ଭାରତୀୟ ଦ୍ରୁତ ବୋଲର ବୁମରାହଙ୍କୁ ପ୍ରଶଂସା କଲେ ଡେଲ ଷ୍ଟେନ । କହିଲେ, ସୁନା ସହ ସମାନ ବୁମରାହ

କନକ ବ୍ୟୁରୋ : ଦକ୍ଷିଣ ଆଫ୍ରିକାର ପୂର୍ବତନ ଦ୍ରୁତ ବୋଲର ଡେଲ୍ ଷ୍ଟେନ୍ ତାଙ୍କ ଦେଶବାସୀ କାଗିସୋ ରାବାଡା ଏବଂ ଭାରତର ଯଶପ୍ରୀତ ବୁମରାହଙ୍କୁ 'ସ୍ୱର୍ଣ୍ଣ' ମାନର ଦ୍ରୁତ ବୋଲର ବୋଲି ବର୍ଣ୍ଣନା କରିଛନ୍ତି । ଡେଲ ଷ୍ଟେନ ,ଷ୍ଟେନ ଗନ ଭାବେ ପରିଚିତ, କାରଣ ତାଙ୍କ ବୋଲିଂ ସ୍ପିଡ ପାଇଁ ସେ ଜଣାଶୁଣା। ଆଇସିସି ପୁରୁଷ ଟେଷ୍ଟ ବୋଲରଙ୍କ ମଧ୍ୟରେ ବୁମରାହ  ଓ ରାବାଡା ପ୍ରଥମ ଓ ଦ୍ବିତୀୟ ସ୍ଥାନରେ ଅଛନ୍ତି ଏବଂ ଏହି ପିଢ଼ିର ଅଳ୍ପ କିଛି ଅଲ୍ ଫର୍ମାଟ୍ ସୁପରଷ୍ଟାରଙ୍କ ମଧ୍ୟରୁ  ଅନ୍ୟତମ। ଇଏସପିଏନ୍ କ୍ରିକଇନ୍ଫୋକୁ ଦେଇଥିବା ଏକ ସାକ୍ଷାତକାରରେ ଷ୍ଟେନ୍ କହିଛନ୍ତି, ମୁଁ ଆଜି ଅନ୍ତର୍ଜାତୀୟ ଖେଳାଳିଙ୍କୁ ଦେଖିଛି ଯେଉଁମାନେ ପଡ଼ିଆ ପରିବର୍ତ୍ତନ ନକରି ୬ଟି ବଲ୍ ବୋଲିଂ କରନ୍ତି ଏବଂ ସେମାନେ ୧୦ ବର୍ଷ ଧରି ସର୍ବୋଚ୍ଚ ସ୍ତରରେ ଖେଳନ୍ତି। ବୁମରାହ ବିଶ୍ବର ଅନ୍ୟତମ ଶ୍ରେଷ୍ଠ ବୋଲର ,ବୁମରାହ ଜଣେ ପୁରା ପ୍ୟାକେଜ ,ତାଙ୍କ ପାଖରେ ସବୁ ଭେରାଇଟିର ବଲ ଅଛି ବୋଲି ଷ୍ଟେନ କହିଛନ୍ତି