ଧରାପଡ଼ିଲେ ସାଇବର ଲୁଟେରା

କନକ ବ୍ୟୁରୋ : ଧରାପଡ଼ିଲେ ସାଇବର ଲୁଟେରା । ହ୍ବାଟସଆପରେ ଲିଙ୍କ୍ ପଠାଉଥିଲେ, ଟ୍ରେଡିଙ୍ଗରେ ଇନଭେଷ୍ଟ ପାଇଁ କହୁଥିଲେ । ଅଧିକ ରିଟନ୍ ଲୋଭ ଦେଖାଇ, ଭର୍ଚୁଆଲ ନମ୍ବରରେ ଯୋଗାଯୋଗ କରୁଥିଲେ। ଶେଷରେ ଟ୍ରେଡିଙ୍ଗ୍‌ ନାମରେ ବଲାଙ୍ଗିର ଜଣେ ଉଚ୍ଚ ଶିକ୍ଷିତ ଲୋକଙ୍କୁ ୭୫ ଲକ୍ଷ ଟଙ୍କାର ଚୁନା ଲଗାଇ ଥିଲେ ସ୍ମାର୍ଟ ଠକ ।  ସାଇବର ଥାନାରେ ଅଭିଯୋଗ ପରେ ୪ ସାଇବର ଠକ ଗିରଫ ହୋଇଛନ୍ତି ।

ଲକ୍ଷେ କି ଦୁଇ ଲକ୍ଷ ନୁହେଁ ଅଧିକ ଲୋଭରେ ଫ୍ରଡ୍ ଆପ୍ଲିକେସନରେ ଲଗାଇଥିଲେ ପୁରା ୭୫ ଲକ୍ଷ ଟଙ୍କା । ସାଇବର ପୋଲିସର ତଦନ୍ତ ପରେ ଇମେଲରୁ ମିଲିଲା ସୁରାକ୍ । ବଲାଙ୍ଗିର ସାଇବର ଥାନାର ଏକ ଟିମ୍ ରାଜସ୍ଥାନ ହରିଆନର ଗଙ୍ଗାନଗର ଓ ଜୁରୁ ଜିଲ୍ଲାକୁ ଯାଇଥିଲା । ସେଠାରୁ ୪ଜଣଙ୍କୁ ଧରିଛି ସାଇବର ପୋଲିସ ।