କରୁଣଙ୍କୁ ନେଇ ବଡ଼ କଥା କହିଦେଲେ ଗମ୍ଭୀର

କନକ ବ୍ୟୁରୋ: କ୍ରିକେଟର କରୁଣ ନାୟରଙ୍କ ଉପରେ ବଡ଼ ବୟାନ ଦେଇଛନ୍ତି କୋଚ୍‌ ଗମ୍ଭୀର । ଭାରତୀୟ କ୍ରିକେଟ୍‌ ଦଳର ମୁଖ୍ୟ କୋଚ୍‌ ଗୌତମ ଗମ୍ଭୀର ବ୍ୟାଟର କରୁଣ ନାୟରଙ୍କୁ ଦୀର୍ଘ ସୁଯୋଗ ଦେବାକୁ ପ୍ରତିଶ୍ରୁତି ଦେଇଛନ୍ତି । ନାୟରଙ୍କ ପ୍ରାରମ୍ଭିକ ଟେଷ୍ଟ କ୍ୟାରିୟରରେ ସୀମିତ ସୁଯୋଗ ମିଳିଥିବା ବେଳେ, ଗମ୍ଭୀର କହିଛନ୍ତି ଯେ ସେ ଜଣେ ଖେଳାଳିଙ୍କୁ ମାତ୍ର ଏକ ବା ଦୁଇଟି ଟେଷ୍ଟ ମ୍ୟାଚ୍‌ ଆଧାରରେ ବିଚାର କରିବେ ନାହିଁ ।

ଏପରିକି, ୨୦୧୬ରେ ଇଂଲଣ୍ଡ ବିପକ୍ଷରେ ତ୍ରିଶତକ ସହ ନାୟର ନିଜର ସାମର୍ଥ୍ୟ ପ୍ରମାଣ କରିଥିଲେ, କିନ୍ତୁ ତା’ପରେ ତାଙ୍କୁ ଭାରତୀୟ ଦଳରେ ସ୍ଥିର ସ୍ଥାନ ମିଳିନଥିଲା । ଗମ୍ଭୀରଙ୍କ ଏହି ମନ୍ତବ୍ୟ ନାୟରଙ୍କ ପାଇଁ ନୂଆ ଆଶା ସୃଷ୍ଟି କରିଛି । କୋଚ୍‌ କହିଛନ୍ତି, କରୁଣ ଜଣେ ପ୍ରତିଭାବାନ ଖେଳାଳି । ତାଙ୍କୁ ନିଜର ଯୋଗ୍ୟତା ପ୍ରମାଣ କରିବା ପାଇଁ ଯଥେଷ୍ଟ ସମୟ ଓ ସୁଯୋଗ ଦିଆଯିବ । ଭାରତୀୟ ଟେଷ୍ଟ ଦଳରେ ମଧ୍ୟମକ୍ରମରେ ସ୍ଥାନ ପାଇଁ ପ୍ରତିଯୋଗିତା ତୀବ୍ର ଥିବା ବେଳେ, ଗମ୍ଭୀରଙ୍କ ଏହି ପ୍ରତିଶ୍ରୁତି ନାୟରଙ୍କ ପାଇଁ ଏକ ବଡ଼ ପ୍ରେରଣା । ଆଗାମୀ ଟେଷ୍ଟ ସିରିଜରେ ନାୟରଙ୍କ ପ୍ରଦର୍ଶନ ଉପରେ ସମସ୍ତଙ୍କ ନଜର ରହିବ ।