ନାକ୍ ରେଟିଂ ପାଇଁ ଲାଞ୍ଚ ମାମଲା ;  ସମ୍ବଲପୁର ୟୁନିଭର୍ସିଟି ପ୍ରଫେସରଙ୍କ ଘରେ ସିବିଆଇ

କନକ ବ୍ୟୁରୋ: ବୁର୍ଲାରେ ସିବିଆଇ ଟିମ୍। ବୁର୍ଲା ସମ୍ବଲପୁର ବିଶ୍ବବିଦ୍ୟାଳୟର ପ୍ରଫେସର ବୁଲୁ ମହାରଣାଙ୍କ ଘରେ ସିବିଆଇ ରେଡ୍ । ୫ଜଣିଆ ସିବିଆଇ ଟିମ୍ ଆସି ଛାନଭିନ କରୁଛନ୍ତି । ନାକ୍ ଟିମରେ ବୁଲୁ ମହାରଣା ସାମିଲ ଥିବାବେଳେ ସେ ସିବିଆଇ ଦ୍ବାରା ଗିରଫ ହୋଇଛନ୍ତି । ଫଳରେ ସେହିଦିନ ହିଁ ସିବିଆଇ ବୁଲୁ ମହାରଣାଙ୍କ ଘର ସିଲ କରିଥିଲା । ଆଜି ସିବିଆଇର ୫ ଜଣିଆ ଟିମ୍ ଏହି ଚଢାଉ କରୁଛନ୍ତି। 

ଘରୋଇ ବିଶ୍ବବିଦ୍ୟାଳୟକୁ ରେଟିଂ ଦେବାପାଇଁ ପ୍ରଫେସର ବୁଲୁ ମହାରଣା ଲାଞ୍ଚ ନେଉଥିବା ଅଭିଯୋଗ ହୋଇଥିଲା । ଏହି ଆଧାରରେ ବୁଲୁ ମହାରଣାଙ୍କ ସମେତ ୧୦ଜଣଙ୍କୁ ଗିରଫ କରାଯାଇଛି । ୨ ଦିନ ତଳେ ଦେଶର ବିଭିନ୍ନ ବିଶ୍ୱ ବିଦ୍ୟାଳୟରେ ସିବିଆଇ ଚଢ଼ାଉ କରିଥିଲା । ଓଡ଼ିଶା ସମେତ ଚେନ୍ନାଇ, ବାଙ୍ଗାଲୋର, ବିଜୟ ୱାଡା, ସମ୍ବଲପୁର, ପାଲମୁ, ଭୋପାଳ ଦିଲ୍ଲୀ ଆଦି ଅଞ୍ଚଳରେ ରେଡ ହୋଇଥିଲା ।