ଡାଇରିଆରୁ ବ୍ୟାପିଲା ହଇଜା

କନକ ବ୍ୟୁରୋ: ଯାଜପୁରରେ ହଇଜା ବ୍ୟାପିବା ପରେ ଜିଲ୍ଲା ପ୍ରଶାସନ ଓ ରାଜ୍ୟ ସରକାରଙ୍କ ଚିନ୍ତା ବଢ଼ିଯାଇଛି । କେନ୍ଦ୍ର ଓ ରାଜ୍ୟର ଟିମ୍ ଗ୍ରାଉଣ୍ଡରେ ସ୍ଥିତି ଅନୁଧ୍ୟାନ କରିଛି । ତେବେ ୧୪ ଜଣିଆ କେନ୍ଦ୍ରୀୟ ଟିମ୍ ଗ୍ରାଉଣ୍ଡର ସ୍ଥିତି ଅନୁଧ୍ୟାନ କରିବା ପରେ ଜଣାପଡ଼ିଛି...

Advertisment

ଯାଜପୁରରେ ହଇଜା ବ୍ୟାପିଛି
ଭିବ୍ରିଓ କଲେରା ଜୀବାଣୁ ଯୋଗୁଁ ବ୍ୟାପିଛି ହଇଜା
ଭିବ୍ରିଓ କଲେରାରେ ୫ ଜଣ ପ୍ରାଣ ହରାଇଛନ୍ତି
ପାଣ୍ଡେମିକ୍‌ ନୁହେଁ, ହଇଜା ଏବେ ଏଣ୍ଡେମିକ୍‌ ଷ୍ଟେଜରେ ଅଛି
ଏଣ୍ଡେମିକ୍‌ ଅର୍ଥାତ୍‌ ସ୍ବାଭାବିକ ସ୍ଥିତିରେ ଅଛି, ପାଣ୍ଡେମିକ୍‌ ଅର୍ଥାତ୍‌ ଭୟାବହ
କିନ୍ତୁ ଡାଇରିଆ ଅଧିକ ବ୍ୟାପିଛି

ପ୍ରଭାବିତ ଅଞ୍ଚଳ ପରିଦର୍ଶନ କରିବା ପରେ ୧୪ ଜଣିଆ କେନ୍ଦ୍ରୀୟ ଟିମ୍ ରାଜ୍ୟ ସ୍ବାସ୍ଥ୍ୟ ବିଭାଗ ସହ ଆଲୋଚନା କରିଛି । ପିଇବା ପାଣି , ଖାଦ୍ୟ ନିରାପତ୍ତା ସହ ବ୍ୟକ୍ତିଗତ ସ୍ବଚ୍ଛତା ଉପରେ ପରାମର୍ଶ ଦିଆଯାଇଛି । ବର୍ତ୍ତମାନ କେନ୍ଦ୍ରୀୟ ଟିମ୍ ପୁଣି ଗ୍ରାଉଣ୍ଡକୁ ଯିବ । ଯାଜପୁରରେ ଭିବ୍ରିଓ କଲେରା ଯୋଗୁଁ ଯାଜପୁରରେ ୫ ଜଣଙ୍କ ମୃତ୍ୟୁ ହୋଇଥିବା ସ୍ପଷ୍ଟ ହୋଇଥିଲେ ବି, ଅନ୍ୟ ସ୍ଥାନର ମୃତ୍ୟୁ ରିପୋର୍ଟକୁ ଅପେକ୍ଷା କରାଯାଇଛି। ରାଜ୍ୟରେ ୯ଟି ଜିଲ୍ଲାକୁ ବ୍ୟାପିଛି ଡାଇରିଆ । ଯାଜପୁର ଓ ଏହାର ପଡ଼ୋଶୀ ଜିଲ୍ଲା ଅଧିକ ପ୍ରଭାବିତ ହୋଇଛି । ଏବେ ଲୋକଙ୍କୁ ସ୍ବଚ୍ଛ ପିଇବା ପାଣି ପିଇବା ଓ ବାହାରେ ମଳତ୍ୟାଗ ନ କରିବାକୁ ଲୋକଙ୍କୁ ସଚେତନ କରାଯିବ। ତେବେ ବର୍ତ୍ତମାନ ଯାଜପୁରରେ ହଇଜା ବ୍ୟାପୁଛି । ଅନ୍ୟଆଡ଼େ ବି ଡାଇରିଆ ଧୀରେ ଧୀରେ ବ୍ୟାପିଲାଣି । ଆଉ ଏବେଠାରୁ ପ୍ରତିଷେଧମୂଳକ ବ୍ୟବସ୍ଥା ଗ୍ରହଣ ନ କଲେ ଏହା ଆଗକୁ ଅଣାୟତ୍ତ ହେବା ସମ୍ଭାବନା ରହିଛି ।