ଭାରତ ମୁହାଁ ବାତ୍ୟା ଡିଟ୍‌ୱା :  ତାମିଲନାଡୁ, ଆନ୍ଧ୍ରପ୍ରଦେଶ ଓ ପୁଡୁଚେରିରେ ପ୍ରବଳ ବର୍ଷା

କନକ ବ୍ୟୁରୋ: ଭାରତ ମୁହାଁ ବାତ୍ୟା ଡିଟୱା । ଯାହାର ପ୍ରଭାବରେ ତାମିଲନାଡୁ, ଆନ୍ଧ୍ରପ୍ରଦେଶ, ପୁଡୁଚେରୀରେ ପ୍ରବଳ ପବନ ବୋହିବା ସାଙ୍ଗକୁ ଲଗାଣ ବର୍ଷା ଜାରି ରହିଛି । ଆନ୍ଧ୍ରର ୫ଟି ଜିଲ୍ଲାକୁ ରେଡ ଆଲର୍ଟରେ ରଖାଯାଇଛି । ସେପଟେ ପୂରା ତାମିଲନାଡୁ ପାଇଁ ଆଲର୍ଟ ଜାରି କରିଛି ଆଇଏମଡି । ବାତ୍ୟା ଉତ୍ତର ତାମିଲନାଡୁ ଓ ପୁଡୁଚେରୀ ଉପକୂଳ ଆଡକୁ ଗତି କରୁଥିବାରୁ କର୍ତ୍ତୃପକ୍ଷ ବ୍ୟାପକ ପଦକ୍ଷେପ ଗ୍ରହଣ କରିଛନ୍ତି । ସ୍କୁଲ-କଲେଜ ବନ୍ଦ ଘୋଷଣା କରାଯିବା ସହ ରିଲିଫ୍ କାର୍ଯ୍ୟ ପାଇଁ ସରକାର ପ୍ରସ୍ତୁତ ହୋଇ ରହିଛନ୍ତି ।  ଉତ୍ତର-ଉତ୍ତର-ପଶ୍ଚିମ ଦିଗକୁ ଗତି କରି ଉତ୍ତର ତାମିଲନାଡୁ, ପୁଡୁଚେରୀ ଓ ସଂଲଗ୍ନ ଦକ୍ଷିଣ ଆନ୍ଧ୍ରପ୍ରଦେଶ ଉପକୂଳ ନିକଟରେ ଦକ୍ଷିଣ-ପଶ୍ଚିମ ବଙ୍ଗୋପସାଗରରେ ପହଞ୍ଚିବା ସମ୍ଭାବନା ରହିଛି। ଉପକୂଳରେ ପବନର ବେଗ ଆଜି ସନ୍ଧ୍ୟାରେ ଘଣ୍ଟା ପ୍ରତି ୫୦-୬୦ କିମି ଏବଂ ସର୍ବାଧିକ ବେଗ ଘଣ୍ଟା ପ୍ରତି ୭୦ କିମି ରହିଛି । 

ଅଧିକ ପଢନ୍ତୁ : ଶ୍ରୀଲଙ୍କାର ତାଣ୍ଡବ ରଚିବା ପରେ ଭାରତ ମୁହାଁ ବାତ୍ୟା ଡିଟୱା: ତାମିଲନାଡୁରେ ପ୍ରବଳ ବର୍ଷା ସାଙ୍ଗକୁ ଝଡ଼ତୋଫାନ

ପ୍ରବଳ ବର୍ଷା ଏବଂପ୍ରବଳ ପବନର ପୂର୍ବାନୁମାନକୁ ଦୃଷ୍ଟିରେ ରଖି ଚେନ୍ନାଇ ବିମାନବନ୍ଦର କର୍ତ୍ତୃପକ୍ଷ ୫୪ଟି ବିମାନକୁ ବାତିଲ କରିଛନ୍ତି। ଆଞ୍ଚଳିକ ପାଣିପାଗ କେନ୍ଦ୍ର ଅନେକ ଜିଲ୍ଲାରେ ଅତି ପ୍ରବଳରୁ ଅତି ପ୍ରବଳ ବର୍ଷା ହେବାର ଚେତାବନୀ ଦେଇଛି । ସରକାରୀ ବିଜ୍ଞପ୍ତି ଅନୁଯାୟୀ, ପେରାମ୍ବାଲୁର, ତିରୁଭାରୁର, ନାଗପଟ୍ଟିନମ୍, ମାୟିଲାଡୁଥୁରାଇ, କୁଡାଲୋର, କାଲ୍ଲାକୁରିଚି, ପୁଡୁକୋଟ୍ଟାଇ, ପୁଡୁଚେରୀ ଓ କରାଇକାଲରେ ଆଜି ସ୍କୁଲ-କଲେଜ ବନ୍ଦ ରହିଛି । ପୁଡୁଚେରୀରେ ତଟବର୍ତ୍ତୀ ଅଂଚଳରୁ ଆଜି ଯୁଦ୍ଧକାଳୀନ ଭିତ୍ତିରେ ଲୋକଙ୍କୁ ସ୍ଥାନାନ୍ତର କରାଯାଇଛି ।
ସାଇକ୍ଲୋନ୍ ଡିଟ୍‌ୱା 
-ବାତ୍ୟା ଡିଟୱା ପାଇଁ ୩ ରାଜ୍ୟରେ ହାଇଆଲର୍ଟ
-ଆନ୍ଧ୍ର ,ତାମିଲନାଡୁ, ପୁଡୁଚେରିରେ ହାଇଆର୍ଲଟ  
-ତାମିଲନାଡୁରେ ବର୍ତ୍ତମାନ ସୁଦ୍ଧା ୩ରୁ ଅଧିକ ଲୋକଙ୍କ ମୃତ୍ୟୁ
-୩୮ଟି ଏନଡିଆରଏଫ୍, ଏସଡିଆରଏଫ୍ ଟିମ୍ ନିୟୋଜିତ
-୧ ଲକ୍ଷ ଲୋକଙ୍କୁ ସ୍ଥାନାନ୍ତର
-ଚେନ୍ନାଇ ବିମାନବନ୍ଦରରୁ ୫୦ରୁ ଅଧିକ ବିମାନ ଉଡ଼ାଣ ବାତିଲ
-ଚେନ୍ନାଇରେ ୯୦ ଟ୍ରେନ୍ ରୁଟ୍ ପରିବର୍ତ୍ତନ, କିଛି ବାତିଲ
-କ୍ରମଶଃ ଦୁର୍ବଳ ହେଉଛି ବାତ୍ୟା ଡିଟ୍‌ୱା
-ପବନର ବେଗ କ୍ରମଶଃ ହ୍ରାସ ପାଉଥିବା ଆଇଏମଡିର ସୂଚନା

 
ସେହିପରି ଶ୍ରୀଲଙ୍କାରେ ତାଣ୍ଡବ ରଚିଛି ବାତ୍ୟା ଡିଟୱା । ବାତ୍ୟା ପ୍ରଭାବରେ ୧୫୯ରୁ ଅଧିକ ମୃତ୍ୟୁ ହେବା ସହ ୨୦ହଜାର ଘର ନଷ୍ଟ ହୋଇଛି ।ରାସ୍ତାଘାଟ ଭାଙ୍ଗିବା ସହ ବିଭିନ୍ନ ସ୍ଥାନର ଯୋଗୋ ବୁଚ୍ଛିନ ହେରଇଛି । ଆକାଶମାର୍ଗରୁ ଦେଖିଲେ ଲାଗୁଛି ବାତ୍ୟା ଡିଟୱା ପ୍ରଭାବରେ ବୁଡି ଯାଇଚି ପୂରା ଶ୍ରୀଲଙ୍କା ।ସ୍ଥିତିକୁ ଦେଖି ଦେଶର ଏମରଜେନ୍ସି ଘୋଷଣା କରାଯାଇଛି ।ଜରୁରୀ ସେବା ଜାରି ରହିବ ।ତେବେ ବାତ୍ୟା ପ୍ରଭାବରେ ଭୁସ୍ଖଳନ ଓ ବନ୍ୟା ଅଧିକ କ୍ଷୟକ୍ଷତି କରିଛି ।
ବିଭିନ୍ନ ଜିଲ୍ଲାରେ ରେଡ ଆଲର୍ଟ ଜାରି କରାଯାଇଛି । ସେନା ଉଦ୍ଧାର କାର୍ଯ୍ୟଜାରି ରଖିଛି ।
ବାତ୍ୟାରେ ଶ୍ରୀଲଙ୍କା ଛାରଖାର
- ବାତ୍ୟା ଡିଟ୍‌ୱା ପ୍ରଭାବରେ ଶ୍ରୀଲଙ୍କାରେ ୧୫୯ରୁ ଅଧିକ ମୃତ
-୨୦୦ରୁ ଅଧିକ ନିଖୋଜ, ୫୧ ଜଣ ଆହତ
-୨୦ ହଜାରରୁ ଅଧିକ ଘର ନଷ୍ଟ
-ବାତ୍ୟା, ବନ୍ୟା, ଭୂସ୍ଖଳନରେ ଶ୍ରୀଲଙ୍କାରେ ବ୍ୟାପକ କ୍ଷତି
-କଲମ୍ବୋ ବିମାନବନ୍ଦରରେ ଫସିଛନ୍ତି ୩୦୦ ଭାରତୀୟ
-ଶ୍ରୀଲଙ୍କାକୁ ଭାରତର ସାହାଯ୍ୟ
-ଅପରେସନ ସାଗରବନ୍ଧୁ ଜାରି
-ଉଦ୍ଧାର ପାଇଁ ଶ୍ରୀଲଙ୍କାରେ ଭାରତର ଏନଡିଆରଏଫ୍ ଟିମ୍
-ଭାରତ ପଠାଇଲା ୨୧ ଟନ୍ ରିଲିଫ୍ ସାମଗ୍ରୀ

କେମିତି ଶ୍ରୀଲଙ୍କାର ବିପଦ ସମୟରେ ଦେବଦୂରତ ସାଜିଛନ୍ତି ଭାରତୀୟ ବାୟୁସେନା । ବନ୍ୟାପାଣିରେ ବୁଡିଥିବା ଲୋକଙ୍କୁ ଉଦ୍ଧାର କରିଛି ସେନା ।ବୟସ୍କ, ମହିଳା, କୁନିନି ଶିଶୁଙ୍କୁ ହେଲିକପ୍ଟର ଚେତକ ସାହାର୍ଯ୍ୟରେ ଉଦ୍ଧାର କରିଛି ଭାରତୀୟ  ସେନା ।ସେପଟେ ବିଭିନ୍ନ ସ୍ଥାନରେ ମୁତୟନ ହୋଇଛନ୍ତି ଏନଡିଆରଏଫ ଓ ଏସଡିଆରଏଫ ଟିମ । ବାତ୍ୟା ଓ ବନ୍ୟା ପ୍ରଭାବିତଙ୍କୁ ଉଦ୍ଧାର କରି ସୁରକ୍ଷିତ ସ୍ଥାନକୁ ଅଣାଯାଉଛି ।   ସେପଟେ ବାତ୍ୟାପୀଡିତଙ୍କୁ ସାହାଯ୍ୟ ଓ ସହଯୋଗ ପାଇଁ ଭାରତର କରୁଛି ଅପରେସନ ସାଗର ବନ୍ଧୁ । ଅତ୍ୟାବଶକୀୟ ସାମଗ୍ରୀ ନେଇ ବାତ୍ୟା ପ୍ରଭାବିତ ଅଞ୍ଚଳରେ ପହଞ୍ଚିଛି ଭାରତୀୟ ବାୟୁସେନା  ।ଭାରତୀୟ ସେନା ହିଣ୍ଡନବର୍ଗ ଓ ତ୍ରିବେନ୍ଦ୍ରମରୁ ଅତ୍ୟାବଶକୀୟ ସାମଗ୍ରୀ ନେଇ କଲୋମ୍ବୋରେ ପହଞ୍ଚିଛି  । ଖାଦ୍ୟ, ଔଷଧ, ପୋଷାକ ସହ ରିଲିଫରେ ରହିଛି ଅନ୍ୟାନ୍ୟ ଅତ୍ୟାବଶକୀୟ ସାମଗ୍ରୀ । ବତ୍ତର୍ମାନ ସୁଦ୍ଧା ୨୧ଟନ ରିଳିଫ ସାମଗ୍ରୀ ପଠାଇଛି ଭାରତ ।  ସେପଟେ କଲୋମ୍ବୋ ବିମାନବନ୍ଦରରେ ଫଶିଥିବା ଭାରତୀୟଙ୍କୁ ସ୍ବତନ୍ତ୍ର ବିମାନ ଯୋଗେ ଭାରତକୁ ଅଣାଯାଉଛି । ବାତ୍ୟା ପାଇଁ ପ୍ରାୟ ୩ଶହ ଭାରତୀୟ ଫଶିରହିଛନ୍ତି । ବ୍ୟତିବ୍ୟସ୍ତ ଯାତ୍ରୀଙ୍କୁ ଚିନ୍ତା ନକରିବାକୁ ପରାମର୍ଶ ଦେଇଛି ଭାରତୀୟ ହାଇକମିଶନର ।ଯାତ୍ରୀଙ୍କ ନିକଟରେ ପହଞ୍ଚି ସେମାନଙ୍କ ହାଲଚାଲ ପଚାରିବୁଝିବା ସହ ସମସ୍ତ ପ୍ରକାର ସାହାର୍ଯ୍ୟ ସହଯୋଗ ପାଇଁ ଆଶ୍ବସନା ଦେଇଛନ୍ତି