କନକ ବ୍ୟୁରୋ : ନାମ ପରିବର୍ତ୍ତନକୁ ନେଇ ବିଜେପି ଉପରେ ବର୍ଷିଛି ଆମ ଆଦମୀ ପାର୍ଟି । ମୋଗଲ ଶାସକଙ୍କ ନାମରେ ନାମିତ ରାସ୍ତା ଓ କୋଠାର ନାମ ପରିବର୍ତ୍ତନ ପ୍ରସଙ୍ଗରେ ବିଜେପିକୁ ଟାର୍ଗେଟ୍ କରିଛନ୍ତି ବରିଷ୍ଠ ଆପ ନେତା ସଞ୍ଜୟ ସିଂ । ସେ କହିଛନ୍ତି, ଗୋଟିଏ ପଟେ ବିଜେପିର କେନ୍ଦ୍ରମନ୍ତ୍ରୀମାନେ ମୋଗଲ ଶାସକଙ୍କ ନାମ ପରିବର୍ତ୍ତନ କରୁଛନ୍ତି, ଅନ୍ୟପଟେ ପ୍ରଧାନମନ୍ତ୍ରୀ ମୋଦୀ ଆମେରିକା ରାଷ୍ଟ୍ରପତିଙ୍କୁ ତାଜମହଲ ଦେଖାଉଛନ୍ତି । ଯେବେକି ସ୍ୱାଧୀନତା ପରେ ଦେଶରେ ଯେତେବି ପ୍ରଧାନମନ୍ତ୍ରୀ ହୋଇଛନ୍ତି, ସମସ୍ତେ ଅଗଷ୍ଟ ୧୫ ତାରିଖରେ ମୋଗଲ ଶାସକଙ୍କ ଦ୍ୱାରା ନିର୍ମୀତ ଲାଲକିଲାକୁ ଯାଇ ଭାଷଣ ଦିଅନ୍ତି । 

Advertisment

ସେ କହିଛନ୍ତି, "ବିଜେପି ଦେଶର ସାଧାରଣ ଲୋକଙ୍କ ସମସ୍ୟା, ମୁଦ୍ରାସ୍ଫୀତି, ଦାରିଦ୍ର୍ୟ ଏବଂ ବେକାରୀ ସମସ୍ୟା ଭଳି ଅନେକ ପ୍ରସଙ୍ଗଗୁଡ଼ିକୁ ଭୁଲି ଅନାବଶ୍ୟକ କଥା ଆଲୋଚନା କରି ସମସ୍ୟାକୁ ଚାପି ଦେବାକୁ ଚାହୁଁଛି । ଗତ ପାଞ୍ଚ ମାସରେ ଦେଶର ସାଧାରଣ ଲୋକମାନେ ସେୟାର ବଜାରରେ ୯୪ ଲକ୍ଷ କୋଟି ଟଙ୍କା ହରାଇଛନ୍ତି । କିନ୍ତୁ ଏହା ପ୍ରଧାନମନ୍ତ୍ରୀଙ୍କ ନଜରକୁ ଆସୁନି । ଧନୀ ଏବଂ ଗରିବଙ୍କ ମଧ୍ୟରେ ପାର୍ଥକ୍ୟ ବୃଦ୍ଧି ପାଇଛି, କିନ୍ତୁ ବିଜେପି ଏହା ଉପରେ ଆଲୋଚନା କରିବାକୁ ଚାହୁଁନାହିଁ । କେନ୍ଦ୍ରମନ୍ତ୍ରୀ କୃଷ୍ଣପାଲ ଗୁର୍ଜର ତୁଗଲକ ଲେନ୍ ସ୍ଥିତ ତାଙ୍କ ଘରର ନାମ ଫଳକକୁ ବିବେକାନନ୍ଦ ମାର୍ଗରେ ପରିବର୍ତ୍ତନ କରିଛନ୍ତି, ଏହା କ’ଣ ଏକ ଭଲ କଥା।"

କେବେ ଭାଙ୍ଗିବେ ତାଜମହଲ?
ସେ କଟାକ୍ଷ କରି କହିଲେ, ଏହାର ଅର୍ଥ ହେଉଛି କୃଷ୍ଣପାଲ ଗୁର୍ଜର ତାଙ୍କର ଦେଶପ୍ରେମ ଦେଖାଇବାକୁ ଚାହୁଁଛନ୍ତି । ସେ ମୋଗଲ ଯୁଗର ନିଷ୍ଠୁର ଶାସକଙ୍କ ବିରୁଦ୍ଧରେ ସ୍ୱର ଉଠାଇଛନ୍ତି, କିନ୍ତୁ ଅନ୍ୟପଟେ ପ୍ରଧାନମନ୍ତ୍ରୀ ମୋଦୀ, ଯେତେବେଳେ ତାଙ୍କ ବନ୍ଧୁ ଡୋନାଲ୍ଡ ଟ୍ରମ୍ପ ଆମେରିକାରୁ ଭାରତ ଆସନ୍ତି, ପ୍ରଧାନମନ୍ତ୍ରୀ ତାଙ୍କୁ ତାଜମହଲ ଦେଖାଇବାକୁ ନେଇଯାଆନ୍ତି । ତେବେ ଏହାକୁ କେବେ ଭାଙ୍ଗିବାକୁ ପଡିବ ତାହା କୃଷ୍ଣପାଲ ଗୁର୍ଜର କହିବା ଉଚିତ । ଆମେ ମଧ୍ୟ ସେମାନଙ୍କ ସହିତ କୋଦାଳ ଧରି ଯିବୁ।"