ସାରା ରାଜ୍ୟରେ କୁହୁଡ଼ି: ୫୦ ମିଟର ମଧ୍ୟ ଦେଖାଯାଉନି, ଯାତାୟତ ବାଧାପ୍ରାପ୍ତ

କନକ ବ୍ୟୁରୋ : ଆଜି ସାରା ରାଜ୍ୟରେ ପ୍ରବଳ କୁହୁଡ଼ି ଦେଖିବାକୁ ମିଳିଛି । କଟକ , ଭୁବନେଶ୍ବର ସମେତ ବିଭିନ୍ନ ସ୍ଥାନରେ କୁହୁଡ଼ି ଦେଖିବାକୁ ମିଳିଛି । ୫୦ ମିଟର ପର୍ଯ୍ୟନ୍ତ ଦୃଶ୍ୟମାନ ହେଉନି ଦୂରତା । ଯାହାଫଳରେ ଯାତାୟତ ବାଧାପ୍ରାପ୍ତ ହୋଇଛି । କୁହୁଡ଼ି ଏତେ ମାତ୍ରାରେ ହୋଇଛି ଯେ ରାସ୍ତା ମଧ୍ୟ ଠିକ୍ ଭାବରେ ଦୃଶ୍ୟମାନ ହେଉନାହିଁ । ଯାହା ଫଳରେ ଲୋକମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି ।

ଅଧିକ ପଢନ୍ତୁ : ରାଜ୍ୟରେ ଶୀତର ଲହରୀ ଜାରି, ଘନକୁହୁଡ଼ି ନେଇ ୫ ଜିଲ୍ଲାକୁ ୟେଲୋ ୱାର୍ଣ୍ଣିଂ

 ୫ ହାତ ଦୂର ଦେଖିବା ବି କଷ୍ଟ ହୋଇପଡ଼ୁଛି । ବିଶେଷକରି ଗାଡ଼ି ଚାଳକମାନେ ସବୁଠୁ ଅଧିକ ପ୍ରଭାବିତ ହେଉଛନ୍ତି । ଶୀତଠୁ ବଳିକି କୁହୁଡ଼ି ହୋଇଛି । ଶୀତର ପରିମାଣ କମ୍ ହୋଇଥିବାବେଳେ ମାତ୍ରାଧିକ କୁହୁଡ଼ି ଜନଜୀବନକୁ ବିଶେଷ ଭାବରେ ପ୍ରଭାବ ପକାଇଛି । ରାଜଧାନୀରେ ମଧ୍ୟ ସକାଳୁ ସକାଳୁ ପ୍ରବଳ କୁହୁଡ଼ି ଦେଖିବାକୁ ମିଳିଛି । ଯାହାଫଳରେ ଯାତାୟତ ବାଧାପ୍ରାପ୍ତ ହୋଇଛି ।