ପାରାଦୀପ ରାଡାରରେ ଦିଶିଲାଣି ବାତ୍ୟା ! ପାଖେଇ ଆସୁଛି ‘ଦାନା’

କନକ ବ୍ୟୁରୋ: ରାଜ୍ୟକୁ ମାଡି ଆସୁଛି ବାତ୍ୟା ‘ଦାନା’ । ଏହା ଅତିଭୀଷଣ ରୂପ ନେବା ପରେ ଭିତରକନିକା ଓ ଧାମରା ମଧ୍ୟରେ ଲ୍ୟାଣ୍ଡଫଲ କରିବା ନେଇ ସୂଚନା ରହିଛି । ତେବେ ପାରାଦୀପ ରାଡାରରେ ବାତ୍ୟା ଦୃଶ୍ୟମାନ ହେବା ନେଇ ସୂଚନା ଦେଇଛି ପାଣିପାଗ ବିଭାଗ । 

ଏନେଇ ୬ ଜିଲ୍ଲା ଅଧିକ ପ୍ରଭାବିତ ହେବାକୁ ଥିବାବେଳେ ବିଶେଷ କରି ୫ ଟି ଜିଲ୍ଲାକୁ ହାଇଆଲର୍ଟ ଜାରି ହୋଇଛି । ଜଗତସିଂହପୁର, କେନ୍ଦ୍ରାପଡା, ଭଦ୍ରକ, ବାଲେଶ୍ୱର, ମୟୂରଭଞ୍ଜରେ ହାଇ ଆଲର୍ଟ ଜାରି ହୋଇଛି । ବାତ୍ୟା ପ୍ରଭାବରେ ଉତ୍ତର ଓଡିଶାରେ ଭୀଷଣ ବର୍ଷା ହେବାକୁ ଥିବାବେଳେ, ଆଭ୍ୟନ୍ତରୀଣ ଓଡିଶାରେ ବର୍ଷା ହେବାର ସୂଚନା ରହିଛି । ବାତ୍ୟାର ସ୍ଥିତିକୁ ଦେଖି ଆଜି ସନ୍ଧ୍ୟା ସୁଦ୍ଧା ପାଗରେ ପରିବର୍ତ୍ତନ ହେବାର ସୂଚନା ଦେଇଛି ପାଣିପାଗ ବିଭାଗ ।