ମଶା ପାଇଁ ପ୍ରତିବାଦ ; ରାସ୍ତାରେ ମଶାରୀ ଟାଙ୍ଗି ସମସ୍ୟା ଜଣାଇଲେ କଂଗ୍ରେସ କର୍ମୀ

କନକ ବ୍ୟୁରୋ : ମଶା ପାଇଁ ଆନ୍ଦୋଳନ । କଟକ ସହରରେ ନିଦ ହଜାଇ ଦେଲେଣି ମଶା । ଡ୍ରେନ ଗୁଡିକ ସଫା ହେଉନି କିମ୍ବା ଡ୍ରେନରେ ମଶାମରା ତେଲ ପଡୁନି । ଏମିତିକି କିଛି ଅଭିଯୋଗ କରି କଟକ ନଗର କଂଗ୍ରେସ କର୍ମୀ ରାସ୍ତାରେ ମଶାରି ଟାଣି ନିଆରା ପ୍ରତିବାଦ କରିଛନ୍ତି । ମଶା ନିୟନ୍ତ୍ରଣରେ କଟକ ମହାନଗର ନିଗମର ଅପାରଗତା ରହିଛି ବୋଲି କଂଗ୍ରେସ ଅଭିଯୋଗ କରିଛି । ଥାନାରେ ସିଏମସି କମିଶନରଙ୍କ ନାଁରେ ଏତଲା ଦିଆଯାଇଛି । ମଶାମରା ତେଲ ଓ ଡ୍ରେନ୍ ସଫେଇ ଟଙ୍କା ସିଏମସି କର୍ତ୍ତୃପକ୍ଷ ହରିଲୁଟ୍ କରିଥିବା କଟକ ନଗର କଂଗ୍ରେସ କର୍ମୀ ଅଭିଯୋଗ ଆଣିଛନ୍ତି ।