କନକ ବ୍ୟୁରୋ: ତୃଣମୂଳ କଂଗ୍ରେସ ସାଂସଦ ମହୁଆ ମୈତ୍ର ପୁଣି ବିବାଦରେ ।  କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କ ବିରୋଧରେ ଏକ ଆପତିଜନକ ବୟାନ ଦେଇଛନ୍ତି । ମହୁଆ କହିଛନ୍ତି, ଶାହା ପଶ୍ଚିମରେ ଅବୈଧ ଅନୁପ୍ରବେଶ ରୋକିବାରେ ବିଫଳ ହୋଇଛନ୍ତି । ତେଣୁ ଗୃହମନ୍ତ୍ରୀଙ୍କ ମୁଣ୍ଡ କାଟି ପ୍ରଧାନମନ୍ତ୍ରୀଙ୍କ ଟେବୁଲରେ ରଖିବା ଉଚିତ । ଏହି ବୟାନ ବହୁତ ବିବାଦୀୟ ହୋଇପଡିବା ସହ  ରାଜନୈତିକ ହଇଚଇ ସୃଷ୍ଟି କରିଛି । ବିଜେପି ମୋଇତ୍ରାଙ୍କ ବୟାନକୁ କଡ଼ା ନିନ୍ଦା କରିଛି । ମହୁଆ ମୈତ୍ରଙ୍କ ବିରୋଧରେ ପୁଲିସରେ ଅଭିଯୋଗ ଦାଖଲ କରାଯାଇଛି ।

Advertisment

ଗତ ସୋମବାର ଦିନ, ଅନୁପ୍ରବେଶ ସମ୍ପର୍କରେ ସାମ୍ବାଦିକମାନଙ୍କ ପ୍ରଶ୍ନର ଉତ୍ତରରେ ମହୁଆ କହିଥିଲେ ଯେ ଏହାକୁ ରୋକିବା କେନ୍ଦ୍ର ଗୃହ ମନ୍ତ୍ରଣାଳୟର ଦାୟିତ୍ୱ, ଯେଉଁଥିରେ ଗୃହମନ୍ତ୍ରୀ ଅମିତ ଶାହ ସମ୍ପୂର୍ଣ୍ଣ ବିଫଳ ହୋଇଛନ୍ତି । ଟିଏମସି ସାଂସଦ ମହୁଆ ମୋଇତ୍ରା କହିଛନ୍ତି ଯେ ଯଦି ଭାରତର ସୀମାକୁ ସୁରକ୍ଷା ଦେବା ପାଇଁ କେହି ନାହାନ୍ତି, ଯଦି ଅନ୍ୟ ଦେଶର ଲୋକମାନେ ହଜାର ହଜାର ଏବଂ ଲକ୍ଷ ଲକ୍ଷ ଅନୁପ୍ରବେଶ କରୁଛନ୍ତି, ଆମର ମା' ଭଉଣୀମାନଙ୍କ ଉପରେ ନଜର ପକାଇ ଆମ ଜମି ଛଡ଼ାଇ ନେଉଛନ୍ତି, ତେବେ ଏଥିରେ ଦୋଷ କାହାର? ବାଂଲାଦେଶ ଆମର ବନ୍ଧୁ ଦେଶ ହୋଇଛି କିନ୍ତୁ ଆପଣଙ୍କ ଯୋଗୁଁ ଗତ କିଛି ବର୍ଷ ମଧ୍ୟରେ ପରିସ୍ଥିତି ବଦଳିଛି ।