କନକ ବ୍ୟୁରୋ: ଅପପୃଷ୍ଟିରେ ଜାତୀୟ ହାରଠୁ ଆଗରେ ଥିଲେ ବି ଓଡ଼ିଶା ଭଳି ରାଜ୍ୟରେ ଅପପୃଷ୍ଟି ରହିବା ଆମ ଶୁଭଙ୍କର ନୁହେଁ। ଦକ୍ଷତା ବିକାଶ କର୍ମଶାଳାରେ ଯୋଗ ଦେଇ ଏହା କହିଛନ୍ତି ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା। କେବଳ ଇଣ୍ଟର ଲିଙ୍କ ନହୋଇ ପାରିବା ଏହାର ମୁଖ୍ୟ କାରଣ। ବିକଶିତ ଓଡ଼ିଶା ଗଠନ ଦିଗରେ ଏହାକୁ ଗୁରୁତ୍ୱ ଦେବା ଆବଶ୍ୟକ । ଓଡ଼ିଶାକୁ ଏକ ସକ୍ରିୟ ଅପପୃଷ୍ଟି ମୁକ୍ତ ରାଜ୍ୟ ଭାବେ ଗଢିବାକୁ ହେଲେ ସିଡିପିଓଙ୍କ ସହଯୋଗ ଆବଶ୍ୟକ । ସ୍ଵଛତାର ସହ କାମ କରିବା ସହ ଫିଲିଡ୍‌ ଭିଜିଟି ବା ପ୍ରବାସ କରିବାକୁ ପଡ଼ିବ। ସରକାର ଯାହା ପଠାଉ ଛନ୍ତି ତାହା ଅଙ୍ଗନବାଡିରେ ପହଁଚୁଛି ନା ନାହିଁ ଛୋଟ ଛୋଟ କଥାକୁ ଧ୍ୟାନ ନ ଦେଲେ ବଡ଼ ପରିବର୍ତ୍ତନ ଆସି ପାରିବ ନାହିଁ ।

Advertisment

ସରକାରଙ୍କୁ ଗ୍ରାଉଣ୍ଡର ସଠିକ ଫିଡ଼ବ୍ୟାକ ଦେବାକୁ ହେବ। ସପ୍ତାହକୁ ୪ଟି ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ନେବାକୁ ପଡୁଛି। କେଉଁଠି ସରକାରଙ୍କ କାର୍ଯ୍ୟକାରୀ କରାଯାଉନି। ଉପମୁଖ୍ୟମନ୍ତ୍ରୀ କହିଛନ୍ତି, ଆଶା କରୁଛି ସରକାର ବଦଳିବା ପରେ ଆପଣ ମାନଙ୍କ ମାନସିକତା ବଦଳି ଥିବ। ଖାଦ୍ୟ ଠିକ ଭାବେ ନ ମିଳିଲେ ଦାୟୀ ରହିବେ ସିଡ଼ିପିଓ। ସବୁ ଦେଖି ଚୁପ ରହିଲେ ବିଭାଗ ନିନ୍ଦିତ ହେବ ବୋଲି କହିଛନ୍ତି ପ୍ରଭାତୀ ପରିଡ଼ା। ସେହିପରି ରାଜ୍ୟର ସମସ୍ତ ଅଙ୍ଗନବାଡ଼ିର ନିଜସ୍ୱ ଘର ନିର୍ମାଣ କରାଯିବ। ସେଠି ପାଣି, ବିଜୁଳି ବ୍ୟବସ୍ଥା କରାଯିବ। ନିଜ ଅଞ୍ଚଳରେ ଆସୁଥିବା ଅଙ୍ଗନବାଡ଼ି ସେଣ୍ଟରକୁ ସିଡ଼ିପିଓମାନେ ଭଲଭାବେ ତଦାରଖ କରନ୍ତୁ। ଛଅ ମାସକୁ ଥରେ ପ୍ରତି ଅଙ୍ଗନବାଡିକୁ ପରିଦର୍ଶନରେ ସିଡିପିଓମାନେ ଯାଆନ୍ତୁ ବୋଲି କହିଛନ୍ତି ପ୍ରଭାତୀ ପରିଡ଼ା।