ପୂଜା ପୂର୍ବରୁ ରାଜଧାନୀରେ ମାତିଲେ ଚେନ ଲୁଟେରା । ଖାରବେଳ ନଗର ଥାନା ନିକଟରୁ ମହିଳାଙ୍କ ବେକରୁ ଝାମ୍ପିନେଲେ ସୁନା ଚେନ୍

କନକ ବ୍ୟୁରୋ : ପାର୍ବଣରେ ସକ୍ରିୟ ସୁନା ଚେନ୍‌ ଲୁଟେରା । ଥାନା ନିକଟରେ ବି ସୁରକ୍ଷିତ ନୁହଁନ୍ତି ମହିଳା । ଗୁରୁବାର ଖାରବେଳ ନଗର ଥାନାଠାରୁ ମାତ୍ର ୫୦୦ ମିଟର ଦୂରରେ ଜଣେ ମହିଳାଙ୍କ ବେକରୁ ସୁନା ଚେନ୍‌ ଝାମ୍ପି ନେଇଛନ୍ତି ଦୁର୍ବୃତ୍ତ । ଦୁଇ ଜଣ ଦୁର୍ବୃତ୍ତ ବାଇକ୍‌ରେ ଆସି ମହିଳାଙ୍କ ବେକରୁ ଚେନ୍‌ ଝାମ୍ପି ନେଇଥିବା ଥାନାରେ ଅଭିଯୋଗ ହୋଇଛି ।

ମହିଳା ଜଣକ ପୂଜା ପାଇଁ କପଡ଼ା କିଣିବାକୁ ଆସିଥିବା ବେଳେ ଚେନ ଛିନ୍ତାଇର ଶିକାର ହୋଇଛନ୍ତି । ଥାନାରେ ଏତଲା ପରେ ପୋଲିସ ଘଟଣାର ତଦନ୍ତ ଆରମ୍ଭ କରିଛି । ସେପଟେ ଆଜି ଅପରାହ୍ନରେ ମଧ୍ୟ ଅନ୍ୟ ଜଣେ ମହିଳାଙ୍କଠାରୁ ସମାନ ଢଙ୍ଗରେ ଟଙ୍କା ଲୁଟି ନେଇଥିଲେ ଦୁର୍ବୃତ୍ତ ।