ବିଜେପିର ଜବାବ, ନିଜ ଭୁଲକୁ ଲୁଚାଉଛନ୍ତି ମମତା ।

କନକ ବ୍ୟୁରୋ: କୋଲକାତା ଘଟଣାକୁ ନେଇ କେନ୍ଦ୍ର ଓ ପଶ୍ଚିମବଙ୍ଗ ସରକାର ମଧ୍ୟରେ ମୁହାଁମୁହିଁ ସ୍ଥିତି । ଡାକ୍ତରଙ୍କ ଦୁର୍ଷ୍କମ ଓ ହତ୍ୟା ମାମଲାରେ ଚିଠି ଲେଖୁଛନ୍ତି ଆଉ ତାଙ୍କୁ ଉତ୍ତର ମିଳୁନଥିବା ମମତା ବାନାର୍ଜୀ ଅଭିଯୋଗ କରିବା ପରେ ଏନେଇ ଏବେ ଜବାବ ରଖିଛନ୍ତି କେନ୍ଦ୍ର ସରକାର ।କହିବାକୁ ଗଲେ ଚିଠି ରାଜନୀତିକୁ ନେଇ ପୁଣି ଥରେ ଉଷ୍ମତା

ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ଅଭିଯୋଗ
ସମ୍ବେଦନଶୀଳ ପ୍ରସଙ୍ଗରେ ଜବାବ ରଖୁନି କେନ୍ଦ୍ର
ବିଜେପିର ଜବାବ, ନିଜ ଭୁଲକୁ ଲୁଚାଉଛନ୍ତି ମମତା

କଲୋକାତା ଦୁର୍ଷ୍କମ ଓ ହତ୍ୟା ମାମଲାରେ ଚିଠି ଲେଖଛି କିନ୍ତୁ ଜବାବ ଦେଉନାହାଁନ୍ତି କେନ୍ଦ୍ର ସରକାର । ସମ୍ବେଦନଶୀଳ ପ୍ରସଙ୍ଗରେ ଜବାବ ନଦେବା କ’ଣ ଠିକ?ଏଭଳି କିଛି ଅଭିଯୋଗ ଶୁକ୍ରବାର କରିଥିଲେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ।ଆଉ ଏବେ ଏହାର ଜବାବ ରଖିଛନ୍ତି କେନ୍ଦ୍ର ସରକାରଙ୍କ ମନ୍ତ୍ରୀ ଅନ୍ନପୂର୍ଣ୍ଣା ଦେବୀ

ମମତାଙ୍କ ଚିଠିରେ ବିଜେପିର ଉତ୍ତର
-ରାଜ୍ୟସରକାର ମହିଳା ବିରୋଧୀ ହିଂସାର ବିଚାର ପାଇଁ କେନ୍ଦ୍ରୀୟ ଯୋଜନା ଅନୁଯାୟୀ କୌଣସ ଫାଷ୍ଟଟ୍ରାକ୍ କୋର୍ଟ ସ୍ଥାପନ କରିନାହାଁନ୍ତି
-ପଶ୍ଚିମବଙ୍ଗରେ ୧୨୩ଟି ଫାଷ୍ଟଟ୍ରାକ କୋର୍ଟ ସ୍ଥାପନ ଲାଗି କେନ୍ଦ୍ର ସରକାର ଅନୁମତି ପ୍ରଦାନ କରିଥିବାବେଳେ ମାତ୍ର ୬ଟି ପାଷ୍ଟଟ୍ରାକ୍ କୋର୍ଟ ସ୍ଥାପନ
-୨୦୧୯ରୁ କେନ୍ଦ୍ର ସରକାର କାର୍ୟ୍ୟକାରୀ କରିଥିବା ଫାଷ୍ଟଟ୍ରାକ କୋର୍ଟ ସ୍ଥାପନ ଯୋଜନାରେ ମାମିଲ ହେବା ଲାଗି ୨୦୨୩ରେ ପଶ୍ଚିମବଙ୍ଗ ସରକାର ସମ୍ମତି ପ୍ରକାଶ
-ପ୍ରଥମ ପର୍ୟ୍ୟାୟରେ ୧୭ଟି ଫାଷ୍ଟଟ୍ରାକ୍ କୋର୍ଟ ସ୍ଥାପନ ଲାଗି ରାଜ୍ୟ ସରକାରଙ୍କୁ ଟାର୍ଗେଟ
-ମାତ୍ର ରାଜ୍ୟ ସରକାର ଏବେ ମାତ୍ର ୬ଟି ଫାଷ୍ଟଟ୍ରାକ୍ କୋର୍ଟ ସ୍ଥାପନ
-ପଶ୍ଚିମବଙ୍ଗରେ ଏବେ ୪୮,୬୦୦ଟି ବଳାତ୍କାର ମାମଲା ବିଚାରାଧୀନ
-ରାଜ୍ୟରେ ଦୁଷ୍କର୍ମ ଓ ପୋକ୍ସୋ ସମ୍ବନ୍ଧିତ ୪୮.୬୦୦ ମାମଲା ପଡିରହିଛି ତଥା ପି ଏହାର ଫଇସଲା ହୋଇପାରୁନି
-ଫାଷ୍ଟଟ୍ରାକ ସ୍ପେଶାଲ କୋର୍ଟ କାର୍ୟ୍ୟକାରୀରେ ବିଳମ୍ବକୁ ଲୁଚାଉଛନ୍ତି ମମତା ସରକାର

ସେପଟେ ପୁଣି ଥରେ କୋଲକାତା ଘଟଣାକୁ ନେଇ ଉଦବେଗ ପ୍ରକାଶ କରିଛନ୍ତି ପ୍ରଧାନମନ୍ତ୍ରୀ ମୋଦୀ । ମହିଳାଙ୍କ ସୁରକ୍ଷା ଅଧିକ ମଜବୁତ ସହ ସୁନିଶ୍ଚିତ କରିବା ଦିଗରେ କାମ କରିବା ଉଚିତ। ମହିଳାଙ୍କ ପ୍ରତି ବଢ଼ୁଥିବା ଅତ୍ୟାଚାର ସମାଜ ପାଇଁ ବଡ ବିପଦ ଓ ଗମ୍ଭୀର ଚିନ୍ତାଜନକ ବିଷୟ । ସୁରକ୍ଷା ପାଇଁ ଥିବା ଆଇନକୁ ଅଧିକ ମଜଭୁତ କରିବା ଜରୁରୀ ଓ ତଦନ୍ତ ଏବଂ ନ୍ୟାୟ ପ୍ରକିୟାକୁ ଅଧିକ ତ୍ବରାନିତ୍ବ କରିବା ଉପରେ ପ୍ରଧାନମନ୍ତ୍ରୀ ଗୁରୁତ୍ବ ଦେଇଛନ୍ତି ।

ଅଭୟାଙ୍କୁ ନ୍ୟାୟ ଦେବା ପାଇଁ ଫେଡେରେସନ ଅଫ ଅଲ ଇଣ୍ଡିଆ ମେଡିକାଲ ଆସୋସିଏସନ ଆଜି ଦିଲ୍ଲୀ ଜନ୍ତରମନ୍ତରରେ ଧାରଣାରେ ବସିଛି ।ଶାନ୍ତିପୂର୍ଣ୍ଣ ପ୍ରତିବାଦରେ ଶହ ଶହ ଜୁନିୟର ଡାକ୍ତର ସାମିଲ ହୋଇଛନ୍ତି । ସେପଟେ ମାମଲାକୁ ବିଭିନ୍ନ ଦିଗରେ ତଦନ୍ତ କରୁଛି ସିବିଆଇ । ତେବେ ତଦନ୍ତକାରୀ ସଂସ୍ଥା କିଛି ଜରୁରୀ ପ୍ରଶ୍ନ ପଛର କାରଣ ଖୋଜୁଛି । ଡାକ୍ତରଙ୍କ ସହ ଘଟିଥିବା ଅଘଟଣର ୪୦ ମିନିଟ ପରେ କାହିଁକି ପୁଲିସ ଦିଆଗଲା ସୂଚନା ? ପୁଲିସ ପହଁଚିବା ଭିତରେ କ’ଣ ପ୍ରମାଣକୁ ନଷ୍ଟ କରିବାକୁ ଚେଷ୍ଟା କରାଯାଇଥିଲା କି ? ଅଗଷ୍ଟ ୯ରେ ଘଟିଥିବା ଡାକ୍ତର ଦୁଷ୍କର୍ମ ଓ ହତ୍ୟା ମାମଲାରେ ସ୍ତବ୍ଦ ପୂରା ଦେଶ ଆଉ ସେପଟେ ଉଠୁଛି ପଡୁଛି ପଶ୍ଚିମବଙ୍ଗ ।