କନକ ବ୍ୟୁରୋ : କ୍ରିକେଟ୍‌ ମ୍ୟାଚ୍ ଅତିଥି ଚୟନରୁ ଗଣ୍ଡଗୋଳ ପରେ ରାସ୍ତା ଅବରୋଧ । ରାଜଧାନୀ ଭୁବନେଶ୍ୱରର ଲକ୍ଷ୍ମୀସାଗରରେ ରାସ୍ତାରୋକ । ଫଳରେ ରସୁଲଗଡ଼-କଳ୍ପନା ରାସ୍ତା ଜାମ୍ । ପ୍ରାୟ ୨ଘଣ୍ଟା ଧରି ଏହି ଜାମ୍ ରହିଥିଲା, ଆଉ ଯାତ୍ରୀ ଫସି ରହିଥିଲେ । ଏହାକୁ ନେଇ ଘଟଣାସ୍ଥଳରେ ଉତ୍ତେଜନା ଦେଖାଦେଇଥିଲା । ରାସ୍ତାରେ ଅଟକି ରହିଥିବା ଯାତ୍ରୀ ଓ ଆନ୍ଦୋଳନକାରୀଙ୍କ ମଧ୍ୟରେ କଥା କଟାକଟି ହେବା ଦେଖିବାକୁ ମିଳିଛି । ପୋଲିସ୍ ଓ ଆନ୍ଦୋଳନକାରୀ ମଧ୍ୟ ମୁହାଁମୁହିଁ ହୋଇଛନ୍ତି । ଆନ୍ଦୋଳନ ବେଳେ ଜଣେ ମହିଳା ବେହୋସ୍ ହୋଇଯାଇଥିଲେ ।