କନକ ବ୍ୟୁରୋ: ବୁଲା କୁକୁରଙ୍କୁ ସ୍ଥାନାନ୍ତର ଓ ବନ୍ଧ୍ୟାକରଣ ମାମଲାରେ ଚାରିଆଡୁ ପ୍ରତିବାଦ ସତ୍ତ୍ୱେ ବି ରାୟ ସଂରକ୍ଷିତ ରଖିଲେ ସୁପ୍ରିମକୋର୍ଟ ।  ଦିଲ୍ଲୀ-ଏନସିଆର ଅଞ୍ଚଳରେ ବୁଲା କୁକୁର ସଂପର୍କିତ ମାମଲାର ଶୁଣାଣି କରି ସୁପ୍ରିମକୋର୍ଟର ତିନି ଜଣିଆ ଖଣ୍ଡପୀଠ ରାୟ ସଂରକ୍ଷିତ ରଖିଛନ୍ତି । ଏଥିସହ ନିୟମ ପାଳନ କରୁନଥିବାରୁ ସର୍ବୋଚ୍ଚ ଅଦାଲତ ସ୍ଥାନୀୟ ପ୍ରଶାସନ ଉପରେ ବର୍ଷିଛନ୍ତି । ଖଣ୍ଡପୀଠ କହିଛନ୍ତି, ସଂସଦ ନିୟମ ପ୍ରସ୍ତୁତି କରୁଛି କିନ୍ତୁ ତାହା ପାଳନ କରାଯାଉନାହିଁ । ସ୍ଥାନୀୟ ପ୍ରଶାସନ ଯାହା କରିବା କଥା ତାହା କରୁନାହାନ୍ତି । ସେମାନଙ୍କୁ ଉତ୍ତରଦାୟୀତ୍ବ ନେବାର ଆବଶ୍ୟକତା ଥିବା କହିଛନ୍ତି ଜଷ୍ଟିସ ବିକ୍ରମ ନାଥ, ସନ୍ଦୀପ ମେହେଟା ଏବଂ ଏନଭି ଅଞ୍ଜାରିଆଙ୍କୁ ନେଇ ଗଠିତ ଖଣ୍ଡପୀଠ । ଏଥିସହ ଅଗଷ୍ଟ ୧୧ ତାରିଖରେ ଜଷ୍ଟିସ୍ ଜେବି ପାରଡିୱାଲ ଏବଂ ଆର ମହାଦେବନ ଦେଇଥିବା ନିର୍ଦ୍ଦେଶକୁ ପାଳନ କରିବାକୁ କହିଛନ୍ତି ଖଣ୍ଡପୀଠ । ଦିଲ୍ଲୀ-ଏନସିଆରର ସମସ୍ତ ବୁଲାକୁକୁରଙ୍କୁ ୮ ସପ୍ତାହ ଭିତରେ ଉଠାଇ ନେଇ ବନ୍ଧ୍ୟାକରଣ କରିବା ସହ ଆଶ୍ରୟସ୍ଥଳୀରେ ରଖିବାକୁ ଆଦେଶ ପାରିତ କରିଥିଲେ ଏହି ଖଣ୍ଡପୀଠ । ଏହି ରାୟକୁ ଚ୍ୟାଲେଞ୍ଜ କରି ହୋଇଥିବା ଆବେଦନକୁ ଗ୍ରହଣ କରି ସୁପ୍ରିମକୋର୍ଟ ମାମଲାକୁ ସ୍ୱତନ୍ତ୍ର ଖଣ୍ଡପୀଠକୁ ସ୍ଥାନାନ୍ତର କରିଥିଲେ । ନବଗଠିତ ସ୍ୱତନ୍ତ୍ର ଖଣ୍ଡପୀଠ ଆଜି ଏସମ୍ପର୍କିତ ହୋଇଥିବା ୪ଟି ମାମଲାର ଶୁଣାଣି କରି ରାୟ ସଂରକ୍ଷିତ ରଖିଛନ୍ତି ।

Advertisment

ସୁପ୍ରିମ୍‌କୋର୍ଟରେ ବୁଲା କୁକୁରଙ୍କ ଭାଗ୍ୟ 
ବୁଲା କୁକୁରଙ୍କ ପାଇଁ ପୁଣି ଲଢ଼େଇ
ସର୍ବସାଧାରଣ ସ୍ଥାନରୁ କୁକୁରଙ୍କୁ ହଟାଇବା ରାୟ ସଂରକ୍ଷିତ
ଦିଲ୍ଲୀ-ଏନ୍‌ସିଆର୍‌ ଅଞ୍ଚଳରୁ କୁକୁର ବିଦା ପ୍ରସଙ୍ଗର ପୁନଃଶୁଣାଣି
ବିଭିନ୍ନ ଆଡ଼ୁ ବିରୋଧ ପରେ ପୁଣି ହେଲା ଶୁଣାଣି
କୁକୁର ପ୍ରେମୀଙ୍କ ଲାଗି ବିଚାର ପାଇଁ ରାଜି ହୋଇଥିଲେ ସର୍ବୋଚ୍ଚ ଅଦାଲତ
ଆଜି ସୁପ୍ରିମ୍‌କୋର୍ଟ ମାମଲାର ପୁନଃଶୁଣାଣି ଥିଲା
ଚାରିଆଡ଼ୁ ବିରୋଧ ପରେ ପୁନଃବିଚାର ଆବେଦନ କରିଥିଲେ ଆଇନଜୀବୀ
୨୦୨୪ ମସିହାର ରାୟକୁ ମନେ ପକାଇଥିଲେ
ସେତେବେଳେ ବୁଲାକୁକୁରଙ୍କ ପାଇଁ ନରମ ମନୋଭାବ ପୋଷଣ କରିଥିଲେ ସୁପ୍ରିମ୍‌କୋର୍ଟ
କୁକୁରଙ୍କ ପାଇଁ ପୁଣି ଚିନ୍ତା କରିବାକୁ ନିବେଦନ ଥିଲା
ମାମଲାର ଶୁଣାଣି କରି ରାୟ ସଂରକ୍ଷିତ କରିଛନ୍ତି ସୁପ୍ରିମ୍‌କୋର୍ଟ