ଜାପାନ ସହ ବଢ଼ୁଛି ଓଡ଼ିଶାର ସମ୍ପର୍କ, ଭୁବନେଶ୍ୱରରେ ତୋତରି ରାଜ୍ୟର ସାଂସଦ ଓ ବିଧାୟକ, ନିଯୁକ୍ତି ସୁଯୋଗ ପାଇଁ ଫିଟିବ ବାଟ

କନକ ବ୍ୟୁରୋ : ଜାପାନ ଓ ଓଡିଶା ଭିତରେ ବଢୁଛି ସମ୍ପର୍କ ।  ଓଡିଶାର ଯୁବବର୍ଗଙ୍କ ପାଇଁ ରୋଜଗାରର ପଥ ଦେଖାଉଛି ଜାପାନ ।  ଏହାସହ ଓଡିଶା ବିକାଶରେ ବି ସହଯୋଗର ହାତ ବଢାଇବ ଜାପାନ ସରକାର । ଏନେଇ ଆରମ୍ଭ ହୋଇଯାଇଛି ଖସଡା । ଯୋଜନାକୁ ବାସ୍ତବ ରୁପ ଦେବା ପାଇଁ ଓଡିଶା ଆସିଛନ୍ତି ଜାପାନ ସରକାରର ସାଂସଦ ଓ ବିଧାୟକମାନେ। ଦେଖନ୍ତୁ ଏହି ରିପୋର୍ଟ ।

ଜାପାନରେ ଓଡିଆଙ୍କୁ ମିଳିବ ନିଯୁକ୍ତି ସୁଯୋଗ। ଜାପାନ ସରକାର ଦେବେ ରୋଜଗାର। କେବଳ ଏତିକି ନୁହଁ ଓଡିଶାରେ ବି ନୂଆ ଶିଳ୍ପ ସ୍ଥାପନ କରିବେ ଜାପାନ ସରକାର। ଏଥିପାଇଁ ଓଡିଶା ପହଞ୍ଚିଛନ୍ତି ଜାପାନର ତୋତରି ରାଜ୍ୟର ସାଂସଦ ଓ ବିଧାୟକ । ୧୧ ଜଣିଆ ପ୍ରତିନିଧି ଦଳ ବିଶ୍ବ ଦକ୍ଷତା କେନ୍ଦ୍ର ପରିଦର୍ଶନ କରିଛନ୍ତି । ଏହି ସମୟରେ ବହୁ ବରିଷ୍ଠ ପ୍ରଶାସନିକ ଅଧିରକାରୀଙ୍କ ସହ ପ୍ରତିନିଧି ଦଳ ଆଲୋଚନା କରିଛନ୍ତି । ଯୁବାବର୍ଗଙ୍କ ଦକ୍ଷତା ବିକାଶରେ ବିଶ୍ବ ଦକ୍ଷତା କେନ୍ଦ୍ର କିଭଳି କାର୍ଯ୍ୟ  କରୁଛି ସେନେଇ ପଚାରି ବୁଝିଛନ୍ତି ପ୍ରତିନିଧି ଦଳ ।

ନକଲି ଇଡି, ସିବିଆଇ ଅଫିସର ସାଜି ଆସୁଥିଲା, ସରକାରୀ ଅଫିସର ଓ ବଡ଼ ବ୍ୟବସାୟୀଙ୍କୁ ଲୁଟୁଥିଲା

 ଗତ କିଛି ଦିନ ତଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଜାପାନ ଗସ୍ତରେ ଯାଇଥିଲେ। ଏହାପରଠାରୁ ଭାରତ ସହ ସମ୍ପର୍କ ବଢାଇବାରେ ଲାଗିଛି ଜାପାନ। ବିଶେଷକରି ଓଡିଶା ଉପରେ ଅଧିକ ଫୋକସ କରିଛନ୍ତି ଜାପାନ ସରକାର । ପୂର୍ବରୁ ଜାପାନ ସରକାରଙ୍କ ପ୍ରଶାସନିକ ଅଧିକାରୀ ଓଡିଶା ଆସିଥିବାବେଳେ ଏବେ ଜନପ୍ରତିନିଧି ଆସିଛନ୍ତି । ଉପମୁଖ୍ୟମନ୍ତ୍ରୀ ପ୍ରଭାତି ପରିଡାଙ୍କ ସମେତ ବହୁ ବରିଷ୍ଠ ପ୍ରଶାସନିକ ଅଧିକାରୀଙ୍କୁ ଭେଟିଛନ୍ତି ଜାପାନର ପ୍ରିତିନିଧି ଦଳ ।

ଏସଆଇ କେଳେଙ୍କାରୀରେ ସିବିଆଇ ବିଜ୍ଞପ୍ତି ପରେ ଛାନିଆ ବଡ଼ବଡ଼ିଆ, କାହା ପାଳି ପଡ଼ିବ ଟେନସନରେ ନେତା ଓ ଅଧିକାରୀ

ଓଡିଶା ଗସ୍ତ ସରିବା ପରେ ଜାପାନ ତୋତରି ବିଧାନସଭାରେ ଏ ସମ୍ପର୍କିତ ରିପୋର୍ଟ ଉପସ୍ଥାପନ କରିବେ ।