କନକ ବ୍ୟୁରୋ: ଲାଲଗଡ଼ର ଦେବଦୂତ । ଜଣେ ଗୁରୁତର ରୋଗୀଙ୍କୁ ନୂଆ ଜୀବନ ଦେଇଛନ୍ତି ଯବାନ । ଗୁରୁତର ଅବସ୍ଥାରେ ଜଣେ ବାତ ରୋଗୀଙ୍କ ଜୀବନ ବଞ୍ଚାଇଲେ CRPF ଯବାନ । ରୋଗୀ ଜଣଙ୍କୁ ଖଟରେ ବୋହିନେବା ସହିତ ଏକ ଟ୍ରାକ୍ଟର ଯୋଗେ ଡାକ୍ତରଖାନାରେ ପହଞ୍ଚାଇଛନ୍ତି । ଏହିଭଳି କିଛି ଦୃଶ୍ୟ ଛତିଶଗଡର ବିଜାପୁରରେ ଦେଖିବାକୁ ମିଳିଛି । ବିଜାପୁର ଜିଲ୍ଲାର ଅତି ଦୁର୍ଗମ ତଥା ମାଓପ୍ରବଣ ପଟେଲପାରା ଗାଁର ଜଣେ ବ୍ୟକ୍ତିଙ୍କୁ ହଠାତ ବାତ ମାରିବାରୁ ସେ ସମ୍ପୂର୍ଣ୍ଣ ଅସୁସ୍ଥ ହୋଇପଡ଼ିଥିଲେ । ଲୋକଟି ଜୀବନ ମରଣ ସହ ସଂଗ୍ରାମ କରୁଥିବା ବେଳେ ଘଟଣାସ୍ଥଳରେ ପହଞ୍ଚିଥିଲେ ଯବାନ । କୋରାଗୁଟ୍ଟା ସ୍ଥିତ ୧୫୧ ବାଟାଲିୟନର ଯବାନ ଓ ଡାକ୍ତରୀ ଦଳ ଗାଁକୁ ପହଞ୍ଚିଥିଲେ । ତୁରନ୍ତ ରୋଗୀଙ୍କୁ କବାସୀ ଆଡମାଙ୍କୁ ପ୍ରାଥମିକ ଚିକିତ୍ସା ଦେବା ସହିତ ଏକ ଖଟରେ ବୋହି ନେଇ  ଟ୍ରାକ୍ଟର ଯୋଗେ ପାମେଡ୍ ସ୍ୱାସ୍ଥ୍ୟ କେନ୍ଦ୍ର ପହଞ୍ଚାଇଛନ୍ତି CRPF ଯବାନ ।