ନୟାଗଡ଼ ଦଶପଲ୍ଲା ପଞ୍ଚାୟତ ସମିତି ବୈଠକରେ ହଟ୍ଟଗୋଳ, ବିଡିଓ-ସମିତିସଭ୍ୟ ମୁହାଁମୁହିଁ

କନକ ବ୍ୟୁରୋ :  ନୟାଗଡ଼ ଦଶପଲ୍ଲା ପଂଚାୟତ ସମିତି ବୈଠକରେ ହଟ୍ଟଗୋଳ ।  ବିଡିଓ-ସମିତିସଭ୍ୟ ମୁହାଁମୁହିଁ । ବିଡ଼ିଓଙ୍କ ବିରୁଦ୍ଧରେ ତାତିଲେ ପଂଚାୟତ ସମିତି ସଦଶ୍ୟ ।  ନାରାବାଜି ସହ କାର୍ଯ୍ୟାଳୟ  ପରିସରରେ ସମିତି ସଭ୍ୟମାନେ ଧାରଣା ଦେଇଛନ୍ତି। ଅଭିଯୋଗକୁ ନେଇ ବିଡ଼ିଓ କହିଛନ୍ତି ନାଲିଆଖି ନୁହେଁ, କାମ ସାରିବାକୁ ତାଗିଦ କରିଥିଲେ । ଘଟଣାକୁ ନେଇ  ବିଡ଼ିଓ ଦୁଃଖ ପ୍ରକାଶ ପରେ  ପରିସ୍ଥିତି ଶାନ୍ତ ପଡିଛି ।  ଦଶପଲ୍ଲା ବ୍ଲକ  ୨୦ ଟି ପଂଚାୟତର ସଦଶ୍ୟଙ୍କୁ ନେଇ ଆଜି ବୈଠକ ଚାଲିଥିବା ବେଳେ ପୂର୍ବ ସଭାରେ ହୋଇଥିବା ନିଷ୍ପତ୍ତି ସମ୍ପର୍କରେ ଆଲୋଚନା ପାଇଁ ସଦଶ୍ୟମାନେ ଅଡ଼ି ବସିଥିଲେ ।  ତେବେ ତିନିଦିନ ତଳେ କାର୍ଯ୍ୟଭାର ଗ୍ରହଣ କରିଥିବା ବିଡ଼ିଓ ଖର୍ଚ୍ଚ ହୋଇନଥିବା ପାଣ୍ଠି ସମ୍ପର୍କରେ ଆଲୋଚନା ଆରମ୍ଭ କରିଥିଲେ ।  ଏଥିରେ ସମିତି ସଦଶ୍ୟ ଉତକ୍ଷିପ୍ତ ହୋଇପଡ଼ିଥିଲେ ।  ବିଡ଼ିଓ ନାଲି ଆଖି ଦେଖାଉଥିବା ଅଭିଯୋଗ କରି ସଭାଗୃହ ପରିସରରେ ନାରାବାଜି କରିବା ସହ ଧାରଣା ଦେଇଥିଲେ ।  ତେବେ ବିଡ଼ିଓ ଶରତ ମଲ୍ଲିକ ଧାରଣସ୍ଥଳକୁ ଆସି ସଦଶ୍ୟଙ୍କୁ ବୁଝାଶୁଝା କରିବା ସହ ଘଟଣା ପାଇଁ ଦୁଃଖ ପ୍ରକାଶ କରିଥିଲେ ।  ପୂର୍ବ ସଭାର ନିଷ୍ପତି ସମ୍ପର୍କରେ ଆଲୋଚନା ର ପ୍ରତିଶ୍ରୁତି ଦେବାପରେ ପରିସ୍ଥିତି ସ୍ୱାଭାବିକ ହୋଇଥିଲା

ଆଜିଠୁ ରାଜ୍ୟର ରେଳ ମାନଚିତ୍ରରେ ଯୋଡ଼ି ହେଲା ଦଶପଲ୍ଲା । ଖୋର୍ଦ୍ଧା-ବଲାଙ୍ଗିର ରେଳପଥରେ ପ୍ରଥମ ଥର ପାଇଁ ଦଶପଲ୍ଲାକୁ ଗଡ଼ିବ ୪ଟି ଟ୍ରେନ୍