ବାବୁ ବେଶରେ ଚା’ ବିକୁଛନ୍ତି ମାଟ୍ରିକ୍ ଫେଲ୍ ଚା’ ବାଲା : ପ୍ରବଳ ଭାଇରାଲ ହେଉଛନ୍ତି ଯୁବକ...

କନକ ବ୍ୟୁରୋ  : ସୋସିଆଲ ମିଡିଆରେ ଅନେକ ଭିଡିଓ ଭାଇରାଲ ହୋଇଥାଏ । ବିଗତ ଦିନରେ  ଆପଣ ଦେଖିଥିବେ କିଏ ଏମବିଏ କରି ଚା  ବିକ୍ରୀ କରୁଥିଲେ  ତ ଆଉ କିଏ  ଗ୍ରାଜୁଏଶନ  କରି  ଚା ବିକ୍ରୀ କରି ମାକେର୍ଟରେ ଭାଇରାଲ ହୋଇଛନ୍ତି । ଏହି ଧାରାରେ ଏବେ ନୂଆ ଚା ୱାଲା ସାମିଲ ହୋଇଛନ୍ତି । ଏହି ଚା ୱାଲା ଜଣଙ୍କ  ଦଶମ ଫେଲ୍ । ଯାହାଙ୍କୁ ଲୋକେ କହୁଛନ୍ତି ସିବିଏସଇ  ଦଶମ ଫେଲ ଚା ୱାଲା । ଏହି ଯୁବକ ଜଣଙ୍କ ଏବେ ଦଶମ ଫେଲ ଚା ୱାଲା ନାଁରେ ଭାଇରାଲ ହେବାରେ ଲାଗିଛନ୍ତି । ବାସ୍ତବରେ ଏହି ଯୁବକଙ୍କ ଚା’ ଷ୍ଟଲରେ ଲେଖାଯାଇଛି ସିବିଏସଇ ୧୦ମ ଫେଲ ଚା ୱାଲା । ଯେଉଁଥି ପାଇଁ  ଯୁବକ ଜଣଙ୍କ  ସୋସିଆଲ ମିଡିଆରେ ଖୁବ୍ ଜୋରରେ ଭାଇରାଲ ହେଉଛନ୍ତି । ତେବେ ଯୁବକଙ୍କ ଟି ଷ୍ଟଲ ଇଣ୍ଟରନେଟରେ ଭାଇରାଲ ହେବା ଦ୍ୱାରା ୟୁଜର ମାନେ ଭିନ୍ନ ଭିନ୍ନ ପ୍ରତିକ୍ରିୟା ଦେବା ଆରମ୍ଭ କରିଛନ୍ତି । ଅନେକ ୟୁଜର  ଏହି  ଭିଡିଓକୁ ଦେଖିବା ପରେ ଯୁବକଙ୍କ ଭବିଷ୍ୟତକୁ ନେଇ ଚିନ୍ତା ବ୍ୟକ୍ତ ମଧ୍ୟ କରିଛନ୍ତି ।  

 ଭାଇରାଲ ହେଉଥିବା  ଭିଡିଓରେ ରାସ୍ତା  କଡରେ ଏକ ଟି ଷ୍ଟଲ ଖୋଲା ହୋଇଛିି । ଯେଉଁଥିରେ ବଡ ବଡ ଅକ୍ଷରରେ ଲେଖାହୋଇଛି  CBSE  ୧୦ମ ଫେଲ୍ ଚାଏ ୱାଲା । ଏହି ଷ୍ଟଲରେ ଜଣେ ଯୁବକ ଧଳା ସାର୍ଟ ପିନ୍ଧିଛନ୍ତି । ବେକରେ ଏକ କଳା ରଙ୍ଗର ଟାଇ ବି ଭିଡିଛନ୍ତି । ଆଉ ଏହି ବେଶରେ ଚା’  ତିଆରି କରି ଗ୍ରାହକଙ୍କୁ ବିକ୍ରୀ କରୁଛନ୍ତି ।  ତେବେ ଏପର୍ଯ୍ୟନ୍ତ ଯୁବକଙ୍କ ଚା ବିଷୟରେ କେହି କିଛି ମନ୍ତବ୍ୟ ଦେଇନାହାଁନ୍ତି । କିନ୍ତୁ ଯୁବକଙ୍କ ଚା ଷ୍ଟଲ ର  ନାଁ ଲୋକଙ୍କ ମଧ୍ୟରେ ବେଶ ଉତ୍ସାହ ସୃଷ୍ଟି କରିଛି । ଏହି ଭିଡିଓଟିକୁ ଇଷ୍ଟାଗ୍ରାମରେ ଜଣେ ବ୍ୟକ୍ତି ସେୟାର କରିଥିଲେ ।  ଭିଡିଓ ଟିକୁ ଏପର୍ଯ୍ୟନ୍ତ  ୫୯ ଲକ୍ଷରୁ ଅଧିକ ଲୋକ ଦେଖି ସାରିଥିବା ବେଳେ ୨ ଲକ୍ଷ ୨୭ ହଜାରରୁ ଅଧିକ ଲୋକ ଲାଇକ୍  କରିସାରିଛନ୍ତିି । କିଛି ଲୋକ ଭିଡିଓରେ କମେଣ୍ଟ କରି ମଜା ନେଉଥିବାବେଳେ ଆଉ କିଛି ଚା ବିକ୍ରି କରୁଥିବା ଯୁବକଙ୍କ ଭବିଷ୍ୟତକୁ ନେଇ ଚିନ୍ତା  ପ୍ରକାଶ କରିଛନ୍ତି । ତେବେ ୟୁଜର୍ସଙ୍କ ଚିନ୍ତା ଯେ ଏହି ବୟସ ତୁମର ପଢା ବୟସ । ପଢାପଢି କରିବା କଥା  କିନ୍ତୁ  ଚା  ପ୍ରସ୍ତୁତ ନୁହେଁ । ତେବେ ଏହା  ପୂର୍ବରୁ ମଧ୍ୟ ଆପଣ ଦେଖିଥିବେ ଏମବିଏ ଚା ୱାଲା । ଯିଏ କି ଏହିପରି ଭାବରେ ଚା ବିକ୍ରୀ କରି  ପ୍ରସିଦ୍ଧି ଲାଭ କରିଥିଲେ । ଘରେ ଘରେ ଏମବିଏ ଚା ୱାଲା ନାମରେ ଭାଇରାଲ ହୋଇଥିଲେ ।  କିନ୍ତୁ ଏବେ ମାର୍କେଟରେ  ସିବିଏସଇ ୧୦ମ ଫେଲ ଚା ୱାଲାଙ୍କ ଚାହିଦା ରହିଛି ।