ଇଡି କାର୍ଯ୍ୟାଳୟରେ ସିବିଆଇର ରେଡ୍‌ ।  ଜବତ ହେଲାଣି ୧୧ କୋଟି..

କନକ ବ୍ୟୁରୋ : ଇଡି କାର୍ଯ୍ୟାଳୟରେ ସିବିଆଇର ଚଢାଉ । କଥାଟି ଶୁଣିଲେ ହୁଏତ ଆପଣଙ୍କୁ ଆଶ୍ଚର୍ଯ୍ୟ ଲାଗୁଥିବ । କିନ୍ତୁ ଖବର ଟି ସମ୍ପୂର୍ଣ୍ଣ ସତ । ଶିମଲାରେ ପ୍ରବର୍ତ୍ତନ ନିର୍ଦ୍ଦେଶାଳୟର ଆସିଷ୍ଟାଣ୍ଟ ଡାଇରେକ୍ଟରଙ୍କ ଘରେ ସିବିଆଇ ଚଢାଉ କରିଛି ।

ଏହି ଚଢାଉରେ  ପ୍ରଚୁର ଅର୍ଥରାଶି ଜବତ ହୋଇଛି । ଏହି ଜବତ ଅର୍ଥ ପାଖାପାଖି ୫୬ ଲକ୍ଷ  ଟଙ୍କା ହେବ ବୋଲି କୁହାଯାଉଛି । ରେଡ୍‌ ପରେ ଇଡି ଅଫିସର ଫେରାର ହୋଇଯାଇଥିବା ସୂଚନା । ସିବିଆଇର ସୂଚନା ଅନୁସାରେ ଇଡି ଅଫିସରଙ୍କ ଉପରେ ତିନି ବର୍ଷ  ପୁରୁଣା ମନି ଲଣ୍ଡରିଙ୍ଗ ଆକ୍ଟ ମାମଲା ରେ ଲାଞ୍ଚ ନେବା  ଅଭିଯୋଗ ଲାଗିଛି । ଏଥିସହିତ ଅଭିଯୁକ୍ତ ଅଫିସରଙ୍କ ଭାଇଙ୍କୁ ମଧ୍ୟ  ସିବିଆଇ ଏହି ମାମଲାରେ ଜେଲ୍‌ ପଠାଇଥିଲା ।  

ଏହା ପୂର୍ବରୁ  ୨୨ ଡିସେମ୍ବରରେ ମଧ୍ୟ ଚଢାଉ କରି ଇଡି ଅଫିସରଙ୍କ ଅନ୍ୟ ଏକ ଘରୁ ୫୪ ଲକ୍ଷ ଟଙ୍କା ଜବତ କରିଥିଲା ସିବିଆଇ । ତେବେ ଏପର୍ଯ୍ୟନ୍ତ  ପାଖାପାଖି ୧୧ କୋଟି ଟଙ୍କା ପ୍ରବର୍ତ୍ତନ ନିର୍ଦ୍ଦେଶାଳୟର ଆସିଷ୍ଟାଣ୍ଟ ଡାଇରେକ୍ଟରଙ୍କ ଘରୁ  ଜବତ  କରିଛି  ସିବିଆଇ ।