ଫାଇଭ-ଟି ସ୍କୁଲରୁ ଖସିଲା ସିଲିଂ; ଜଣେ ଶିକ୍ଷକଙ୍କ ସମେତ ୩ ଛାତ୍ରୀ ଆହତ

କନକ ବ୍ୟୁରୋ : ଫାଇଭ-ଟି ସ୍କୁଲରୁ ଖସିଲା ସିଲିଂ । ଜଣେ ଶିକ୍ଷକଙ୍କ ସମେତ ୩ ଛାତ୍ରୀ ଆହତ । ଖୋର୍ଦ୍ଧା ଜିଲ୍ଲା ଧଳାପଥର ବାଳିକା ଉଚ୍ଚବିଦ୍ୟାଳୟରୁ ଆସିଛି ଏପରି ଚିତ୍ର । କିଛିଦିନ ତଳେ ଲକ୍ଷାଧିକ ଟଙ୍କା ବ୍ୟୟରେ ଫାଇଭ-ଟି ସ୍କୁଲର ରୂପାନ୍ତରଣ କାର୍ଯ୍ୟ ହୋଇଥିଲା । ତେବେ କେଇ ମାସ ନପୁରୁଣୁ ଛାତରୁ ପ୍ଲାଷ୍ଟର ଖସିଛି ।

ସବୁଠୁ ବଡ଼ କଥା ହେଉଛି ଶ୍ରେଣୀ ଗୃହରେ ଶିକ୍ଷକ ପାଠ ପଢ଼ାଉଥିବା ବେଳେ ଏହି ପ୍ଲାଷ୍ଟର ଖସିଛି । ଶିକ୍ଷକ ବିଜ୍ଞାନ ପଢ଼ାଉ ଥିବାବେଳେ ଘଟିଛି ଅଘଟଣ । ଶିକ୍ଷକଙ୍କର ହାତ, ଗୋଡ଼ରେ ବାଜିଛି ସିଲିଂରୁ ଖସିଥିବା ପ୍ଲାଷ୍ଟର । ଘଟଣା ଜଣାପଡିବା ପରେ ସ୍କୁଲର ପ୍ରଧାନଶିକ୍ଷତ୍ରୀ ଆହତ ଛାତ୍ରୀ ମାନଙ୍କୁ ସ୍ଥାନୀୟ ମେଡ଼ିକାଲରେ ଭର୍ତ୍ତି କରାଯାଇଛି । ଏବଂ ଏନେଇ ବିଇଓଙ୍କୁ ମଧ୍ୟ ଖବର ଦେଇଛନ୍ତି । ବୋଲଗଡ଼ ବିଇଓ ଏ ଘଟଣା ସମ୍ପର୍କରେ ବିଡିଓଙ୍କୁ ଅବଗତ କରିଛନ୍ତି । ନିମ୍ନମାନର କାମ ଯୋଗୁଁ ଏଭଳି ଘଟିଥିବା ଅଭିଯୋଗ ହୋଇଛି ।