ଧରାପଡ଼ିଲେ ୫ ଆତଙ୍କବାଦୀ ; ବିଭିନ୍ନ ରାଜ୍ୟରୁ ଗିରଫ କଲା ଦିଲ୍ଲୀ ପୁଲିସ

କନକ ବ୍ୟୁରୋ : ଦିଲ୍ଲୀ ପୁଲିସକୁ ବଡ଼ ସଫଳତା , ୫ ଆତଙ୍କବାଦୀ ଗିରଫ । ଆତଙ୍କୀ ସଙ୍ଗଠନ ଆଇଏସ୍ଆଇଏସ୍ ସହ ଜଡିତ ୫ ଆତଙ୍କୀଙ୍କୁ ଗିରଫ କରିଛି ଦିଲ୍ଲୀ ପୁଲିସ । ଦିଲ୍ଲୀ, ମୁମ୍ବାଇ, ଝାଡ଼ଖଣ୍ଡ, ମଧ୍ୟପ୍ରଦେଶ ଏବଂ ହାଇଦ୍ରାବାଦରେ ଚଢାଉ କରି ଆତଙ୍କବାଦୀ ରାକେଟର ପର୍ଦ୍ଦାଫାସ କରିଛି ପୁଲିସ । ସେମାନଙ୍କ ମଧ୍ୟ ଦୁଇ ଆତଙ୍କୀଙ୍କ ପରିଚୟ ମିଳିଛି । ସେମାନେ ହେଲେ ମୁମ୍ବାଇର ଅଫତାବ ଓ ସୁଫିୟାନ । ସେମାନଙ୍କୁ ଦିଲ୍ଲୀରୁ ଗିରଫ କରାଯାଇଛି । ଆଇଇଡି ପ୍ରସ୍ତୁତକାରୀ ସାମଗ୍ରୀ ଏବଂ ଅସ୍ତ୍ରଶସ୍ତ୍ର ଜବତ କରିଛି ପୁଲିସ ।

ସେହିପରି ରାଞ୍ଚିରୁ ଜଣେ ଅଭିଯୁକ୍ତ ଅସର ଦାନିସଙ୍କୁ ମଧ୍ୟ ଗିରଫ କରାଯାଇଛି । ଆଇଇଡି ପ୍ରସ୍ତୁତକାରୀ କେମିକାଲ ସେଠାରୁ ଜବତ କରାଯାଇଛି । ଗିରଫ ଆତଙ୍କୀମାନେ କେମିକାଲ ବୋମା ପ୍ରସ୍ତୁତ କରିବାରେ ଏକ୍ସପର୍ଟ ଅଛନ୍ତି । ସେମାନେ ଆତଙ୍କୀ ସଙ୍ଗଠନ ଆଇଏସ୍‌ଆଇସ୍‌ରୁ ପ୍ରେରିତ ହୋଇ ବଡ଼ ଧରଣର ଆକ୍ରମଣ କରିବାକୁ ଯୋଜନା କରୁଥିଲେ ବୋଲି ସୂଚନା ମିଳିଛି । ଦିଲ୍ଲୀରୁ ଦୁଇ ଜଣଙ୍କ, ରାଚିଂରୁ ଜଣେ, ମଧ୍ୟ ପ୍ରଦେଶ ଏବଂ ହାଇଦ୍ରାବାଦରୁ ଜଣେ ଲେଖାଏଁ ଆତଙ୍କୀ ଗିରଫ ହୋଇଛନ୍ତି ।