରଥମେ କିଡନୀ ଦାନ କରିଥିଲେ ।  ଏହି କିଡନୀ ପ୍ରତିରୋପଣ ସଫଳ ମଧ୍ୟ ହୋଇଥିଲା। ପାଖାପାଖି ଏକ ବର୍ଷ ପର୍ଯ୍ୟନ୍ତ ତାଙ୍କୁ ଡାଇଲିସିସିର ଆବଶ୍ୟକତା ପଡିନଥିଲା।  

୨୦୧୨ରେ ଦ୍ବିତୀୟ  କିଡନୀ ପ୍ରତିରୋପଣ 

ବର୍ଷ ୨୦୧୨ରେ  ଦେବେନ୍ଦ୍ରଙ୍କର ଦ୍ବିତୀୟ ଥର ପୁଣି କିଡନୀ ପ୍ରତିରୋପଣ କରାଗଲା ।  ଏଇଥର ତାଙ୍କର ଜଣେ ସମ୍ପର୍କୀୟ କିଡନୀ ଦାନ କରିଥିଲେ। । ଏହି କିଡନୀ ୨୦୨୨ ପର୍ଯ୍ୟନ୍ତ ଠିକ୍‌ ରେ ଚାଲିଥିଲା । କିନ୍ତୁ କରୋନା ହେବା ପରେ  ଦେବେନ୍ଦ୍ରଙ୍କ  ପୁଣି ଡାଇଲିସିସିର ସାହାର ନେବାକୁ ପଡିଲା । ପୁଣି ୨୦୨୩ରେ ଦେବେନ୍ଦ୍ରଙ୍କର  କିଡନୀ ଦରକାର ପଡିଲା ।କାରଣ ପୂର୍ବରୁ ଲାଗିଥିବା କିଡନୀ ଖରାପ ହୋଇଗଲା ।  ଏହିସମୟରେ  ଜଣେ ମୃତକ ଅଙ୍ଗ ଦାନ କରିଥିଲେ। ମୃତକଙ୍କର କିଡନୀ ଦେବନ୍ଦ୍ରେଙ୍କୁ ମିଳିଲା ।  କିଡନୀ ବ୍ରେନ୍‌ ଡେଡ୍‌ ଡୋନର ଦେଇଥିଲେ ।

 ଏହି କିଡନୀ ପ୍ରତିରୋପଣର ୧୦ ଦିନ ପରେ ଦେବନ୍ଦ୍ରେଙ୍କୁ ହସ୍ପିଟାଲରୁ ଡିସଚାର୍ଯ ମିଳିଗଲା।  ସାମନ୍ୟ ରୂପରେ କାମ  କରିବାକୁ ଆରମ୍ଭ କରିଥିଲା କିଡନୀ।  ଡାକ୍ତର  କହିଛନ୍ତି ଏହି ପ୍ରତିରୋପଣ ଚ୍ୟାଲେଞ୍ଜିଂ ଥିଲା । ଡାକ୍ତରଙ୍କ କହିବାନୁଯାୟୀ ପୂର୍ବରୁ ୪ ଟି କିଡନୀ ଥାଇ ପୁଣି ଆଉ ଗୋଟିଏ ପ୍ରତିରୋପଣ କରିବା  ବହୁତ କଷ୍ଟସାଧ୍ୟ ଥିଲା। ପୁରା ଯୋଜନାର ସହ ୫ମ ତମ କିଡନୀ ଲଗାଗଲା । ୫ ମ କିଡନୀ ଲଗାଯିବା ପରେ  ପୁଣି ଥରେ ନୂଆ ଜୀବନ ପାଇଛନ୍ତି ଶାନ୍ତିର ନିଶ୍ବାସ ନେଉଛନ୍ତି ଦେବେନ୍ଦ୍ର। ଦେବେନ୍ଦ୍ର ଖୁବ୍‌ ଭାଗ୍ୟବାନ ଯେ  ତାଙ୍କୁ ଥରେ ନୁହେଁ ୩ଥର କିଡନୀ ମିଳିଛି । କାରଣ ଅଧିକାଂଶ ଲୋକଙ୍କ ପାଇଁ କିଡନୀ ପାଇବା ମଧ୍ୟ ଏକ ଚ୍ୟାଲେଞ୍ଜପୂର୍ଣ୍ଣ ଥାଏ। । ବର୍ତ୍ତମାନ ଦେବେନ୍ଦ୍ରେ ଓଜନ ୪୪ କିଲୋଗ୍ରାମ । ତାଙ୍କୁ ଏବେ ଡାଇଲିସିସି କରିବାକୁ ପଡୁନି।   ତିନି ମାସ ବିଶ୍ରାମ ପରେ ଦେବେନ୍ଦ୍ର ପୁଣି ଥରେ କର୍ମକ୍ଷେତ୍ରକୁ ଫେରିପାରିବେ ବୋଲି ଡାକ୍ତର କହିଛନ୍ତି।

କେମିତି ପ୍ରତିରୋପଣ ହୁଏ କିଡନୀ ?

କିଡନୀ ପ୍ରତିରୋପଣ ହେଉଛି  ଏକ ସର୍ଜରୀ । ଖରାପ କିଡନୀକୁ ପରିବର୍ତ୍ତନ କରି ଡୋନରର କିଡନୀ  ଲଗାଯାଇଥାଏ।  କିଡନୀ ପ୍ରତିରୋପଣ ପରେ ସ୍ବାଭାବିକ ଜୀବନ ବଂଚନ୍ତି ହେଲେ ସଂକ୍ରମଣରୁ ଦୂରେଇ ରହିବାକୁ ସାଧାରଣତଃ ଡାକ୍ତର ପରାମର୍ଶ ଦିଅନ୍ତି । ଅଧିକାଂଶ ଲୋକ କିଡନୀ ପ୍ରତିରୋପଣର ତିନିମାସ ଅନ୍ତରରେ ସଂପୂର୍ଣ୍ଣ ସୁସ୍ଥ ହୋଇଯାଇଥାନ୍ତି। ମୃତ ଡୋନରଙ୍କ ଠାରୁ ମିଳିଥିବା କିଡନୀ ୧୫ ରୁ ୨୦ ଚାଲିଥାଏ । କିନ୍ତୁ କୌଣସି ବ୍ୟକ୍ତିଙ୍କ ତିନି ଥର କିଡନୀ ପ୍ରତିରୋପଣ ହେବା ଆଶ୍ଚର୍ଯ୍ୟକର କଥା।