କନକ ବ୍ୟୁରୋ:  କୁଳରୁ ବାସନ୍ଦ ପାଇଁ ଘରେ ୮ ଘଣ୍ଟା ଯାଏଁ ପଡ଼ିରହିଲା ମୃତଦେହ । ଏକଘରିକିଆ ହେବା ଭୟରେ ମୃତକଙ୍କ ଘର ବାରଣ୍ଡା ମିଡ଼ିଲେନି ସାହିର କୌଣସି ଲୋକେ । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ଗଞ୍ଜାମ କବିସୂର୍ଯ୍ୟନଗର ଥାନା ଏ.ବରିଡା ଗାଁରେ । 

Advertisment

ବୁଧବାର ଦିନ ୧୨ଟାରେ ଗାଁର ପଦ୍ମନାଭ ସାହୁଙ୍କ ସ୍ୱାସ୍ଥ୍ୟଗତ କାରଣରୁ ମୃତ୍ୟୁ ହୋଇଥିଲା । କିନ୍ତୁ କୂଳରୁ ବାସନ୍ଦ ହୋଥିବାରୁ ରାତି ୮ଟା ଯାଏଁ ଘର ଭିତରେ ପଡ଼ି ରହିଥିଲା ମୃତଦେହ । କିଛି ବର୍ଷ ତଳେ ପଦ୍ମନାଭଙ୍କୁ କୂଳରୁ ବାସନ୍ଦ କରାଯାଇଥିବାରୁ ସାହିର ଲୋକେ ମୃତଦେହକୁ ଉଠାଇ ନଥିଲେ । ପରେ କବିସୂର୍ଯ୍ୟନଗର ପୁଲିସ ଗାଁରେ ପହଞ୍ଚି ଲୋକଙ୍କୁ ବୁଝାସୁଝା କରିବା ପରେ ମୃତଦେହକୁ ସତ୍କାର ପାଇଁ ନିଆଯାଇଥିଲା ।