କନକ ବ୍ୟୁରୋ : ଦୁର୍ଘଟଣା ପରେ ଜଳିଗଲା ସିଏନଜି କାର । ଅଳ୍ପକେ ବର୍ତ୍ତିଲେ ଯୁବକ । ଗତକାଲି ବିଳମ୍ବିତ ରାତ୍ରିରେ ବାରିପଦା ସହର ତକତପୁର ରାଣୀବନ୍ଧ ଛକ ନିକଟରେ ଘଟିଛି ଏଭଳି ଘଟଣା। ଗୁରୁତର ଅବସ୍ଥାରେ ଚାଳକଙ୍କୁ କାରରୁ ଉଦ୍ଧାର କରିଛନ୍ତି ସ୍ଥାନୀୟ ଲୋକେ । ଯୁବକ ଜଣକ ଗୁରତର ଅବସ୍ଥାରେ ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ଚିକିତ୍ସାଧୀନ ଅଛନ୍ତି । ଗୁରୁତର ଯୁବକ ଜଣକ ହେଲେ ବାରିପଦା ସହର ତକତପୁର ଅଞ୍ଚଳର ଶୁଭମ ବେହେରା । ସୂଚନା ମୁତାବକ ଯୁବକ ଜଣକ ଗତକାଲି ରାତିରେ ନିଜର ସିଏନଜି କାରରେ ଘରକୁ ଫେରୁଥିଲେ । ଦୁର୍ଭାଗ୍ୟବଶତଃ କାରର ଟାୟାର ଫାଟିଯିବାରୁ କାରଟି ରାସ୍ତା କଡରେ ଥିବା ଏକ ଗଛରେ ପିଟି ହୋଇଥିଲା । ମାତ୍ର କିଛି ସମୟ ମଧ୍ୟରେ କାରଟି ହୁତୁହୁତୁ ହୋଇ ଜଳିଯାଇଥିଲା । ତେବେ ଶବ୍ଦ ଶୁଣି ସ୍ଥାନୀୟ ଅଞ୍ଚଳର କିଛି ଯୁବକ ଜଳନ୍ତା କାରରୁ ଯୁବକଙ୍କୁ ଉଦ୍ଧାର କରି ପ୍ରଥମେ ବାରିପଦା ଡାକ୍ତରଖାନା ପରେ ତାଙ୍କୁ  ଭୁବନେଶ୍ବରର ସ୍ଥାନାନ୍ତର କରାଯାଇଥିଲା 

Advertisment