ଅଳିଆ ଗଦାରେ ପଡିଛି ଲୋକଙ୍କ ଅଭିଯୋଗ : ପୁରୀ କୃଷ୍ଣପ୍ରସାଦ ବ୍ଲକ କାର୍ଯ୍ୟାଳୟ ପରିସରରେ ଅଭାବନୀୟ ଦୃଶ୍ୟ ।

କନକବ୍ୟୁରୋ : ଅଳିଆ ଗଦାରେ ଅଭିଯୋଗ ପତ୍ର। ଜଣେ ଅସହାୟ ଲୋକର ଅନୁରୋଧ କୁ କିପରି ଖତଗଦାରେ ଫିଙ୍ଗି ଦିଆଯାଏ ତାହାର ଏକ ଜ୍ବଳନ୍ତ ଉଦାହରଣ ଦେଖିବାକୁ ମିଳିଛି ପୁରୀ ଜିଲ୍ଲା କୃଷ୍ଣପ୍ରସାଦ ବ୍ଳକ୍ କାର୍ଯ୍ୟାଳୟ ପରିସରରେ ।

 ଆବାସ ଯୋଜନା, ବାର୍ଦ୍ଧକ୍ୟ ଭତ୍ତା ଭଳି ମୌଳିକ ଆବଶ୍ୟକତା ପୂରଣ କରୁଥିବା ଯୋଜନାର ଆବେଦନ ପତ୍ର ଗୁଡ଼ିକ ବ୍ଳକ୍ କାର୍ଯ୍ୟାଳୟ ଭିତରେ ସୁରକ୍ଷା ଭିତରେ ରହିବା କଥା, କିନ୍ତୁ ଏଠାକାର ଚିତ୍ର ସମ୍ପୁର୍ଣ୍ଣ ଭିନ୍ନ ।   ବ୍ଳକ୍ ବାହାରେ ସମୂର୍ଣ୍ଣ ଅନାଥ ଭାବରେ ପଡ଼ି ରହିଛି। କୁଢ଼ କୁଢ଼ ଆବେଦନ ପତ୍ର  । ଏପରିକି ଜିଲ୍ଲାପାଳ ଙ୍କ ଜନଶୁଣାଣି ଶିବିରରେ  ଗ୍ରହଣ କରାଯାଉଥିବା ଅଭିଯୋଗ ପତ୍ର ଗୁଡ଼ିକ ମଧ୍ୟ ଏଠାରେ ପଡ଼ି ରହିଥିବା ଦେଖିବାକୁ ମିଳିଛି ।

ଗରିବ ଲୋକଙ୍କୁ ସହାୟତା ବଦଳରେ ଉପହାସ କରାଯାଉଥିବା ବୟାନ କରୁଛି  ବାହାରେ ପଡ଼ିଥିବା ଏହି ଅଭିଯୋଗ ପତ୍ର। ଏ ନେଇ ଆମେ କୃଷ୍ଣପ୍ରସାଦ ବ୍ଳକ୍ ବିଡିଓ ଙ୍କ ପ୍ରତିକ୍ରିୟା ନେଇଥିଲୁ କିନ୍ତୁ ଏହାକୁ ଅତ୍ୟନ୍ତ ଖାମଖିଆଲ ସହ ନେଇ ସେ ଏ ଗୁଡ଼ିକ ଗୁରୁତ୍ଵପୂର୍ଣ୍ଣ୍ ନୁହଁ ବୋଲି କହିଥିଲେ ।  

ଏଠାରେ ପ୍ରଶ୍ନ ଉଠୁଛି ଯଦି ଲୋକଙ୍କ  ଆବେଦନ ପତ୍ର ଗୁରୁତ୍ୱପୂର୍ଣ୍ଣ ନୁହେଁ , ତେବେ ଆମେ କାହାକୁ ଆଉ ଗୁରୁତ୍ୱପୂର୍ଣ୍ଣ କହିବା। କିଭଳି ଜଣେ ଅସହାୟ ଲୋକଙ୍କର ସମସ୍ୟାର ତୁରନ୍ତ ସମାଧାନ ହୋଇପାରିବ।